ರಾಮ ಮಂದಿರ ದೇಣಿಗೆ ಅಕ್ರಮ ಆರೋಪ: ಚಂಪತ್​ ರಾಯ್​, ಅನಿಲ್​ ಮಿಶ್ರಾಗೆ SIT ಕ್ಲೀನ್​ ಚೀಟ್​; 8 ಜನರ ವಿರುದ್ಧ ಎಫ್​​ಐಆರ್​! Ram Mandir Donation

ಅಯೋಧ್ಯಾ: ಉತ್ತರ ಪ್ರದೇಶದದಲ್ಲಿರುವ ಅಯೋಧ್ಯಾ ರಾಮ ಮಂದಿರದಲ್ಲಿ ನಡೆದಿದೆ ಎಂದು ಹೇಳಲಾಗುತ್ತಿರುವ ದೇಣಿಗೆ ಕಳ್ಳತನ (Ram Mandir Donation) ಆರೋಪದಲ್ಲಿ ಶ್ರೀ ರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್​​ನ ಪ್ರಧಾನ ಕಾರ್ಯದರ್ಶಿಯಾಗುದ್ದ, ಚಂಪತ್​ ರಾಯ್​​ ಹಾಗೂ ಅನಿಲ್​ ಮಿಶ್ರಾ ಗುಲಾಟಿ ಎಸ್​​ಐಟಿಯಿಂದ ಕ್ಲೀನ್​ ಚೀಟ್​ ಪಡೆದಿದ್ದಾರೆಂದು ಹೇಳಲಾಗುತ್ತಿದೆ.

ರಾಮ ಮಂದಿರಕ್ಕೆ ಹರಿದು ಬಂದಿರುವ ಕೋಟ್ಯಾಂತರ ರೂಪಾಯಿ ದೇಣಿಗೆ ಹಣದಲ್ಲಿ ಅಕ್ರಮ ನಡೆದಿದೆ ಎಂದು ಆರೋಪ ಕೇಳಿಬಂದ ಹಿನ್ನಲೆ ರಾಜ್ಯ ಸರ್ಕಾರ, ಎಸ್​ಐಟಿ ರಚಿಸಿ, ತನಿಖೆಗೆ ಮುಂದಾಗಿತ್ತು. ಇನ್ನೂ ಅಂತಿಮ ವರದಿ ಸಿದ್ಧವಾಗುತ್ತಿದ್ದು, ಸದ್ಯದ ಮಟ್ಟಿಗೆ, ಈ ದೇಣಿಗೆ ಅಕ್ರಮದಲ್ಲಿ ಚಂಪತ್​ ರಾಯ್​ ಹಾಗೂ ಅನಿಲ್​ ಮಿಶ್ರಾ ಗುಲಾಟಿ ಅವರ ಯಾವುದೇ ನೇರ ಪಾತ್ರವಿತ್ತು ಎಂದು ಸಾಬೀತಾಗದ ಕಾರಣ ಇವರಿಬ್ಬರಿಗೆ ಕ್ಲೀನ್​ ಚೀಟ್​ ನೀಡಲಾಗಿದೆ.

ಕೋಟ್ಯಾಂತರ ಹಿಂದೂಗಳ ನಂಬಿಕೆ ಹಾಗೂ ಅಸ್ತಿತ್ವ ಎಂದು ನಂಬಲಾಗುವ ಪ್ರಭು ಶ್ರೀರಾಮನ ದೇವಸ್ಥಾನದಲ್ಲಿ ಅಕ್ರಮ ನಡೆದಿದೆ ಎಂಬ ಸುದ್ದಿ ದೇಶಾದ್ಯಂತ ಚರ್ಚೆಗೆ ನಾಂದಿ ಹಾಡಿತ್ತು. ಆದ್ದರಿಂದು ಕೂಡಲೇ ಯುಪಿ ಸರ್ಕಾರ, ಎಸ್​ಐಟಿ ರಚಿಸಿ ತನಿಖೆ ಆರಂಭಿಸಿತ್ತು. ಸುಪ್ರೀಂ ಕೋರ್ಟ್​ ಕೂಡ ತನಿಖೆ ಆದಷ್ಟು ಬೇಗ ನಡೆಸಿ ವರದಿ ಸಲ್ಲಿಸುವಂತೆ ಎಸ್​ಐಟಿಗೆ ನಿರ್ದೇಶನ ನೀಡಿತ್ತು.

ಜೂನ್​ 13 ರಂದು ಸಿಎಂ ಯೋಗಿ ಆದಿತ್ಯನಾಥ್​ ಎಸ್​ಐಟಿಯನ್ನು ರಚಿಸಿದ್ದು ಜೂನ್​ 25 ರಂದು ಎಂಟು ಜನರ ಮೇಲೆ ಎಫ್​ಐಆರ್​ ದಾಖಲಾಗಿತ್ತು. ಅಯೋಧ್ಯಾ ರಾಮ ಮಂದಿರದ ದೇಣಿಗೆ ಅಕ್ರಮಕ್ಕೆ ಸಂಬಂಧಿಸಿದಂತೆ ಅವಿನಾಶ್ ಶುಕ್ಲಾ, ಅನುಕಲ್ಪ್ ಮಿಶ್ರಾ, ಲವ್ಕುಶ್ ಮಿಶ್ರಾ, ಮನೀಶ್ ಕುಮಾರ್ ಯಾದವ್, ಕರುಣೇಶ್ ಪಾಂಡೆ, ರಾಮಶಂಕರ್ ಮಿಶ್ರಾ, ಸುಭಾಷ್ ಶ್ರೀವಾಸ್ತವ ಮತ್ತು ರಾಮ್ ಶಂಕರ್ ಯಾದವ್ ಅಲಿಯಾಸ್ ತಿನ್ನು ಎನ್ನುವವರ ಮೇಲೆ ಎಫ್​ಐಆರ್​ ದಾಖಲಾಗಿತ್ತು ವಿಚಾರಣೆ ಮುಂದುವರಿಯುತ್ತಿದೆ ಎಂದು ಪೊಲೀಸ್​ ಮೂಲಗಳು ತಿಳಿಸಿವೆ, (ಏಜನ್ಸೀಸ್​).