ನನಗೇ ಹೀಗಾದ್ರೆ ಸಾಮಾನ್ಯ ಜನರ ಗತಿಯೇನು...? 3 ದೇಶಗಳಲ್ಲಿ ಭಾರತ ಪ್ರತಿನಿಧಿಸಿದ್ದ ಮಾಜಿ ರಾಯಭಾರಿಗೆ ಪೌರತ್ವ ಸಾಬೀತುಪಡಿಸೋ ಸವಾಲು! | Navdeep Suri

ಯುಎಇ ಹಾಗೂ ಈಜಿಪ್ಟ್ ಸೇರಿದಂತೆ ಹಲವು ದೇಶಗಳಲ್ಲಿ ಭಾರತದ ರಾಯಭಾರಿಯಾಗಿ ಸೇವೆ ಸಲ್ಲಿಸಿದ್ದ ಮಾಜಿ ರಾಜತಾಂತ್ರಿಕ ಅಧಿಕಾರಿ ನವದೀಪ್ ಸೂರಿ (Navdeep Suri) ಅವರು ಮತದಾರರ ಪಟ್ಟಿಯ ವಿಶೇಷ ಪರಿಷ್ಕರಣೆ (SIR) ಪ್ರಕ್ರಿಯೆಯ ಬಗ್ಗೆ ತಮಗಾದ ಕಹಿ ಅನುಭವವನ್ನು ಹಂಚಿಕೊಳ್ಳುವ ಮೂಲಕ ಭಾರತೀಯ ಚುನಾವಣಾ ಆಯೋಗದ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ಸಾಮಾನ್ಯ ಪ್ರಜೆಯ ಗತಿಯೇನು..?

ಈ ಕುರಿತು ಬಿಎಲ್‌ಒ ಅವರೊಂದಿಗೆ ಮಾತನಾಡಿದಾಗ, ನೋಟಿಸ್ ಸ್ವೀಕರಿಸಲು ಬರುವಂತೆ ಹಾಗೂ ಭಾರತೀಯ ಪ್ರಜೆ ಎಂದು ನಿರೂಪಿಸಲು ಇತರ ದಾಖಲೆಗಳೊಂದಿಗೆ ಮತ್ತೆ ಹಾಜರಾಗುವಂತೆ ಸೂಚಿಸಲಾಯಿತು ಎಂದು ಸೂರಿ ಹೇಳಿದ್ದಾರೆ. 2003 ರಲ್ಲಿ ನಾನು ಭಾರತದಲ್ಲಿ ಇರಲಿಲ್ಲ ಎಂದು ಉತ್ತರಿಸಿದಾಗ, ಅವರು ಪೌರತ್ವದ ಪುರಾವೆಯಾಗಿ ಪಾಸ್‌ಪೋರ್ಟ್ ತರುವಂತೆ ಕೇಳಿದ್ದಾರೆ. ಮೂರು ದೇಶಗಳಲ್ಲಿ ಭಾರತವನ್ನು ಪ್ರತಿನಿಧಿಸಿದ ನಂತರವೂ ನನ್ನ ಪೌರತ್ವವನ್ನು ಸಾಬೀತುಪಡಿಸಲು ನನಗೆ ಇಷ್ಟೊಂದು ತೊಂದರೆಯಾದರೆ, ದೇಶದ ಸಾಮಾನ್ಯ ಪ್ರಜೆಯ ಗತಿಯೇನು..? ಇದನ್ನೇ ನಾವು ಜೀವನ ಸುಲಭಗೊಳಿಸುವುದು ಎನ್ನಬೇಕೇನೋ ಎಂದು ಮಾಜಿ ರಾಯಭಾರಿ ಆಡಳಿತ ವ್ಯವಸ್ಥೆಯನ್ನು ಪ್ರಶ್ನಿಸಿದ್ದಾರೆ.

ಎಸ್​​ಐಆರ್​ ಹಿನ್ನಲೆ!