ಗುಜರಾತ್ ಜೈಂಟ್ಸ್​ ವಿರುದ್ಧ 32 ರನ್​ಗಳ ಅಂತರದಿಂದ ಗೆದ್ದ ಆರ್​ಸಿಬಿ: ಐದು ವಿಕೆಟ್ ಪಡೆದ ಶ್ರೇಯಾಂಕಾ ಪಾಟೀಲ್ | WPL-2026

ಮುಂಬೈ: 2026ರ ಮಹಿಳಾ ಪ್ರೀಮಿಯರ್ ಲೀಗ್‌ನಲ್ಲಿ ರಾಧಾ ಯಾದವ್ ಅವರ ಅರ್ಧ ಶತಕ ಮತ್ತು ಶ್ರೇಯಾಂಕಾ ಪಾಟೀಲ್ ಅವರ ಐದು ವಿಕೆಟ್​ಗಳ ಗೊಂಚಲಿನಿಂದ ಗುಜರಾತ್ ಜೈಂಟ್ಸ್​ ವಿರುದ್ಧ 32 ರನ್​ಗಳ ಅಂತರಿಂದ ಆರ್​ಸಿಬಿ ಗೆಲುವು ಸಾಧಿಸುವ ಮೂಲಕ ಲೀಗ್​ನಲ್ಲಿ ಸತತ ಮೂರನೇ ಗೆಲುವು ದಾಖಲಿಸಿದೆ.

ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದ್ದ ಆರ್ಸಿಬಿ ತಂಡ ಆರಂಭದಲ್ಲಿ ಮುಗ್ಗರಿಸಿತ್ತು. ಬಳಿಕ ಆಟಗಾರರಾದ ರಾಧಾ ಯಾದವ್ 47 ಎಸೆತಗಳಲ್ಲಿ 66 ರನ್ ಮತ್ತು ಘೋಷ್ 28 ಎಸೆತಗಳಲ್ಲಿ 44 ರನ್​ ಗಳಿಸುವ ಮೂಲಕ ಆರ್​ಸಿಬಿ ದೊಡ್ಡ ಮೊತ್ತದ ರನ್​ ಗಳಿಸುವಿಕೆಗೆ ನೆರವಾದರು. ತಂಡವು 7 ವಿಕೆಟ್​ಗೆ 182 ರನ್​ಗಳ ಗುರಿಯನ್ನು ನೀಡಿತು.

ಬಳಿಕ ಬ್ಯಾಟಿಂಗ್ ಮಾಡಿದ ಗುಜರಾತ್ ಜೈಂಟ್ಸ್ ತಂಡ, ಗುರಿಯನ್ನು ಸಕಾರಾತ್ಮಕವಾಗಿ ಆರಂಭಿಸಿತು. ಮೊದಲ ಎಸೆತದಲ್ಲೇ ಬೆತ್ ಮೂನಿ ಲಾರೆನ್ ಬೆಲ್ ಬೌಂಡರಿ ಬಾರಿಸಿದರು. ಮುಂದಿನ ಓವರ್​ನಲ್ಲಿ ಸೋಫಿ ಡಿವೈನ್ ಮುಂದಿನ ಓವರ್‌ನಲ್ಲಿ ಸತತ ಬೌಂಡರಿ ಬಾರಿಸಿದರು. ಬಳಿಕ ನಿಯಮಿತ ಅಂತರದಲ್ಲಿ ವಿಕೆಟ್ ಕಳೆದುಕೊಂಡು 150 ರನ್​ಗಳಿಗೆ ಆಲೌಟ್ ಆಯಿತು. ಆರ್​ಸಿಬಿಯ ಶ್ರೇಯಂಕಾ ಪಾಟೀಲ್ 23 ರನ್ ನೀಡಿ 5 ವಿಕೆಟ್​ ಪಡೆದು ಅದ್ಭುತ ಪ್ರದರ್ಶನ ನೀಡಿದರು. ಪಂದ್ಯದ ಆಟಗಾರ್ತಿ ಪ್ರಶಸ್ತಿಯನ್ನು ರಾಧಾ ಯಾದವ್ ನೀಡಲಾಗಿದೆ.

ಆರ್​ಸಿಬಿ: 20 ಓವರ್​ಗಳಲ್ಲಿ 185/7 (ರಾಧಾ ಯಾದವ್ 66, ರಿಚಾ ಘೋಷ್ 44, ನದಿನ್ ಡಿ ಕ್ಲರ್ಕ್ 26, ಶ್ರೇಯಾಂಕಾ ಪಾಟೀಲ್ 23 ರನ್ 5 ವಿಕೆಟ್, ಲಾರೆನ್ ಬೆಲ್ 29 ರನ್ ನೀಡಿ 3 ವಿಕೆಟ್)

ಗುಜರಾತ್ ಜೈಂಟ್ಸ್​: 18.5 ಓವರ್​​ನಲ್ಲಿ 150/10 ( ಬೆತ್ ಮೂನಿ 27, ಭಾರತಿ ಫೂಲ್ಮಾಲಿ 39, ರೇಣುಕಾ ಸಿಂಗ್ 41 ರನ್​ಗೆ 1 ವಿಕೆಟ್, ಕಶ್ವಿ ಗೌತಮ್ 42 ರನ್​ 2 ವಿಕೆಟ್, ಸೋಫಿ ಡಿವೈನ್ 31 ರನ್ ನೀಡಿ 3 ವಿಕೆಟ್)