ಸಿವಿ ಕಳುಹಿಸಿ, ಉದ್ಯೋಗ ಪಡೆಯಿರಿ: ಬಂಕಿಪುರದ ನಿರುದ್ಯೋಗಿ ಯುವಕರಿಗೆ ಗುಡ್​ ನ್ಯೂಸ್​ ನೀಡಿದ ಪ್ರಶಾಂತ್ ಕಿಶೋರ್! | Prashant Kishor

ಬಂಕಿಪುರದಲ್ಲಿ ಮೂರು ದಶಕಗಳ ಕಾಲ ನಡೆದಿದ್ದ ಬಿಜೆಪಿಯ ಆಳ್ವಿಕೆಯನ್ನು ಇತ್ತೀಚೆಗೆ ಕೊನೆಗಾಣಿಸಿರುವ ಜನ ಸುರಾಜ್ ಪಕ್ಷದ ನಾಯಕ ಪ್ರಶಾಂತ್ ಕಿಶೋರ್ (Prashant Kishor), ಕ್ಷೇತ್ರದ ಯುವಕರಿಗಾಗಿ ಬೃಹತ್ ಉದ್ಯೋಗ ಅಭಿಯಾನವನ್ನು ಘೋಷಿಸಿದ್ದಾರೆ. ಮುಂದಿನ ಒಂದೆರಡು ವರ್ಷಗಳಲ್ಲಿ ಕನಿಷ್ಠ 10,000 ಯುವಕರಿಗೆ ಉದ್ಯೋಗ ಕಂಡುಕೊಳ್ಳಲು ಸಹಾಯ ಮಾಡುವುದಾಗಿ ಅವರು ಭರವಸೆ ನೀಡಿದ್ದಾರೆ. ಶಿಕ್ಷಣ ಪಡೆದರೂ ನಿರುದ್ಯೋಗಿಗಳಾಗಿರುವ ತಮ್ಮ ಮಕ್ಕಳ ಬಯೋಡೇಟಾ ಮತ್ತು ಸಿವಿಗಳನ್ನು ತಮ್ಮ ಕಚೇರಿಗೆ ಕಳುಹಿಸುವಂತೆ ಕುಟುಂಬಗಳಿಗೆ ಮನವಿ ಮಾಡಿದ್ದಾರೆ.

ಹೊರರಾಜ್ಯಗಳಿಗೆ ತೆರಳುವ ಅನಿವಾರ್ಯತೆ

ಬಿಹಾರದಲ್ಲಿ ಜನ ಸುರಾಜ್ ಪಕ್ಷ ಅಧಿಕಾರಕ್ಕೆ ಬಂದರೆ ಪರಿಸ್ಥಿತಿ ಬದಲಾಗಬಹುದು ಎಂದಿರುವ ಕಿಶೋರ್, ಆ ಸಂದರ್ಭದಲ್ಲಿ, ಯುವಕರು ಉದ್ಯೋಗ ಅರಸಿ ಬಿಹಾರ ಬಿಟ್ಟು ಹೋಗದಂತೆ ರಾಜ್ಯದೊಳಗೆ ಸಾಕಷ್ಟು ಉದ್ಯೋಗಾವಕಾಶಗಳನ್ನು ಸೃಷ್ಟಿಸುವುದೇ ಪ್ರಮುಖ ಗಮನವಾಗಿರುತ್ತದೆ ಎಂದು ತಿಳಿಸಿದರು.

ಬಂಕಿಪುರ ಉಪಚುನಾವಣೆಯಲ್ಲಿ ಐತಿಹಾಸಿಕ ಗೆಲುವು

ಆ ಸಂದರ್ಭದಲ್ಲಿ ನಿರೀಕ್ಷೆಗಳನ್ನು ಹತೋಟಿಯಲ್ಲಿರಿಸಿದ್ದ ಪ್ರಶಾಂತ್​ ಕಿಶೋರ್​, ತಮ್ಮ ಗೆಲುವಿನಿಂದ ಬಂಕಿಪುರವು ರಾತ್ರೋರಾತ್ರಿ ಬೆಂಗಳೂರು ಆಗುವುದಿಲ್ಲ ಎಂದು ಹೇಳಿದ್ದರು. ಆದಾಗ್ಯೂ, ಮುಂದಿನ ಕೆಲವು ತಿಂಗಳುಗಳಲ್ಲಿ ಸುಧಾರಣೆಗಳು ಆಗಲಿವೆ ನಿವಾಸಿಗಳಿಗೆ ಭರವಸೆ ನೀಡಿದ್ದರು(ಏಜೆನ್ಸೀಸ್​).