ಕ್ಷಮಾಪಣೆ ಪತ್ರದಿಂದಲ್ಲ, ಕಾಂಗ್ರೆಸ್ ಒತ್ತಾಯದಿಂದಲೇ ಸಾವರ್ಕರ್ ಬಿಡುಗಡೆ: ನ್ಯಾಯಾಲಯದಲ್ಲಿ ಮೊಮ್ಮಗ ಸತ್ಯಕಿ ಶಾಕಿಂಗ್ ಹೇಳಿಕೆ! Satyaki Savarkar on V D Savarkar

ಪುಣೆ: ಸ್ವಾತಂತ್ರ ಹೋರಾಟಗಾರ, ಹಿಂದುತ್ವ ಸಿದ್ಧಾಂತ ಪ್ರತಿಪಾದಕ ವಿ.ಡಿ.ಸಾವರ್ಕರ್ ತಾವು ಬರೆದ ಕ್ಷಮಾಪಣೆ ಅರ್ಜಿಯಿಂದಲ್ಲ, ಬದಲಾಗಿ ಸಾರ್ವಜನಿಕರ ಒತ್ತಾಯಕ್ಕೆ ಮಣಿದ ಬ್ರಿಟಿಷ್​ ಸರ್ಕಾರದಿಂದ ಜೈಲಿನಿಂದ ಬಿಡುಗಡೆ ಮಾಡಿತ್ತು ಎಂದು ಸಾವರ್ಕರ್​ ಮೊಮ್ಮಗ (Satyaki Savarkar on V D Savarkar) ಹೇಳಿದ್ದಾರೆ.

ಲೋಕಸಭಾ ವಿರೋಧ ಪಕ್ಷ ನಾಯಕ ರಾಹುಲ್​ ಗಾಂಧಿ, ಸವರ್ಕರ್​ ಅವರ ತೇಜೋವಧೆ ಮಾಡಿದ್ದಾರೆಂದು ದಾಖಲಾದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪುಣೆ ನ್ಯಾಯಾಲಯದಲ್ಲಿ ತಮ್ಮ ಅಜ್ಜನ ಬಗ್ಗೆ ಮೊಮ್ಮಗ ಸತ್ಯಕಿ ಸಾವರ್ಕರ್ ಮಾತನಾಡಿದ್ದಾರೆ.

ನ್ಯಾಯಾಲಯದಲ್ಲಿ ಮಾತನಾಡಿದ ಸತ್ಯಕಿ ಸಾವರ್ಕರ್, ನನ್ನ ಅಜ್ಜ ವಿನಾಯಕ ಸಾವರ್ಕರ್​ ಬ್ರಿಟಿಷರಿಗೆ ಕ್ಷಮಾಪಣೆ ಕೇಳಿ, ಮುಂದಿನ ದಿನಗಳಲ್ಲಿ ಸ್ವಾತಂತ್ರ್ಯದ ಚಟುವಟಿಕೆಗಳಲ್ಲಿ ಭಾಗವಹಿಸಲ್ಲ ಎಂದು ಹೇಳಿದಕ್ಕೆ ಬಿಡುಗಡೆಯಾಗಿಲ್ಲ.

ಸಾವರ್ಕರ್​ ಅವರ ಸಿದ್ಧಾಂತ, ದೇಶಭಕ್ತಿಗೆ ಅಂದಿನ ಅನೇಕ ಭಾರತೀಯರು ಪ್ರೇರಿತರಾಗಿದ್ದರು. ಹಲವಾರು ಜನ ಅವರ ಅಭಿಮಾನಿಗಳಿದ್ದರು. ಅವರೆಲ್ಲಾ ಇವರ ಬಿಡುಗಡೆಗಾಗಿ ಹೋರಾಟ ನಡೆಸಿದರು. ಹೀಗಾಗಿ 1923 ರಲ್ಲಿ ರಾಷ್ಟ್ರೀಯ ಕಾಂಗ್ರೆಸ್​ ತನ್ನ ಕಾಕಿನಾಡ ಅಧಿವೇಶನದಲ್ಲಿ ಸಾವರ್ಕರ್​ ಅವರನ್ನು ಬಿಡುಗಡೆ ಮಾಡಬೇಕೆಂದು ಬ್ರಿಟಿಷ್​ ಸರ್ಕಾರಕ್ಕೆ ಕೇಳಿಕೊಂಡ ಪರಿಣಾಮ ಅವರು ಜೈಲಿನಿಂದ ಹೊರಬಂದರು ಎಂದಿದ್ದಾರೆ.

ನನ್ನಜ್ಜ ವಿನಾಯಕ ಸಾವರ್ಕರ್​ ಯಾವ ಉದ್ದೇಶವನ್ನು ಇಟ್ಟುಕೊಂಡು ಕ್ಷಮಾಪಣೆ ಅರ್ಜಿ ಬರೆದಿದ್ದರು ಎನ್ನುವುದು ನನಗೆ ಗೊತ್ತಿಲ್ಲ. ಆದರೆ ಅವರು ಬರೆದ ಅರ್ಜಿಯಿಂದಲೇ ಅವರನ್ನು ಜೈಲಿನಿಂದ ಬಿಡುಗಡೆ ಮಾಡಿದ್ದು ಎನ್ನುವುದನ್ನು ಒಪ್ಪಲು ಸಾಧ್ಯವಿಲ್ಲ.

2023 ರಲ್ಲಿ ಲಂಡನ್​ನಲ್ಲಿ ರಾಹುಲ್​ ಗಾಂಧಿ ವಿನಾಯಕ ದಾಮೋದರ ಸಾವರ್ಕರ್​ ಅವರ ಬಗ್ಗೆ ವಿವಾದಾತ್ಮಕ ಹೇಳಿಕೆಗಳನ್ನು ನೀಡಿದ್ದರು. ರಾಹುಲ್​ ಗಾಂಧಿ ನನ್ನಜ್ಜ ಹಾಗೂ ಸ್ವತಂತ್ರ್ಯ ಹೋರಾಟಗಾರನ ತೇಜೋವಧೆ ಮಾಡಿದ್ದಾರೆಂದು ಸತ್ಯಕಿ ಮಾನನಷ್ಟ ಮೊಕದ್ದಮೆ ಹೂಡಿದ್ದರು, (ಏಜನ್ಸೀಸ್​).