ಪುಲ್-ಅಪ್ಸ್ ಮಾಡುವಾಗ ಕುಸಿದು ಬಿದ್ದ ಬಾಸ್ಕೆಟ್‌ ಬಾಲ್​ ಕಂಬ​; 20 ವರ್ಷದ ಎಂಜಿನಿಯರ್​ ವಿದ್ಯಾರ್ಥಿ ಸಾವು..Pune Student Death

ಪುಣೆ: ವ್ಯಾಯಾಮ ಮಾಡುತ್ತಿದ್ದ 20 ವರ್ಷದ ಯುವಕನ ಮೇಲೆ ಬ್ಯಾಸ್ಕೇಟ್​ ಬಾಲ್​​ ಕಂಬ ಬಿದ್ದು ಪ್ರಾಣ ಕಳೆದುಕೊಂಡ(Pune Student Death)ಘಟನೆ ಮಹಾರಾಷ್ಟ್ರದ ಪುಣೆಯ ಪ್ರತಿಷ್ಠಿತ ಕಾಲೇಜೊಂದ ಕ್ಯಾಂಪಸ್​ನಲ್ಲಿ ಬೆಳಕಿಗೆ ಬಂದಿದೆ. 

ಮೃತ ವಿದ್ಯಾರ್ಥಿಯನ್ನು ವಿಶಾಲ್​ ವರ್ಮಾ ಎಂದು ಗುರುತಿಸಲಾಗಿದೆ. ಈತ ಉತ್ತರ ಪ್ರದೇಶದ ಬಸ್ತಿ ಗ್ರಾಮದವನಾಗಿದ್ದು ತಲಾನಿ ಮ್ಯಾರಿಟೈಮ್ ಇನ್‌ಸ್ಟಿಟ್ಯೂಟ್‌ನಲ್ಲಿ ಬಿ.ಟೆಕ್ ಪದವಿ ಪಡೆಯುತ್ತಿದ್ದನ್ನು. 2024ರಲ್ಲಿ ಈ ಕಾಲೇಜಿಗೆ ಸೇರಿಕೊಂಡಿದ್ದನ್ನು ಎಂಬ ಬಗ್ಗೆ ಮಾಹಿತಿ ಲಿಂಕ್ಡಿನ್​​ನಲ್ಲಿ ಇದೆ.

ವಿಶಾಲ್​ ವರ್ಮಾಗೆ ನಿತ್ಯ ವ್ಯಾಯಾಮ ಮಾಡೋದು ಅಭ್ಯಾಸ. ಎಂದಿನಂತೆ ಸೋಮವಾರ ಮುಂಜಾನೆ ವಸತಿ ನಿಲಯದಿಂದ ವ್ಯಾಯಾಮ ಮತ್ತು ವಾಕಿಂಗ್​ಗಾಗಿ ಕಾಲೇಜು ಮೈದಾನಕ್ಕೆ ತೆರಳಿದ್ದನು. ಎಲ್ಲ ಮುಗಿಸಿ ಕಡೆಯದಾಗಿ ಪುಲ್​ಅಪ್ಸ್​ ಮಾಡಬೇಕು ಎಂದು ಬಾಸ್ಕೆಟ್‌ಬಾಲ್ ಫ್ರೇಮ್ ಬಳಸಿಕೊಂಡ. ಫ್ರೇಮ್​ ಹಿಡಿದು ಪುಲ್​ಅಪ್ಸ್​ ಮಾಡುತ್ತಿರುವಾಗ ಆತನ ಮೇಲೆ ಬಿದ್ದಿದೆ. 

ಭಾರವಾಗಿದ್ದ ಕಬ್ಬಿಣದ ಬೋರ್ಡ್​ ಆತನ ತಲೆ ಮೇಲೆ ಬಿದ್ದ ಕಾರಣ ತೀವ್ರ ರಕ್ತಸ್ರಾವವಾಗಿ ಕುಸಿದುಬಿದ್ದ. ಘಟನಾ ಸ್ಥಳದಲ್ಲಿದ್ದ ವಿದ್ಯಾರ್ಥಿಗಳು ಆತನನ್ನು ಆಸ್ಪತ್ರೆಗೆ ಸೇರಿಸಿದರು. ಆದರೆ ವಿಶಾಲ್​ ವರ್ಮಾ ದಾರಿ ಮಧ್ಯೆಯೇ ಮೃತಪಟ್ಟಿದ್ದಾರೆ ಎಂದು ವೈದ್ಯರು ದೃಢಪಡಿಸಿದ್ದಾರೆ. 

ಸದ್ಯ ಘಟನಾ ಸ್ಥಳಕ್ಕೆ ಪೊಲೀಸರು ತೆರಳಿ ಪರಿಶೀಲನೆ ನಡೆಸಿದ್ದಾರೆ. ಆ ಬಾಸ್ಕೆಟ್‌ಬಾಲ್ ಕಂಬ ತುಕ್ಕು ಹಿಡಿದಿತ್ತೇ ಅಥವಾ ಅದರ ಫಿಟ್ಟಿಂಗ್‌ನಲ್ಲಿ ದೋಷವಿತ್ತೇ ಎಂಬ ಬಗ್ಗೆ ಪರಿಶೀಲನೆ ನಡೆಸಲಾಗುತ್ತಿದೆ ಎಂದು ಇನ್ಸ್‌ಪೆಕ್ಟರ್ ಸಂತೋಷ್ ಪಾಟೀಲ್ ತಿಳಿಸಿದ್ದಾರೆ. ಈ ಬಗ್ಗೆ ಕಾಲೇಜು ಆಡಳಿತ ಮಂಡಳಿ ಮಾತನಾಡಿದ್ದು, ಇದೊಂದು ದುರಂತ, ಘಟನೆಗೆ ನಿಖರವಾದ ಕಾರಣ ಏನುಅನ್ನೋದನ್ನ ಪತ್ತೆ ಹಚ್ಚಲಾಗುತ್ತದೆ ಎಂದು ಅವರು ಹೇಳಿದೆ.

ಹರಿಯಾಣದ ರೋಹ್ಟಕ್‌ನಲ್ಲಿ 16 ವರ್ಷದ ರಾಷ್ಟ್ರೀಯ ಮಟ್ಟದ ಬ್ಯಾಸ್ಕೆಟ್‌ಬಾಲ್ ಆಟಗಾರನೊಬ್ಬ ಸಾವನ್ನಪ್ಪಿದ ಐದು ತಿಂಗಳೊಳಗೆ ಈ ಘಟನೆ ಸಂಭವಿಸಿದೆ. ಹಾರ್ದಿಕ್ ರಥಿ ಎಂಬಾರ ಬ್ಯಾಸ್ಕೇಟ್​ ಬಾಲ್ ಕೋರ್ಟ್‌ನಲ್ಲಿ ಅಭ್ಯಾಸ ಮಾಡುತ್ತಿದ್ದಾಗ ಕಂಬ ಮುಂದಕ್ಕೆ ಬಿದ್ದು ಸ್ಥಳದಲ್ಲೇ ಮೃತಪಟ್ಟರು. ಇದಕ್ಕೂ ಮೊದಲು, ಹರಿಯಾಣದ ಬಹದ್ದೂರ್‌ಗಢ ಜಿಲ್ಲೆಯಲ್ಲಿ ಇದೇ ರೀತಿಯ ಘಟನೆಯಲ್ಲಿ 15 ವರ್ಷದ ಬಾಲಕ ಸಾವನ್ನಪ್ಪಿದ್ದ, (ಏಜೆನ್ಸೀಸ್)