'ತಲೆ ಕೆಳಕ್ಕೆ ಇರುವಂತೆ ಕಟ್ಟಿ ಹಾಕಿ ಬೆಲ್ಟ್ನಿಂದ ಹೊಡೆದ್ರು, ಗಾಯದ ಮೇಲೆ ಉಪ್ಪು ಸವರಿ ಚಿತ್ರ ಹಿಂಸೆ ಕೊಟ್ಟರು. ಕರೆಂಟ್ ಶಾಕ್ ಕೊಟ್ಟು ಮಗನಿಗೆ ಚಿತ್ರೆ ಹಿಂಸೆ ಕೊಟ್ಟಿದ್ದಾರೆ. ಹೀಗೆಂದು ಸಾಲು ಸಾಲು ಆರೋಪವನ್ನು ಬಿಜೆಪಿ ಶಾಸಕ ಸುಶಾಂತ್ ಸಿಂಗ್ ಅವರ ಮೇಲೆ ಸಂತ್ರಸ್ತ ಯುವಕರ ತಾಯಿಯೊಬ್ಬರು ಮಾಡಿದ್ದು.
ಹೌದು, ಉತ್ತರ ಪ್ರದೇಶದ ಮೊರಾದಾಬಾದ್‌ನಲ್ಲಿ ಬಿಜೆಪಿ ಶಾಸಕ ಸುಶಾಂತ್ ಸಿಂಗ್ ಅವರ ಮನೆಯಲ್ಲಿ ಚಿನ್ನದ ಬ್ರೇಸ್ಲೇಟ್ ಕದಿಯಾಲಾಗಿದೆ ಎಂದು ಆರೋಪಿಸಿ ಮನೆ ಕೆಲಸ ಮಾಡ್ತಿದ್ದ ಯುವಕರನ್ನು ಕಟ್ಟಿ ಹಾಕಿ, ಚಿತ್ರಹಿಂಸೆ ನೀಡಲಾಗಿದೆ ಎನ್ನುವ ಆರೋಪ ಕೇಳಿಬಂದಿದೆ. ಈ ಹಿನ್ನೆಲೆ ಪೊಲೀಸರು ತೀವ್ರ ತನಿಖೆ ಆರಂಭಿಸಿದ್ದಾರೆ.
ಮನೆಗೆಲಸದವರ ಮೇಲೆ ಚಿನ್ನ ಕದ್ದ ಆರೋಪ
ಶಾಸಕರ ಮನೆಯಲ್ಲಿ ಮನೆ ಕೆಲಸಗಾರರಾಗಿ ಅತುಲ್, ಲವೇಶ್ ಕೆಲಸ ಮಾಡುತ್ತಿದ್ದರು. ಮಗನ ಚಿನ್ನದ ಬ್ರೇಸ್ಲೆಟ್ ಕಾಣೆಯಾಗಿತ್ತು. ಇದನ್ನು ಮನೆಗೆಲಸ ಮಾಡುತ್ತಿದ್ದ ಅತುಲ್ ಮತ್ತು ಲವೇಶ್ ಮೇಲೆ ಹೊರಿಸಿ ಅಕ್ರಮವಾಗಿ ಬಂಧಿಸಲಾಗಿತ್ತು. ಹಲ್ಲೆ ಮಾಡಿದ್ದಾರೆ ಎನ್ನಲಾಗಿದೆ.
ಸಂತ್ರಸ್ತ ರಾಮು ತಾಯಿ ಹೇಳಿದ್ದಿಷ್ಟು
ರಾಮು ತಾಯಿ ಕೊಟ್ಟ ಮಾಹಿತಿ ಪ್ರಕಾರ, ಅಕ್ಟೋಬರ್ 7 ರಂದು ಶಾಸಕರ ಬೆಂಬಲಿಗರೊಬ್ಬರು ಮಗ ರಾಮುನನ್ನು ಕರೆದುಕೊಂಡು ಹೋದರು. ಆದರೆ ಅತುಲ್ ಮತ್ತು ಲವೇಶ್ ಈಗಾಗಲೇ ನಿವಾಸದಲ್ಲಿ ಬಂಧನದಲ್ಲಿದ್ದರು. ಮೂವರನ್ನು ತಲೆಕೆಳಕ್ಕೆ ಹಾಕಿ ಕಟ್ಟಿ ಹಾಕಿದರು. ಬೆಲ್ಟ್‌ಗಳಿಂದ ಹೊಡೆದು, ಕರೆಂಟ್ ಶಾಕ್ ಕೊಟ್ಟು, ಗಾಯಗಳಿಗೆ ಉಪ್ಪು ಸವರಿ ಹಿಂಸೆ ಕೊಟ್ಟಿದ್ದಾರೆ ರಾಮು ತಾಯಿ ಅತ್ತರು. ಸದ್ಯ ಮೂವರನ್ನೂ ಕಾಶಿಪುರದ ಆಸ್ಪತ್ರೆಗೆ ದಾಖಲಿಸಲಾಗಿದೆ. ರಾಮು ಅವರ ಸ್ಥಿತಿ ಗಂಭೀರವಾಗಿದೆ ಎನ್ನಲಾಗಿದೆ.
