ದೇಶದ ನಾಲ್ಕು ರಾಜ್ಯಗಳಿಗೆ ಬಂಪರ್ ಬಜೆಟ್: ಸೀತಾರಾಮನ್ ಘೋಷಿಸಿದ 'ಅಪರೂಪದ ಭೂಮಿ' ಕಾರಿಡಾರ್ ವಿಶೇಷತೆ ಏನು? Central Budget 2026

ನವೆಂಬರ್ 2025 ರಲ್ಲಿ ಪ್ರಾರಂಭಿಸಲಾದ 'ಅಪರೂಪದ ಭೂಮಿಯ ಶಾಶ್ವತ ಆಯಸ್ಕಾಂತಗಳ ಯೋಜನೆಯು ಹೊಸ ಕಾರಿಡಾರ್‌ಗಳಿಗೆ ಭದ್ರ ಬುನಾದಿ ಹಾಕಿದೆ. ಇದು ಗಣಿಗಾರಿಕೆ, ಸಂಸ್ಕರಣೆ, ಸಂಶೋಧನೆ ಮತ್ತು ಉತ್ಪಾದನೆಯನ್ನು ಉತ್ತೇಜಿಸಲು ಮೀಸಲಾದ ಅಪರೂಪದ ಭೂಮಿಯ ಕಾರಿಡಾರ್‌ಗಳನ್ನು ಸ್ಥಾಪಿಸಲು ಒಡಿಶಾ, ಕೇರಳ, ಆಂಧ್ರಪ್ರದೇಶ ಮತ್ತು ತಮಿಳುನಾಡು ಖನಿಜ-ಸಮೃದ್ಧ ರಾಜ್ಯಗಳನ್ನು ಬೆಂಬಲಿಸಲು ನಾವು ಈಗ ಪ್ರಸ್ತಾಪಿಸುತ್ತೇವೆ ಎಂದರು.

ಸ್ಮಾರ್ಟ್‌ಫೋನ್‌ಗಳಂತಹ ಗ್ರಾಹಕ ಎಲೆಕ್ಟ್ರಾನಿಕ್ಸ್​ನಿಂದ ಹಿಡಿದು ವಿದ್ಯುತ್​ ವಾಹಕಗಳು ಮತ್ತು ಫೈಟರ್​ ಜೆಟ್​ಗಳವರೆಗೆ ಎಲ್ಲದರಲ್ಲೂ ನಿರ್ಣಾಯಕವಾಗಿರುವ 17 ಅಂಶಗಳ ಗುಂಪೇ ಅಪರೂಪದ ಭೂಮಿಗಳು. ಹಾಗಾಗಿ ಚೀನಾ ಈ ಉದ್ಯಮದಲ್ಲಿ ಪ್ರಾಬಲ್ಯ ಸಾಧಿಸಿದೆ. ಹಾಗೇ ಇದು ಜಾಗತಿಕ ಗಣಿ ಉತ್ಪಾದನೆಯಲ್ಲಿ ಸುಮಾರು ಶೇ. 60 ರಷ್ಟು  ಸಂಸ್ಕರಿಸಿದ ಉತ್ಪಾದನೆ ಮತ್ತು ಅಪರೂಪದ ಭೂಮಿಯ ಮ್ಯಾಗ್ನೆಟ್ ಉತ್ಪಾದನೆಯನ್ನು ಶೇ. 90 ರಷ್ಟು ಚೀನಾ ಹೊಂದಿದೆ.

ಹೀಗಾಗಿ ಪ್ರಪಂಚದಾದ್ಯಂತ ದೇಶಗಳು ಚೀನಾದ ಮೇಲೆ ಅವಲಂಬಿತವಾಗಿದ್ದು, ಬೀಜಿಂಗ್ ತನ್ನ ರಫ್ತು ನಿಯಂತ್ರಣ ನೀತಿಗಳನ್ನು ಬದಲಾಯಿಸಿಕೊಂಡಾಗ ಕೊರತೆಯನ್ನು ಎದುರಿಸಬೇಕಾಗುತ್ತದೆ.

ತಮಿಳುನಾಡು ಮತ್ತು ಕೇರಳ ರಾಜ್ಯಗಳು ಈ ವರ್ಷದ ಕೊನೆಯಲ್ಲಿ ಚುನಾವಣೆಯನ್ನು ಎದುರಿಸಲಿದ್ದು, ಇಂತಹ ಸಮಯದಲ್ಲಿ ಈ ಬೃಹತ್ "ಖನಿಜ ಕಾರಿಡಾರ್" ಘೋಷಣೆಯು ಕೇಂದ್ರ ಸರ್ಕಾರ ರಾಜ್ಯಗಳ ಅಭಿವೃದ್ಧಿಗೆ ಬದ್ಧವಾಗಿದೆ ಎಂಬ ಸಂದೇಶವನ್ನು ಸಾರುತ್ತಿದೆ.

ಸಮಗ್ರ ಪರಿಸರ ವ್ಯವಸ್ಥೆ: ಈ ಕಾರಿಡಾರ್‌ಗಳು ಕೇವಲ ಗಣಿಗಾರಿಕೆಗೆ ಸೀಮಿತವಾಗಿರದೇ, ಸಂಸ್ಕರಣೆ , ಸಂಶೋಧನೆ ಮತ್ತು ಉತ್ಪಾದನೆಯನ್ನು ಮೇಲೆ ಕೇಂದ್ರೀಕೃತವಾಗಲಿವೆ.

ರಾಜ್ಯಗಳ ಸಶಕ್ತೀಕರಣ: ಖನಿಜ ಸಮೃದ್ಧವಾಗಿರುವ ಕರಾವಳಿ ರಾಜ್ಯಗಳಿಗೆ ಕೇಂದ್ರ ಸರ್ಕಾರವು ವಿಶೇಷ ಹಣಕಾಸು ನೆರವು ಮತ್ತು ತಾಂತ್ರಿಕ ಬೆಂಬಲವನ್ನು ನೀಡಲಿದ್ದು, ಇದು ಆಯಾ ರಾಜ್ಯಗಳ ಜಿಡಿಪಿ ಹೆಚ್ಚಳಕ್ಕೆ ಸಹಾಯವಾಗಲಿದೆ.

ಚೀನಾದ ಏಕಸ್ವಾಮ್ಯಕ್ಕೆ ಸವಾಲು: ಪ್ರಸ್ತುತ ಜಾಗತಿಕವಾಗಿ ಚೀನಾ ಹೊಂದಿರುವ ಶೇ. 90 ರಷ್ಟು ಹಿಡಿತವನ್ನು ಸಡಿಲಗೊಳಿಸುವುದು ಭಾರತದ ಗುರಿ (ಏಜೆನ್ಸೀಸ್​).