ಹೌದು, ಭಾರತವು ವಿಜ್ಞಾನ-ತಂತ್ರಜ್ಞಾನ, ನೌಕೆ, ಖಗೋಳಶಾಸ್ತ್ರ ಸೇರಿದಂತೆ ಹಲವು ರಂಗಗಳಲ್ಲಿ ಸಾವಿರಾರು ವರ್ಷಗಳ ಹಿಂದೆಯೇ ಮಾಡಿದ ಸಾಧನೆ ಅಸಾಧಾರಣವಾದದ್ದು. ಆದರೆ, ಭಾರತದ ನೈಜ ಮತ್ತು ಉಜ್ವಲವಾದ ಇತಿಹಾಸವನ್ನು ಮರೆಮಾಚಿ ಸುಳ್ಳುಗಳನ್ನೇ ದೀರ್ಘಕಾಲದವರೆಗೆ ವಿಜೃಂಭಿಸಲಾಯಿತು. ಭಾರತಕ್ಕೆ ನೌಕಾಯಾನವನ್ನು ವಾಸ್ಕೋ-ಡಿ-ಗಾಮ ಪರಿಚಯಿಸಿದನು ಎಂದು ಹೇಳಿಕೊಂಡು ಬರಲಾಯಿತು. ವಾಸ್ತವವೆಂದರೆ ಭಾರತೀಯ ನಾವಿಕರು ಹಾಗೂ ವರ್ತಕರು ಸಾವಿರಾರು ವರ್ಷಗಳ ಹಿಂದೆಯೇ ವ್ಯಾಪಾರ ಮತ್ತು ಅನ್ವೇಷಣೆಗಾಗಿ ಹಿಂದೂ ಮಹಾಸಾಗರದ ಮೂಲಕ ಮಧ್ಯಪ್ರಾಚ್ಯವಲ್ಲದೆ ಹಲವು ರಾಷ್ಟ್ರಗಳನ್ನು ತಲುಪಿದ್ದರು. ಮಾತ್ರವಲ್ಲ, ಹಡಗು ತಯಾರಿಕೆ, ಅದರ ವಿನ್ಯಾಸ, ನೌಕಾ ಸಂಚಾರದಲ್ಲಿ ಭಾರತದ ಸಾಧನೆ ಅದ್ವಿತೀಯವಾಗಿತ್ತು. ಅದೇ ಪ್ರಾಚೀನ ವಿನ್ಯಾಸವನ್ನು ಮತ್ತು ಸರಿಸುಮಾರು 5ನೇ ಶತಮಾನದ ತಂತ್ರಜ್ಞಾನವನ್ನು ಬಳಸಿಕೊಂಡು ‘ಕೌಂಡಿನ್ಯ’ವನ್ನು ಸಿದ್ಧಪಡಿಸಲಾಗಿದೆ.
