'ನನ್ನನ್ನು ಸೈಲೆಂಟ್ ಮಾಡಬಹುದಷ್ಟೇ ಸೋಲಿಸೋಕೆ ಆಗಲ್ಲ'; AAPಗೆ ವಿರುದ್ಧ ಮೌನ ಮುರಿದ ರಾಘವ್​ ಚಡ್ಡಾ..Raghav Chadda

ನವದೆಹಲಿ: ಸದಾ ಜನಪರ ಕಾಳಜಿ ವಹಿಸುತ್ತಿದ್ದ ಸಂಸದ ರಾಘವ್ ಚಡ್ಡಾರನ್ನು ಆಮ್ ಆದ್ಮಿ ಪಕ್ಷ ಗುರವಾರ ರಾಜ್ಯ ಸಭಾ ಉಪನಾಯಕನ ಸ್ಥಾನದಿಂದ ಪದಚ್ಯುತಿಗೊಳಿಸಿ, ಸಂಸತ್​ನಲ್ಲಿ ಹೆಚ್ಚು ಮಾತನಾಡಲು ಅವಕಾಶ ನೀಡದಂತೆ ಕಾರ್ಯದರ್ಶಿಗೆ ಪತ್ರ ಬರೆದಿದ್ದರು. ಆ ಬೆನ್ನಲ್ಲೇ ಯುವನಾಯಕ ಚಡ್ಡಾ (Raghav Chadda Message For Aam Aadmi) ಮೌನ ಮುರಿದದ್ದು ಹೀಗೆ..

‘ನನ್ನನ್ನು ಸೈಲೆಂಟ್ ಮಾಡಬಹುದಷ್ಟೇ ಸೋಲಿಸೋಕೆ ಆಗಲ್ಲ. ಸಂಸತ್​​ನಲ್ಲಿ ಮಾತನಾಡುವ ಅವಕಾಶ ಸಿಕ್ಕಾಗಲೆಲ್ಲ ಜನರ ಪರ ದನಿ ಎತ್ತಿದ್ದೇನೆ. ವಿಮಾನ ನಿಲ್ದಾಣದಲ್ಲಿನ ದುಬಾರಿ ಆಹಾರ ದರ, ಪಿತೃತ್ವ ರಜೆ, ರೀಚಾರ್ಜ್​ ಹಣದ ಬಗ್ಗೆ, ಪಿತೃತ್ವ ರಜೆ, ದುಬಾರಿ ಟ್ಯಾಕ್ಸ್​ ಬಗ್ಗೆ ಮಾತನಾಡಿದ್ದೇನೆ. ಬಹುಷಃ ನಾನು ಸಾಮಾನ್ಯವಲ್ಲದ ವಿಚಾರದ ಬಗ್ಗೆ ಮಾತನಾಡಿರಬಹುದು. ಸಾರ್ವಜನಿಕ ಹಿತಾಸಕ್ತಿ ಬಗ್ಗೆ ಸಾರ್ವಜನಿಕವಾಗಿ ಮಾತನಾಡೋದು ಅಪರಾಧವೇ? ನಾನು ಮಾಡಿದ ತಪ್ಪಾದರು ಏನು? ಎಂದು ರಾಘವ್​ ಚಡ್ಡಾ ಪ್ರಶ್ನೆ ಮಾಡಿದ್ದಾರೆ.

"ನಾನು ಸದ್ಯಮೌನಾವಾಗಿರೋದನ್ನ ಶರಣಾಗತಿ ಎಂದು ಭಾವಿಸೋಕೆ ಹೋಗಬೇಡಿ, ನಾನು ಶಾಂತವಾಗಿ ಹರಿಯುವ ನದಿಯಾಗಿರಬಹುದು. ಆದರೆ, ಪ್ರವಾಹದಂತೆ ಸಿಡಿದೇಳುವ ಶಕ್ತಿ ನನ್ನಲಿದೆ" ಎಂದು ಅವರು ಮಾತನಾಡಿದ್ದಾರೆ.

ಎಕ್ಸ್​ನಲ್ಲಿ ತಾವು ಇಲ್ಲಿಯವರೆಗೂ ಜನಪರ ಮಾತನಾಡಿದ್ದ ಬಗ್ಗೆ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ. ಜೊತೆಗೆ ಪ್ರಶ್ನೆಗಳನ್ನು ಎಎಪಿ ಮುಂದಿಟ್ಟು ಗುಡುಗಿದ್ದಾರೆ.  ಗಿಗ್​ ಕಾರ್ಮಿಕರ ಸಮಸ್ಯೆಗಳ ಬಗ್ಗೆ ಅರಿವು ಮೂಡಿಸಲು ಅವರೇ ಸ್ವತಂ ಒಂದು ದಿನ ಡೆಲಿವರಿ ಬಾಯ್​ ಆಗಿ ಕೆಲಸ ಮಾಡಿದ್ದರು. ಜೊತೆಗೆ  ಅಥಹ ಸಂಸ್ಥೆಗಳಲ್ಲಿ ಕೆಲಸ ಮಾಡುವ ಡೆಲಿವರಿ ಪಾಲುದಾರರ ಕನಿಷ್ಠ ವೇತನ ಮತ್ತು ಸಾಮಾಜಿಕ ಭದ್ರತೆಯ ಬಗ್ಗೆ ಧ್ವನಿ ಎತ್ತಿದ್ದರು. 

ಮೊಬೈಲ್ ರೀಚಾರ್ಜ್ ಪ್ಲಾನ್‌ಗಳು 28 ದಿನಗಳ ಬದಲಿಗೆ ಪೂರ್ಣ ತಿಂಗಳವರೆಗೆ (30/31 ದಿನಗಳು) ಇರಬೇಕು ಎಂದು ಒತ್ತಾಯಿಸಿದ್ದರು. ವಿಮಾನ ನಿಲ್ದಾಣದಲ್ಲಿ ಕೈಗೆಟುಕುವ ದರದಲ್ಲಿ ಆಹಾರ ಸಿಗುವಂತೆ ಮಾಡುವ ಬಗ್ಗೆ ಪ್ರಸ್ತಾಪ ಮಾಡಿದ್ದರು. ಇತ್ತೀಚಗೆ ಪುರುಷರಿಗೂ ಪ್ರಿತೃತ್ವ ರಜೆ ನೀಡಬೇಕೆಂದು ಒತ್ತಾಯಿಸಿದ್ದರು.  ಕನಿಷ್ಠ ಬ್ಯಾಲೆನ್ಸ್ ಇಲ್ಲದಿದ್ದಾಗ ವಿಧಿಸುವ ದಂಡವನ್ನು ರದ್ದುಗೊಳಿಸುವಂತೆ ಆಗ್ರಹಿಸಿದ್ದರು, (ಏಜೆನ್ಸೀಸ್​).