ದೇಶ

ಕೇತನ್​ಗೆ ಸ್ಲೋ ಪಾಯ್ಸನ್​ ಕೊಡಲು, ಅಂಗವಿಕಲನನ್ನಾಗಿಸಲು ಸಂಚು​​; ಭಾವಿ ಪತ್ನಿ ಸಿಯಾ, ಪ್ರಿಯಕರ ಚೇತನ್​ನ ಮತ್ತೊಂದು ಪ್ಲ್ಯಾನ್​ ರಿವೀಲ್.. Ketan Murder

Pune Lohagad Ketan Agarwal Murder Case
Pune Lohagad Ketan Agarwal Murder Case
Published on: 

ಪ್ರಮುಖ ಮುಖ್ಯಾಂಶಗಳು

  • ಮೇ.31ರಿಂದಲೇ ಕೇತನ್​ ಕೊಲೆಗೆ ಸ್ಕೆಚ್​ ಹಾಕಿದ್ದ ಸಿಯಾ ಗೋಯೆಲ್​ ಮತ್ತು ಪ್ರಿಯಕರ ಚೇತನ್​
  • ಲೋಹಗಡ್​ ಕೋಟೆಯಿಂದ ತಳ್ಳಲು ಹಲವು ಬಾರಿ ಪ್ರಯೋಗಿಕವಾಗಿ ಅಭ್ಯಾಸ ಮಾಡಿದ್ದರು ಎನ್ನುವುದು ಬೆಳಕಿಗೆ
  • ಅಂಗವಿಕಲನನ್ನಾಗಿಸಲು, ಸ್ಲೋ ಪಾಯಿಸನ್ ಕೊಡಲು ಸಂಚು ರೂಪಿಸಿದ್ದ ಭಾವಿ ಪತ್ನಿ ಸಿಯಾ ಗೋಯೆಲ್​
Pune Lohagad Ketan Agarwal Murder Case: ಕೇತನ್​ ಮತ್ತು ಸಿಯಾಳ ಮದುವೆ ನವೆಂಬರ್​ನಲ್ಲಿ ರಾಜಸ್ಥಾನದ ಕೋಟೆಯಲ್ಲಿ ನೆರವೇರಿಸಲು ಕುಟುಂಬಸ್ಥರು ನಿರ್ಧರಿಸಿದ್ದರು. ಇದಕ್ಕಾಗಿ ಸಮರೋಪದಿ ತಯಾರಿ ನಡೆಯುತ್ತಿತ್ತು. ಈ ಮಧ್ಯೆ ಜೂನ್ 18ರಂದು ಕೇತನ್​ ಮೃತಪಟ್ಟಿರುವ ಸುದ್ದಿ ಬೆಳಕಿಗೆ ಬಂದಿತ್ತು. ಆತನ ಕುಟುಂಬಸ್ಥರಿಗೆ ಸಿಯಾಳ ನಡವಳಿಕೆಯಲ್ಲಿದ್ದ ಬದಲಾವಣೆಯು ಅನುಮಾನ ಹುಟ್ಟಿಸಿತ್ತು. ಈ ಕಾರಣದಿಂದಾಗಿ ಹೊಸದಾಗಿ ತನಿಖೆ ನಡೆಸಲು ಪೊಲೀಸರಿಗೆ ಮನವಿ ಮಾಡಿಕೊಂಡಿದ್ದರು. ತಾಂತ್ರಿಕ ಹಾಗೂ ಸಿಸಿಟಿವಿ ದೃಶ್ಯಾವಳಿಗಳನ್ನು ಆಧರಿಸಿ ತನಿಖೆ ನಡೆಸಿದ ಪೊಲೀಸರಿಗೆ ಇದೊಂದು ಪೂರ್ವನಿಯೋಜಿತ ಕೊಲೆ ಎನ್ನುವುದು ಬೆಳಕಿಗೆ ಬಂದಿದೆ.

ಅಂಗವಿಕಲನಾಗಿಸಲು ಪ್ಲ್ಯಾನ್​

ಕೇತನ್​ನನ್ನು ಲೋಹಗಢ ಕೋಟೆಯಿಂದ ಕೆಳಕ್ಕೆ ತಳ್ಳಿ ಕೊಲೆ ಮಾಡಲು ಪ್ಲ್ಯಾನ್​ ಮಾಡುವ ಮುನ್ನ ಕೆತಾನ್‌ನನ್ನು ಸಂಪೂರ್ಣವಾಗಿ ವಿಕಲಚೇತನಗೊಳಿಸಿ, ಅಪಘಾತದ ಸ್ವರೂಪ ನೀಡಲು ಸುಪಾರಿ ಕೊಲೆಗಾರನನ್ನು ನೇಮಿಸಿಕೊಳ್ಳಲು ಯೋಜಿಸಿದ್ದರು ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

