ಟಿವಿಕೆಗೆ ಪಕ್ಷಾಂತರಗೊಳ್ಳುವ ಆತಂಕ; AIADMKಯ 28 ಶಾಸಕರು ಪುದುಚೇರಿಯ ರೆಸಾರ್ಟ್​​ಗೆ ಶಿಫ್ಟ್

ಚೆನ್ನೈ: ತಮಿಳುನಾಡಿನ ವಿಧಾನಸಭಾ ಕ್ಷೇತ್ರಗಳಿಗೆ ನಡೆದ ಚುನಾವಣೆಯಲ್ಲಿ ಟಿವಿಕೆಗೆ ಭರ್ಜರಿ ಜಯ ಸಿಕ್ಕಿದೆಯಾದರೂ, ಸರ್ಕಾರ ರಚನೆ ಮಾಡುವಷ್ಟು ಸ್ಥಾನಗಳನ್ನು ಗೆದ್ದುಕೊಂಡಿಲ್ಲ. ಹೀಗಾಗಿ, ವಿಜಯ್​ ಜೊತೆ ಮೈತ್ರಿ ಮಾಡಿಕೊಳ್ಳುವಂತೆ ಎಐಎಡಿಎಂಕೆಯ ಶಾಸಕರು ಮುಗಿಬಿದ್ದಿದ್ದರು.  ಆ ಬೆನ್ನಲ್ಲೇ, ತನ್ನ ಇಪ್ಪತ್ತೆಂಟು ಶಾಸಕರನ್ನು  ಉಳಿಸಿಕೊಳ್ಳುವ ಸಲುವಾಗಿ ಪುದುಚೇರಿಯ ರೆಸಾರ್ಟ್​ವೊಂದಕ್ಕೆ ಸ್ಥಳಾಂತರಿದ್ದಾರೆ ಎನ್ನಲಾಗಿದೆ. 

ಟಿವಿಕೆ ತಮಿಳಿನಾಡಿನಲ್ಲಿ ಜಯ ಕಂಡುಕೊಂಡ ದಿನದಿಂದಲೂ ವಿಜಯ್​ ಪಕ್ಷಕ್ಕೆ ಬೆಂಬಲ ನೀಡುವ ವಿಚಾರಕ್ಕೆ ಎಐಎಡಿಎಂಕೆ ಪಕ್ಷದಲ್ಲಿ ಬಿರುಕು ಮೂಡಿತ್ತು.  ಕೆಲವು ಶಾಸಕರು ಟಿವಿಕೆಯತ್ತ ಒಲವು ತೋರಿದ್ದರು. ಹೀಗಾಗಿ, ಹಿರಿಯ ನಾಯಕ ಸಿವಿ ಷಣ್ಮುಗಂ ನೇತೃತ್ವದಲ್ಲಿ ಬಲಿಗ ಶಾಸಕರನ್ನು ರೆಸಾರ್ಟ್​ಗೆ ಶಿಫ್ಟ್​ ಮಾಡಿದ್ದಾರೆ.

ಎಐಎಡಿಎಂಕೆಯ ನಾಯಕರು ಪುದುಚೇರಿಯ ರೆಸಾರ್ಟ್​ನಲ್ಲಿ ತಂಗಿರುವ ವಿಡಿಯೋಗಳು ಸೋಶಿಯಲ್​ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಟಿವಿಕೆ ತಮ್ಮ ನಾಯಕರನ್ನು ತನ್ನತ್ತ ಸೆಳೆಯುವ ಯತ್ನವನ್ನು ಮಾಡಬಹುದು ಎಂಬ ಭಯದಿಂದ ಈ ನಿರ್ಧಾರವನ್ನು ಕೈಗೊಂಡಿದೆ ಎನ್ನಲಾಗಿದೆ. 

ಕೇವಲ ಎರಡು ವರ್ಷದ ಹಿಂದೆ ಶುರು ಮಾಡಿದ್ದ ಟಿವಿಕೆ ಪಕ್ಷವು ಮೊದಲ ಬಾರಿ ಸ್ಪರ್ಧಿಸಿದ್ದ ಚುನಾವಣೆಯಲ್ಲಿ  234 ಸ್ಥಾನಗಳಲ್ಲಿ 108 ಸ್ಥಾನಗಳನ್ನು ಗೆಲ್ಲುವ ಮೂಲಕ ಅಚ್ಚರಿ ಮೂಡಿಸಿತು. ಸರ್ಕಾರ ರಚನೆಗೆ 118 ಸ್ಥಾನ ಬೇಕಾಗಿತ್ತು. ಈಗಾಗಲೇ ಕಾಂಗ್ರೆಸ್​ನ ಐದು ಶಾಸಕರು ವಿಜಯ್​ಗೆ ಬೆಂಬಲ ಕೊಟ್ಟಿದ್ದಾರೆ. ಆದರೆ, ಸರ್ಕಾರ ರಚನೆ ಮಾಡಲು ಇನ್ನೂ ಐದು ಶಾಸಕರ ಅಗತ್ಯವಿದೆ. ಹೀಗಾಗಿ  ಇಂದು ಮುಂಜಾನೆ ಚೆನ್ನೈನಲ್ಲಿರುವ  ರಾಜ್ಯಪಾರ ಲೋಕಭವನಕ್ಕೆ ಭೇಟಿ ಕೊಟ್ಟು ರಾಜೇಂದ್ರ ವಿಶ್ವನಾಥ್ ಅರ್ಲೇಕರ್ ಜೊತೆ ಮಾತುಕತೆ ನಡೆಸಿದ್ದಾರೆ ಎನ್ನಲಾಗಿದೆ,(ಏಜೆನ್ಸೀಸ್).