'MGR​ ಮಡಿಲಲ್ಲಿ ಆಡಿ ಬೆಳೆದವ ನಾನು.. ಎಂದಿಗೂ ಅವರ ಹೆಸರು ರಾಜಕೀಯಕ್ಕೆ ಬಳಸಿಕೊಂಡಿಲ್ಲ'; Kamal Hassan

ಏಪ್ರಿಲ್​ 23ರಂದು ನಡೆಯಲಿರುವ ತಮಿಳುನಾಡು ವಿಧಾನಸಭೆ ಚುನಾವಣೆಗೆ(Tamil Nadu Assembly Election) ರಾಜಕೀಯ ಪಕ್ಷಗಳು ಪ್ರಚಾರ ನಡೆಸಿಕೊಂಡಿವೆ. ಡಿಎಂಕೆ ಮತ್ತು ಟಿವಿಕೆ ನಡುವೆ ವಾಕ್ಸಮರ ಜೋರಾಗಿಯೇ ಇದೆ. ನಟ ವಿಜಯ್​​​​ಗೆ ರಾಜಕೀಯದ ಆಳ-ಅಗಲ ಹಾಗೂ ಇತಿಹಾಸ ಗೊತ್ತಿಲ್ಲ. ಹೀಗಿದ್ದಾಗ್ಯೂ ನೇರ ಅವರಿಗೆ ಸಿಎಂ ಪಟ್ಟ ಕೊಡೋದ್ ಹೇಗೆ ಎಂದು ಪ್ರಕಾಶ್​ ರಾಜ್​ ಅವರು ಕಿಡಿಕಾರಿದ್ದರು. ಈ ಮಧ್ಯೆ ವಿಜಯ್​ ತಾನು ಎಂಜಿಆರ್​ ಅವರ ಉತ್ತರಾಧಿಕಾರಿ ಎಂದು ಹೇಳಿಕೊಂಡಿರುವುದು ಕಮಲ್​ ಹಾಸನ್​​ ಕೆರಳಲು ಕಾರಣವಾಗಿದೆ. 

 ಡಿಎಂಕೆಯ ತಿರುಚಿರಾಪಳ್ಳಿ ಪೂರ್ವ ಕ್ಷೇತ್ರದ ಅಭ್ಯರ್ಥಿ ಇನಿಗೋ ಎಸ್ ಇರುದಯರಾಜ್ ಪರ ಪ್ರಚಾರ ನಡೆಸುತ್ತಿದ್ದ ವೇಳೆ ನಟ ಮತ್ತು ಟಿವಿಕೆ ಸಂಸ್ಥಾಪಕ ವಿಜಯ್​ ವಿರುದ್ಧ ಕಮಲ್ ಹಾಸನ್ ಬೇಸರ ವ್ಯಕ್ತಪಡಿಸಿದರು.

'ನಟ ಮತ್ತು ಟಿವಿಕೆ ಮುಖ್ಯಸ್ಥ ವಿಜಯ್​ ಅವರಂತೆ(ಹೆಸರು ಉಲ್ಲೇಖಿಸದೆ ಪರೋಕ್ಷವಾಗಿ ಮಾತನಾಡಿ) ನಾನು ಚಿತ್ರರಂಗಕ್ಕೆ ಬಾಲ್ಯದಲ್ಲೇ ಕಾಲಿಟ್ಟೆ.  ಹಿರಿಯ ಸಿನಿಮಾ ನಟರನ್ನು ನಾನು ಬಲ್ಲೆ. ಎಂದಿಗೂ ಅವರನ್ನು ದುರುಪಯೋಗಪಡಿಸಿಕೊಂಡಿಲ್ಲ.  ಶಿವಾಜಿ ಗಣೇಶನ್​ ಅವರ ಮಡಿಲಲ್ಲಿ ಕುಳಿತುಕೊಳ್ಳುತ್ತಿದ್ದೆ. ಎಂಜಿಆರ್​ ಅವರಿಗೆ ನಾನು ಎಂದರೆ ಬಹಳ ಪ್ರೀತಿ' ಎಂದು ಕಮಲ್​ ಹಾಸನ್​ ವಿವರಿಸಿದರು.

ರಾಜಕೀಯಕ್ಕೆ ನನ್ನ ಸಿನಿಮಾ ವೃತ್ತಿ ಜೀವನವೇ ಅಡ್ಡಿಯಾಗುತ್ತಿದೆ ಎಂದರೆ, ನಾನು ಸಿನಿಮಾ ಮಾಡುವುದನ್ನೇ ತ್ಯಜಿಸುತ್ತೇನೆ. ಜನಸೇವೆಗೆ ಅಡ್ಡಿಯಾದರೆ, ಸದ್ಯ  ಒಪ್ಪಿಕೊಂಡಿರುವ ಸಿನಿಮಾಗಳ ಶೂಟಿಂಗ್​ ಮುಗಿಸಿ, ನನ್ನೆಲ್ಲ ಜೀವನವನ್ನು ಜನರಿಗಾಗಿ ಮುಡಿಪಾಗಿಡುತ್ತೇನೆ ಎಂದು ಕಮಲ್​ ಹಾಸನ್​ ಹೇಳಿದ್ದರು. 

ಮಧುರನ್​ ಗೋಪಾಲನ್​​ ರಾಮಚಂದ್ರನ್​ ಅವರು ತಮಿಳುನಾಡಿನ ಅತ್ಯಂತ ಪ್ರಭಾವಶಾಲಿ ರಾಜಕಾರಿಣಿ.  ಎಐಎಡಿಎಂಕೆಯ ಸಂಸ್ಥಾಪಕರು. 1977 ರಿಂದ 1987 ತಮಿಳುನಾಡಿನ ಸಿಎಂ ಆಗಿದ್ದರು. ಇವರ ಕ್ರಾಂತಿಕಾರಿ ರಾಜಕೀಯಕ್ಕೆ ಭಾರತ ರತ್ನ ಪ್ರಶಸ್ತಿ ಲಭಿಸಿದೆ.

ಎಂಜಿಆರ್​ ಜೊತೆಗೆ ಕಮಲ್​ ಹಾಸನ್​ ಅವರು ಆನಂದ ಜೋಡಿ ಎನ್ನುವ ಸಿನಿಮಾದಲ್ಲಿ ನಟಿಸಿದ್ದಾರೆ. ಶಾಲೆಯೊಂದರಲ್ಲಿ ದೈಹಿಕ ಶಿಕ್ಷಕನಾಗಿ ಕೆಲಸ ಮಾಡುವ ಆನಂದ್​ ಪಾತ್ರಧಾರಿ ಎಂಜಿಆರ್ ಸುಳ್ಳು ಆರೋಪಕ್ಕೆ ಸಿಲುಕುತ್ತಾರೆ. ಇದರಿಂದ ಅವರು ಹೊರಬರುವುದು ಹೇಗೆ ಎನ್ನುವುದು ಚಿತ್ರದ ಕತೆ.​  (ಏಜೆನ್ಸೀಸ್​).