ಸುರಕ್ಷೆ ಮರೀಚಿಕೆ! ಬಳಲಿಕೆಯಲ್ಲೇ ಶೇ.90 ಪೈಲಟ್​ಗಳಿಂದ ವಿಮಾನ ಹಾರಾಟ

ಸೇಫ್ಟಿ ಮ್ಯಾಟರ್ಸ್ ಫೌಂಡೇಷನ್ ತನ್ನ ವರದಿಯಲ್ಲಿ ಹಲವು ಮಹತ್ವದ ಸಂಗತಿಗಳತ್ತ ಬೊಟ್ಟು ಮಾಡಿದೆ.

3.ತೀವ್ರ ಬಳಲಿಕೆಯ ನಡುವೆಯೂ ಕಾಕ್​ಪಿಟ್​ನಲ್ಲಿ ಕರ್ತವ್ಯ ನಿರ್ವಹಿಸಬೇಕಾಯಿತು ಎಂದು ಶೇ.71 ಪೈಲಟ್​ಗಳು ಹೇಳಿಕೊಂಡಿದ್ದಾರೆ.

4.ದಿನಕ್ಕೆ 10 ಗಂಟೆಗಳ ಕಾಲ ಕಾರ್ಯನಿರ್ವಹಿಸಬೇಕಾದ ಅನಿವಾರ್ಯತೆ ಇದ್ದು, ಇದು ಮಾನಸಿಕ ಒತ್ತಡವನ್ನು ಸೃಷ್ಟಿಸುತ್ತಿದೆ. ಕೆಲವೊಮ್ಮೆ 12 ಗಂಟೆಗಳ ಕಾಲ ಕೆಲಸ ಮಾಡಬೇಕಾಗುತ್ತದೆ. ಇದರಿಂದ ಶಾರೀರಿಕ ಸ್ವಾಸ್ಥ್ಯದ ಮೇಲೂ ದುಷ್ಪರಿಣಾಮ ಬೀರುತ್ತಿದ್ದು, ಹೃದಯ ಸಂಬಂಧಿ ಕಾಯಿಲೆಗಳು ಕಾಣಿಸಿಕೊಳ್ಳುತ್ತಿವೆ.

5.ದಣಿವು, ಬಳಲಿಕೆಯ ಬಗ್ಗೆ ಮೇಲಧಿಕಾರಿಗೆ ರಿಪೋರ್ಟ್ ಮಾಡಿದರೆ, ಫ್ಲೈಯಿಂಗ್ ಅವಧಿಯನ್ನು ತಗ್ಗಿಸಲಾಗುತ್ತದೆ. ಇದರಿಂದ ವೇತನ ಹೆಚ್ಚಳದ ಮೇಲೆ ದುಷ್ಪರಿಣಾಮವಾಗುತ್ತದೆ ಮತ್ತು ಕೆಲಸದ ಕಾಂಟ್ರಾ್ಯಕ್ಟ್ ಅವಧಿಯ ಮೇಲೆ ವ್ಯತಿರಿಕ್ತ ಪರಿಣಾಮವಾಗುತ್ತದೆ. ಈ ಭಯದಿಂದ ಪೈಲಟ್​ಗಳು ದಣಿವು ಮತ್ತು ಬಳಲಿಕೆ ಇದ್ದರೂ ಅದನ್ನು ಹೇಳಿಕೊಳ್ಳದೆ ಕರ್ತವ್ಯ ನಿಭಾಯಿಸಬೇಕಾದ ಅನಿವಾರ್ಯತೆ ಇದೆ.

6.ಜಾಗತಿಕವಾಗಿ ವಿಮಾನ ಅಪಘಾತಗಳನ್ನು ವಿಶ್ಲೇಷಿಸಿದರೆ ಶೇಕಡ 21ರಿಂದ 23ರಷ್ಟು ಅಪಘಾತಗಳಿಗೆ ಬಳಲಿದ ಪೈಲಟ್​ಗಳ ನಿಯೋಜನೆಯೇ ಕಾರಣ.

7.ಸೂಕ್ತ ವಿಶ್ರಾಂತಿ ನೀಡದೆಯೇ ಡೇ ಮತ್ತು ನೈಟ್ ಶಿಫ್ಟ್​ಗಳನ್ನು ಬದಲಿಸುವುದು.

8.ಕೆಟ್ಟ ಹವಾಮಾನ, ಅಬ್ಬರದ ಗಾಳಿ ಸೇರಿದಂತೆ ಪ್ರತಿಕೂಲ ಪರಿಸ್ಥಿತಿಯಲ್ಲಿ ಕಾರ್ಯನಿರ್ವಹಿಸುವಾಗ ಮಾನಸಿಕ ಒತ್ತಡ ಮತ್ತಷ್ಟು ಹೆಚ್ಚುತ್ತದೆ.

