ವಿಮಾನ ಪ್ರಯಾಣಿಕರ ಗೋಳು ಕೇಳುವವರಾರು..? ಲಗೇಜ್ ಮ್ಯಾನೇಜ್‌ಮೆಂಟ್ ಲೋಪದ ವಿರುದ್ಧ ಸಂಸದ ಖಂಡೇಲ್ವಾಲ್ ಕಿಡಿ | Praveen Khandelwal

ಸಂಸದ ಪ್ರವೀಣ್ ಖಂಡೇಲ್ವಾಲ್ ದೆಹಲಿಯಿಂದ ಬೆಳಗಾವಿಗೆ (Flight 6E-5237) ವಿಮಾನದಲ್ಲಿ ಪ್ರಯಾಣಿಸಿದ್ದರು. ಬೆಳಗಾವಿ ತಲುಪಿದಾಗ ಅವರು ಸುರಕ್ಷಿತವಾಗಿ ಇಳಿದರಾದರೂ, ಅವರು ಚೆಕ್-ಇನ್ ಮಾಡಿದ್ದ ಸಾಮಾನುಗಳು ಮಾತ್ರ ವಿಮಾನ ನಿಲ್ದಾಣಕ್ಕೆ ತಲುಪಲಿಲ್ಲ ಎನ್ನಲಾಗಿದ್ದು, ತಮ್ಮ ಲಗೇಜ್ ಎಲ್ಲಿದೆ ಎಂಬ ಕುರಿತಾಗಿ ವಿಮಾನಯಾನ ಸಿಬ್ಬಂದಿಯಿಂದ ಸ್ಪಷ್ಟ ಮಾಹಿತಿ ನೀಡಲಿಲ್ಲ, ಇದರಿಂದಾಗಿ ಅವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ ಎಂದು ತಿಳಿದುಬಂದಿದೆ.

ಘಟನೆಯ ಬಳಿಕ ಸಂಸದ ಖಂಡೇಲ್ವಾಲ್ ಕೇಂದ್ರ ನಾಗರಿಕ ವಿಮಾನಯಾನ ಸಚಿವ ರಾಮ್ ಮೋಹನ್ ನಾಯ್ಡು ಕಿಂಜರಾಪು ಅವರಿಗೆ ಟ್ಯಾಗ್ ಮಾಡಿ ಪೋಸ್ಟ್​​ ಹಂಚಿಕೊಂಡಿದ್ದು, ಮಧ್ಯಪ್ರವೇಶಿಸುವಂತೆ ಮನವಿ ಒತ್ತಾಯಿಸಿದ್ದಾರೆ. ಇಂಡಿಗೋದ ಕಾರ್ಯಾಚರಣೆಯ ಗುಣಮಟ್ಟ ಕುಸಿಯುತ್ತಿದ್ದು, ಪ್ರಯಾಣಿಕರ ಹಿತಾಸಕ್ತಿ ಕಾಪಾಡಲು ಸರ್ಕಾರವು ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ(ಏಜೆನ್ಸೀಸ್​).