ಭಾರತದ ಐಷಾರಾಮಿ ಬಸ್ ಪ್ರಯಾಣಕ್ಕೆ ಮನಸೋತ ಪೋಲೆಂಡ್ ಹುಡ್ಗಿ; ಹೊಟ್ಟೆ ಬಿರಿಯುವಷ್ಟು ಆಹಾರ, ಸ್ವಚ್ಛತೆ ಬಗ್ಗೆ ಪೋಸ್ಟ್..Polish Woman

ಪೋಲಿಷ್​ ಯುವತಿ ಡೊಮಿನಿಕಾ ಪಟಾಲಸ್-ಕಲ್ರಾ, ದೆಹಲಿಗೆ 11 ಗಂಟೆಗಳ ಪ್ರಯಾಣಿಸಿ, ಇಲ್ಲಿನ ಬಸ್​ಗಳ ಸ್ವಚ್ಛತೆ, ಆಧುನಿಕ ವ್ಯವಸ್ಥೆ, ಐಷಾರಾಮಿ ಸ್ವಾಗತ, ಊಟಕ್ಕೆ ಬಫೆಟ್​ ಸಿಸ್ಟಂ ಅನುಸರಿಸಿದ ಬಗ್ಗೆ ಕೊಂಡಾಡಿದ್ದಾರೆ. ಜೊತೆಗೆ ಮೊದಲ ಪ್ರಯಾಣ ನಿರಾಸೆಯನ್ನುಂಟು ಮಾಡಿಲ್ಲ ಎಂದು ಹೇಳಿದ್ದಾರೆ.

ಡೊಮಿನಿಕಾ ಪಟಾಲಸ್-ಕಲ್ರಾ ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿರುವ ಪೋಸ್ಟ್ ಪ್ರಕಾರ, ಭಾರತದಲ್ಲಿ ಇದು ನನ್ನ ಮೊದಲ ಬಸ್ ಪ್ರಯಾಣ. ನಾನು 11 ಗಂಟೆ ದೆಹಲಿಗೆ ಪ್ರಯಾಣಿಸಿದೆ. ಈ ಪ್ರಯಾಣ ಕಷ್ಟಕರವಾಗಿರಬಹುದು ಎನ್ನುವುದು ನನ್ನ ಆಲೋಚನೆಯಾಗಿತ್ತು. ಆದರೆ ನಿಜ ಹೇಳಬೇಕು ಎಂದರೆ ಆರಾಮದಾಯಕವಾಗಿತ್ತು. ನನ್ನ ಪ್ರಯಾಣ ಆರಂಭಿಸಿದ ನಂತರ ನನಗೆ ಗಿಫ್ಟ್​ ಕೊಡಲಾಗಿತ್ತು. ವೆಟ್​ ಟಿಶ್ಯೂ, ರಸ ಹಾಗೂ ಬೆಡ್​ಶೀಟ್​ ಸೌಲಭ್ಯ, ರುಚಿಕರವಾದ ಊಟ ಜಾಮುನ್​​ ಬಫೆಟ್​ ಸಿಸ್ಟಂನಲ್ಲಿತ್ತು. ಬೆಳಿಗ್ಗೆ ಮತ್ತೆ ತಿಂಡಿ ಕಿಟ್​ ಸಿಕ್ಕಿತ್ತು. ನನಗೆ ಹಸಿವೇ ಆಗಲಿಲ್ಲ. ಸೀಟುಗಳು ಆರಾಮದಾಯಕವಾಗಿತ್ತು. ಮುಖ್ಯವಾಗಿ ಮುಂಜಾನೆ ಸರಿಯಾದ ಸಮಯಕ್ಕೆ ಬಸ್​​ ಗಮ್ಯ ಸ್ಥಾನಕ್ಕೆ ತಲುಪಿತ್ತು ಎಂದಿದ್ದಾರೆ.

ನೀವು ಭಾರತವನ್ನು ಸಕರಾತ್ಮಕವಾಗಿ ತೋರಿಸಿದ್ದಕ್ಕೆ ಧನ್ಯವಾದ ಎಂದಿದ್ದಾರೆ. ನಮ್ಮ ದೇಶಕ್ಕೆ ಭೇಟಿ ಕೊಟ್ಟಿದ್ದಕ್ಕೆ ಧನ್ಯವಾದ ಎಂದಿದ್ದಾರೆ.ಭಾರತಕ್ಕೆ ಬಂದಿದ್ದು ಸಂತೋಷ. ಈಶಾನ್ಯ ಭಾರತದ ಏಳು ಸಹೋದರಿ ರಾಜ್ಯಗಳನ್ನು ಭೇಟಿ ಮಾಡಿ ಎಂದು ಕೇಳಿಕೊಂಡಿದ್ದಾರೆ, (ಏಜೆನ್ಸೀಸ್).