9.ಕೆಲಸದ ಸ್ಥಳದಲ್ಲಿ ಬೆಂಬಲದ ಕೊರತೆಯೂ ಪೈಲಟ್​ಗಳ ಬೇಸರಕ್ಕೆ ಕಾರಣ.

10.ತಾಂತ್ರಿಕ ತೊಂದರೆಗಳು ಅಥವಾ ತಾಂತ್ರಿಕ ವೈಫಲ್ಯದ ಸವಾಲುಗಳನ್ನೂ ಎದುರಿಸಬೇಕಾಗುತ್ತದೆ.

11.ವಿಮಾನ ಸಿಬ್ಬಂದಿಯ ನಡುವಿನ ಆಂತರಿಕ ಕಚ್ಚಾಟ ಕೂಡ ಪೈಲಟ್​ಗಳ ಮೇಲಿನ ಒತ್ತಡವನ್ನು ಹೆಚ್ಚಿಸುತ್ತಿದೆ.

12.ಕುಟುಂಬಕ್ಕೆ ಸರಿಯಾಗಿ ಸಮಯ ಕೊಡದೆ ಇರುವ ಒತ್ತಡವು ಒಂಟಿತನದ ಭಾವವನ್ನು ಸೃಷ್ಟಿಸುತ್ತಿದೆ.

ಪೈಲಟ್​ಗಳು ಎದುರಿಸುತ್ತಿರುವ ಸಮಸ್ಯೆಗಳಿಗೆ ಸೂಕ್ತವಾದ ಪರಿಹಾರ ಕಲ್ಪಿಸುವುದು ಕಷ್ಟವೇನಲ್ಲ. ಆದರೆ, ವಿಮಾನಯಾನ ಸಂಸ್ಥೆಗಳಿಗೆ ಇಚ್ಛಾಶಕ್ತಿಯ ಕೊರತೆ ಇರುವುದು ಸಮಸ್ಯೆಯನ್ನು ಕಗ್ಗಂಟಾಗಿಸಿದೆ.

ವಾರದ ರಜಾ ದಿನವನ್ನು ಪದೇಪದೆ ಬದಲಿಸುವುದ ರಿಂದ ಪೈಲಟ್​ಗಳ ವೈಯಕ್ತಿಕ ಬದುಕಿನ ಮೇಲೆ ಅಡ್ಡ ಪರಿಣಾಮವುಂಟಾಗುತ್ತದೆ. ಹಾಗಾಗಿ, ರಜೆ ನಿಯೋಜನೆ ವ್ಯವಸ್ಥೆಯನ್ನು ಸರಿಯಾಗಿ ರೂಪಿಸಿ, ಆಯಾ ನಿಗದಿತ ದಿನದಂದು ವಾರದ ರಜೆ ನೀಡಬೇಕು.

ಪೈಲಟ್ ಮತ್ತು ಕ್ರೂ ಸಿಬ್ಬಂದಿಯ ಸಮಸ್ಯೆಗಳನ್ನು ಆಲಿಸಲು ಮತ್ತು ಪರಿಹರಿಸಲು ವಿಮಾನಯಾನ ಸಂಸ್ಥೆಗಳು ಅಗತ್ಯವಾದ ಮತ್ತು ಪರಿಣಾಮಕಾರಿಯಾದ ಆಂತರಿಕ ವ್ಯವಸ್ಥೆಯನ್ನು ರೂಪಿಸಿಕೊಳ್ಳಬೇಕು.

ಸಿಬ್ಬಂದಿ ಕರ್ತವ್ಯ ಅವಧಿ ಮಿತಿ (ಎಫ್​ಡಿಟಿಎಲ್) ನಿಯಮಗಳನ್ನು ಸದ್ಯಕ್ಕೆ ಸಡಿಲಿಸಲಾಗಿದ್ದರೂ, ಇಂಡಿಗೋ ಬಿಕ್ಕಟ್ಟು ಬಗೆಹರಿದ ಬಳಿಕ ಆ ನಿಯಮಗಳನ್ನು ಸರಿಯಾಗಿ ಅನುಷ್ಠಾನಕ್ಕೆ ತರಬೇಕು.

ಹಲವು ಕ್ಷೇತ್ರಗಳಲ್ಲಿ ವಾರದಲ್ಲಿ 5 ಕರ್ತವ್ಯದ ದಿನಗಳಿದ್ದು, ಹಾಗೆಯೇ ಪೈಲಟ್​ಗಳಿಗೆ ವಾರಕ್ಕೆ ಎರಡು ದಿನ ರಜೆ ಸಿಗಬೇಕು ಎನ್ನುತ್ತಾರೆ ವಿಮಾನಯಾನ ಸುರಕ್ಷಾ ತಜ್ಞರು.

ಕೊನೆಯ ಕ್ಷಣದ ಬದಲಾವಣೆ ಅಥವಾ ತಾಂತ್ರಿಕ ತೊಂದರೆಗಳಿಂದ ಉಂಟಾದ ಒತ್ತಡವನ್ನು ಪೈಲಟ್​ಗಳ ಮೇಲೆ ಹೇರಬಾರದು.