ಕೇತನ್​ ಆಕ್ಸಿಡೆಂಟ್​ ಮಾಡಲು ಯೋಜನೆ

ಕೇತನ್​ನೊಂದಿಗೆ ಮದುವೆಯಾಗಲು ಮಾನಸಿಕವಾಗಿ ಸಿದ್ಧಳಾಗಿರಲಿಲ್ಲ. ಪ್ರಿಯಕರನ ಜೊತೆ ಎಸ್ಕೇಪ್​ ಆದರೆ ಪೋಷಕರ ಗೌರವಕ್ಕೆ ಧಕ್ಕೆ ಬರುತ್ತದೆ ಎನ್ನುವುದನ್ನು ಮನಸ್ಸಿನಲ್ಲಿಟ್ಟುಕೊಂಡು ಮದುವೆ ಮುರಿಯಲು ಸಿಯಾ ಪ್ಲ್ಯಾನ್​ ಮಾಡಿದ್ದರು. ಹೀಗಾಗಿ ವ್ಯಕ್ತಿಯನ್ನು ಶಾಶ್ವತವಾಗಿ ಅಂಗವಿಕಲನನ್ನಾಗಿಸೋದು ಹೇಗೆ ಹಾಗೂ ಸ್ಲೋ ಪಾಯಿಸನ್ ಕೊಡೋದು ಹೇಗೆ ಎಂದು ಜೆಮಿನಿಯಲ್ಲಿ ಹುಡುಕಾಟ ನಡೆಸಿದ್ದರು ಎಂದು ಪೊಲೀಸರು ಮಂಗಳವಾರ ನಡೆಸಿದ ವಿಚಾರಣೆಯಲ್ಲಿ ಬಯಲಾಗಿದೆ.
ಕೇತನ್​​​ಗೆ ಆಕ್ಸಿಡೆಂಟ್​ ಆಗುವಂತೆ ಮಾಡಿ, ಅದನ್ನು ದರೋಡೆಯಂತೆ ನಿರೂಪಿಸಲು ಪ್ಲ್ಯಾನ್​ ಮಾಡಿದ್ದರು. ಇದರಿಂದ ಕೇತನ್​​ ಅಂಗವಿಕಲನಾದ್ರೆ ಮದುವೆ ಬೇಡ ಎಂದು ಹೇಳಬಹುದು ಎನ್ನುವುದು ಸಿಯಾಳ ಆಲೋಚನೆಯಾಗಿತ್ತು ಎಂದು ಪೊಲೀಸರ ಮೂಲಗಳು ತಿಳಿಸಿವೆ.

ಸ್ಲೋ ಪಾಯ್ಸನ್​ ಬಗ್ಗೆ ರೀಸರ್ಚ್​

ಆರೋಪಿಗಳು ವಿಧಿವಿಜ್ಞಾನ ಸಾಕ್ಷ್ಯಗಳು ಸಿಗದಂತೆ ನೇರ ಕೊಲೆಯಿಂದ ತಪ್ಪಿಸಿಕೊಳ್ಳಲು ಯತ್ನಿಸಿದ್ದರು. ಕೆತಾನ್‌ನ ಸಾವು ಆಕಸ್ಮಿಕ ಎನ್ನುವಂತೆ ಬಿಂಬಿಸಲು ಸಿಯಾ 'ಸ್ಲೋ ಪಾಯ್ಸನ್' ನೀಡಿದರೆ ಪತ್ತೆಯಾಗುತ್ತದೆಯೇ ಎಂದು ಆನ್‌ಲೈನ್‌ನಲ್ಲಿ ಹುಡುಕಾಟ ನಡೆಸಿದ್ದಳು.

ಲೋಹಗಡ್ ಕೋಟೆಯ ಆಯ್ಕೆ ಮತ್ತು ವಿಫಲ ಯತ್ನಗಳು

ಲೋನಾವಾಲ ಸುತ್ತಮುತ್ತಲಿನ ಸೂಕ್ತ ಜಾಗಗಳಿಗಾಗಿ ಹುಡುಕಾಟ ನಡೆಸಿದರು. ಟೈಗರ್ ಪಾಯಿಂಟ್, ವಿಸಾಪುರ ಕೋಟೆ ಸೇರಿದಂತೆ ಹಲವು ಸ್ಥಳಗಳನ್ನು ಪರಿಶೀಲಿಸಿ, ಅಂತಿಮವಾಗಿ ಲೋಹಗಡ್ ಕೋಟೆಯನ್ನು ಆಯ್ಕೆ ಮಾಡಿಕೊಂಡರು.
ಮೇ 31 ರಂದೇ ಕೆತಾನ್‌ನನ್ನು ಕೋಟೆಯಿಂದ ತಳ್ಳಲು ನಿರ್ಧರಿಸಲಾಗಿತ್ತು. ಅಂದು ಸಿಯಾ ಮತ್ತು ಕೆತಾನ್ ಕೋಟೆಗೆ ಭೇಟಿ ನೀಡಿದ್ದರಾದರೂ, ಅಲ್ಲಿ ಅಪಾಯ ಹೆಚ್ಚಿರಬಹುದು ಎಂದು ಹೆದರಿ ಸಿಯಾ ಕೇವಲ ಜಾಗದ ಪರಿಶೀಲನೆ ನಡೆಸಿ ಸುಮ್ಮನಾಗಿದ್ದಳು.
ಜೂನ್ 14 ರಿಂದ 18 ರ ನಡುವೆ ಪುಣೆಯ ಬೆವರ್ಲಿ ಹಿಲ್ಸ್‌ನಲ್ಲಿ ಎತ್ತರದ ಪ್ರದೇಶದಿಂದ ವ್ಯಕ್ತಿಯನ್ನು ತಳ್ಳುವುದು ಹೇಗೆ ಎಂಬುದನ್ನು ಸಿಯಾ ಮತ್ತು ಚೇತನ್ ಹಲವಾರು ಬಾರಿ ಅಭ್ಯಾಸ ಮಾಡಿದ್ದರು. ಜೂನ್ 18 ರಂದು ಲೋಹಗಡ್ ಕೋಟೆಯಲ್ಲಿ ಕೆತಾನ್‌ನನ್ನು ತಳ್ಳಿ ಕೊಲೆ ಮಾಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ, (ಏಜೆನ್ಸೀಸ್).
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net