ಹೊರ್ಮುಜ್​ನಿಂದ ಹಡಗುಗಳು ಬರುತ್ತಿವೆ: ಭಾರತಕ್ಕೆ ಇಂಧನ ಕೊರತೆಯಿಲ್ಲ; ರಾಜನಾಥ್​ ಸಿಂಗ್​ ಸ್ಪಷ್ಟಣೆ! Rajnath Singh

ಕೇರಳ: ಗುರುವಾರ (ಏ.2) ಕೇರಳದಲ್ಲಿ ಮಾತನಾಡಿದ ರಕ್ಷಣಾ ಸಚಿವ ರಾಜ್​ನಾಥ್​ ಸಿಂಗ್ (Rajnath Singh) ಇರಾನಿನ ಹಾರ್ಮುಂಜ್​ ಜಲಸಂಧಿಯಿಂದ ತೈಲ ಹಾಗೂ ಇಂಧನವನ್ನು ಹೊತ್ತ, ಭಾರತದ ಹಡಗುಗಳು ನೌಕಾ ಪಡೆಗಳ ಬೆಂಗಾವಲಿನಲ್ಲಿ ಭಾರತವನ್ನು ಪ್ರವೇಶಿಸುತ್ತಿದ್ದು, ದೇಶದಲ್ಲಿ ಯಾವುದೇ ರೀತಿಯ ಹಾಹಾಕಾರ ಸಂಭವಿಸುವುದಿಲ್ಲ ಎಂದು ಹೇಳಿದ್ದಾರೆ.

ಮಧ್ಯಪ್ರಾಚ್ಯದಲ್ಲಿ ದಿನ ಕಳೆದಂತೆ ಸಂಘರ್ಷ ಹೆಚ್ಚುತ್ತಿರುವುದರಿಂದ ಭಾರತದಲ್ಲಿ ತೈಲ ಹಾಗೂ ಇಂಧನ ಪೂರೈಕೆಯಲ್ಲಿ ಭಾರಿ ವ್ಯತ್ಯಯ ಸಂಭವಿಸುತ್ತದೆ ಎಂದು ವಿರೋಧ ಪಕ್ಷಗಳು ಆಪಾದನೆ ಮಾಡುತ್ತಿದ್ದ ಹಿನ್ನಲೆ ಈ ಹೇಳಿಕೆ ಹೊರಬಂದಿದೆ.

ಇದೇ ಸಂದರ್ಭದಲ್ಲಿ ಕೆಲವೇ ದಿನಗಳಲ್ಲಿ ನಡೆಯಲಿರುವ ಕೇರಳ ವಿಧಾನಸಭಾ ಚುನಾವಣೆಯಲ್ಲಿ ಭಾರತೀಯ ಜನತಾ ಪಕ್ಷವನ್ನು ಬೆಂಬಲಿಸಿ ಎಂದು ರಕ್ಷಣಾ ಸಚಿವರು ಕೇಳಿಕೊಂಡರು.

ಪ್ರಧಾನಿ ಮೋದಿ ಅವರ ಆಡಳಿತವು 24 ಕ್ಯಾರೆಟ್​ ಚಿನ್ನವಾಗಿದ್ದು, ನಮಗೆ ಓಲೈಕೆ ರಾಜಕೀಯ ಮಾಡಲು ಬರುವುದಿಲ್ಲ, ನಮ್ಮದೇನಿದ್ದರೂ ಅಭಿವೃದ್ಧಿಯ ರಾಜಕೀಯ ಎಂದು ಹೇಳಿದ್ದಾರೆ. ಕೇರಳದಲ್ಲಿ ಏಪ್ರಿಲ್​ 9 ರಂದು 143 ವಿಧಾನಸಭಾ ಕ್ಷೇತ್ರಗಳಿಗೆ ಚುನಾವಣೆ ನಡೆಯಲಿದ್ದು, ಮೇ 4 ರಂದು ಫಲಿತಾಂಶವು ಹೊರಬೀಳಲಿದೆ,(ಏಜನ್ಸೀಸ್​).