ದೇಶದ ವಿಮಾನಯಾನ ಕಂಪನಿಗಳು, ವಿಮಾನ ತಯಾರಿಕಾ ಕಂಪನಿಗಳಾದ ಬೋಯಿಂಗ್ ಮತ್ತು ಏರ್​ಬಸ್​ಗೆ 1,700 ವಿಮಾನಗಳ ತಯಾರಿಕೆಗೆ ಕಾರ್ಯಾದೇಶ ಸಲ್ಲಿಸಿವೆ. ಈ ವಿಮಾನಗಳು ಕಾರ್ಯಾಚರಣೆ ಆರಂಭಿಸಿದ ಬಳಿಕ ಹೆಚ್ಚುವರಿಯಾಗಿ 30 ಸಾವಿರ ಪೈಲಟ್​ಗಳು ಬೇಕಾಗಲಿದ್ದಾರೆ. ಪ್ರತಿ ವಿಮಾನದ ಕಾರ್ಯಾಚರಣೆಗೆ ಕನಿಷ್ಠ 10ರಿಂದ 15 ಪೈಲಟ್​ಗಳು ಬೇಕಾಗಲಿದ್ದಾರೆ ಎಂದು ಕೇಂದ್ರ ವಿಮಾನಯಾನ ಸಚಿವ ಕೆ.ರಾಮಮೋಹನ್ ನಾಯ್ಡು ಹೇಳಿದ್ದಾರೆ. ದೇಶದಲ್ಲಿ ಪ್ರಸ್ತುತ 834 ವಿಮಾನಗಳು ಸಂಚರಿಸುತ್ತಿದ್ದು, 8 ಸಾವಿರ ಪೈಲಟ್​ಗಳು ಇದ್ದಾರೆ. ಆದರೆ, ಈ ಪೈಕಿ 2-3 ಸಾವಿರ ಪೈಲಟ್​ಗಳು ಸೇವೆಗೆ ಸಕ್ರಿಯವಾಗಿ ಲಭ್ಯವಿಲ್ಲ.

ದೇಶದಲ್ಲಿ ಪ್ರತಿನಿತ್ಯ ಸರಾಸರಿ 4.8 ಲಕ್ಷ ಜನರು ವಿಮಾನಗಳಲ್ಲಿ ಸಂಚರಿಸುತ್ತಿದ್ದಾರೆ.

ದೇಶದಲ್ಲಿ ಸಂಚರಿಸುತ್ತಿರುವ ವಿಮಾನಗಳು 834.

ಪೈಲಟ್​ಗಳ ಒಟ್ಟು ಸಂಖ್ಯೆ 8000. ಈ ಪೈಕಿ 2ರಿಂದ 3 ಸಾವಿರ ಪೈಲಟ್​ಗಳು ಸೇವೆಗೆ ಸಕ್ರಿಯವಾಗಿ ಲಭ್ಯವಿಲ್ಲ.

ದೇಶದಲ್ಲಿ ವಿಮಾನ ಹಾರಾಟ ತರಬೇತಿ (ಎಫ್​ಟಿಒ) ಸಂಸ್ಥೆಗಳ ಸಂಖ್ಯೆ ಹೆಚ್ಚಬೇಕಿದೆ. ಒಂದು ವಿಮಾನವನ್ನು ಸಮರ್ಥವಾಗಿ ನಿರ್ವಹಿಸಲು ಒಂದು ವಿಮಾನಯಾನ ಸಂಸ್ಥೆಗೆ 10ರಿಂದ 15 ಪೈಲಟ್​ಗಳ ಅವಶ್ಯಕತೆ ಇದೆ.

ಇಂಡಿಗೋ 400ಕ್ಕೂ ಹೆಚ್ಚು ವಿಮಾನಗಳನ್ನು ಹೊಂದಿದ್ದು, ದಿನವೊಂದಕ್ಕೆ 2,300ಕ್ಕಿಂತಲೂ ಹೆಚ್ಚಿನ ಹಾರಾಟಗಳನ್ನು ನಿರ್ವಹಿಸುತ್ತಿದೆ. 90ಕ್ಕೂ ಹೆಚ್ಚು ದೇಶೀಯ ತಾಣಗಳು ಮತ್ತು 45 ಅಂತಾರಾಷ್ಟ್ರೀಯ ಸ್ಥಳ ಗಳನ್ನು ತಲುಪುತ್ತಿದೆ. ದೇಶದ 8 ಸಾವಿರ ಪೈಲಟ್​ಗಳ ಪೈಕಿ 5,400 ಪೈಲಟ್​ಗಳನ್ನು ಇಂಡಿಗೋ ಸಂಸ್ಥೆ ಹೊಂದಿದೆ.