ಅಲ್ಲಾ ವರ್ಸಸ್ ಏಸು ಕದನ: ಯುದ್ಧದಲ್ಲಿ ಗೆದ್ದ ಧರ್ಮಕ್ಕೆ ಮತಾಂತರವಾಗ್ತೇನೆ; ಅಮೆರಿಕ-ಇರಾನ್ ಸಂಘರ್ಷಕ್ಕೆ ಆರ್.ಜಿ.ವಿ ವಿವಾದಾತ್ಮಕ ಟ್ವೀಟ್​! RGV on Iran US War

ಮುಂಬೈ: ಸದ್ಯ ಈಡೀ ಜಗತ್ತಿನ ತಲ್ಲಳಕ್ಕೆ ಕಾರಣವಾಗಿರುವ ಇರಾನ್​ ಮತ್ತು ಅಮೆರಿಕ ನಡುವಿನ ಸಂಘರ್ಷದ ಕುರಿತು ಬಾಲಿವುಡ್​ ನಿರ್ದೇಶಕ ರಾಮ್​ ಗೋಪಾಲ್​ ವರ್ಮಾ (RGV on Iran US War) ವಿವಾಧಾತ್ಮಕ ಹೇಳಿಕೆಯೊಂದನ್ನು ನೀಡಿದ್ದು, ಅದು ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗೆ ವೇದಿಕೆಯಾಗಿದೆ.

ಇರಾನ್​ ಮತ್ತು ಅಮೆರಿಕ ಯುದ್ಧವನ್ನು ಅಲ್ಲಾ ವರ್ಸಸ್​ ಏಸುವಿನ ನಡುವಿನ ಕಾಳಗವೆಂದಿರುವ ಆರ್​ಜಿವಿ, ಈ ಯುದ್ಧದಲ್ಲಿ ಯಾವ ಧರ್ಮವು ಜಯಶಾಲಿಯಾಗುತ್ತದೆಯೋ ನಾನು ಆ ಧರ್ಮಕ್ಕೆ ಮತಾಂತರವಾಗುತ್ತೆನೆ ಎಂದು ಅವರು ತಮ್ಮ ಎಕ್ಸ್​(ಟ್ವಿಟರ್​) ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ತಮ್ಮ ಮತ್ತೊಂದು ಟ್ವಿಟ್​ನಲ್ಲಿ ಅಮೆರಿಕ ಅಧ್ಯಕ್ಷ ಶಕ್ತಿಶಾಲಿಯಾಗಿರುವ ಕಾರಣ ಅವರು ಮಾಡುತ್ತಿರುವುದು ಸರಿಯಿದೆ ಎಂದು ರಾಮ್​ ಗೋಪಾಲ್​ ವರ್ಮಾ ಹೇಳಿದ್ದಾರೆ. ತಮ್ಮದೇ ಸಿನಿಮಾದ ಡೈಲಾಗ್​ ಒಂದನ್ನು ಉಲ್ಲೇಖಿಸಿರುವ ಆರ್​ಜಿವಿ, ಯಾರು ಬಳಿ ಶಕ್ತಿ ಇರುತ್ತದೆಯೋ ಅವರ ತಪ್ಪು ಸಹ ಸರಿಯಾಗಿ ಬಿಡುತ್ತದೆ( ಜಿಸ್ಕೇ ಪಾಸ್​ ಪವರ್​ ಹೋತಿ ಹೇ, ಉಸ್ಕಾ ವ್ರಾಂಗ್​ಬೀ ರೈಟ್​ ಹೋಜಾತಾ ಹೇ) ಎಂಬ ವಾಕ್ಯವನ್ನು ಬರೆದಿದ್ದಾರೆ.

ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ನನ್ನು ಹೊಗಳಲು ಆರ್​ಜಿವಿ ಉಪಯೋಗಿಸಿರುವ ಈ ಡೈಲಾಗ್​ ( ಜಿಸ್ಕೇ ಪಾಸ್​ ಪವರ್​ ಹೋತಿ ಹೇ, ಉಸ್ಕಾ ವ್ರಾಂಗ್​ಬೀ ರೈಟ್​ ಹೋಜಾತಾ ಹೇ) ಅವರ ಜನಪ್ರೀಯ ಸಿನಿಮಾ ಸರ್ಕಾರ್​​ ಚಿತ್ರದಾಗಿದ್ದು, ಈ ಸಿನಿಮಾದಲ್ಲಿ ರಾಜಕೀಯ, ದಾದಾಗಿರಿ ಮತ್ತು ತೊಳ್ಬಲದ ಪರಾಕಾಷ್ಟೆಯನ್ನು ತೋರಿಸಲಾಗಿತ್ತು. ಈ ಸಿನಿಮಾದಲ್ಲಿ ಅಮಿತಾಬ್​ ಬಚ್ಚನ್​, ಅಭಿಷೇಕ್​ ಬಚ್ಚನ್​, ಕೆಕೆ ಮೆನನ್, ಕತ್ರಿಕಾ ಕೈಫ್​ ನಟಿಸಿದ್ದರು.