ನೀವು ಇಷ್ಟೊಂದು ಕ್ರೂರಿಗಳಾಗಬೇಡಿ: ವಿದ್ಯಾರ್ಥಿಗಳ ಟೆಂಟ್‌ಗಾಗಿ ದೆಹಲಿ ಪೊಲೀಸರ ಕಾಲು ಹಿಡಿದ ಅಭಿಜಿತ್ ದೀಪ್ಕೆ! Abhijit Diptke in Protest

ನವದೆಹಲಿ: ನೀಟ್​ ಪೇಪರ್​ ಸೋರಿಕೆ, ವಿದ್ಯಾರ್ಥಿಗಳ ಆತ್ಮಹತ್ಯೆ ಹಾಗೂ ಕೇಂದ್ರ ಶಿಕ್ಷಣ ಸಚಿವರ ರಾಜೀನಾಮೆ ಆಗ್ರಹಿಸಿ ಕಾಕ್ರೋಚ್​ ಜನತಾ ಪಾರ್ಟಿ ನಡೆಸುತ್ತಿರುವ ಹೋರಾಟ ಮುಂದುವರಿಯುತ್ತಿದೆ.

ಸಿಜೆಪಿ ಪಕ್ಷದ ಪ್ರನಾಳಿಕೆಗಳು ಈಡೇರುವವರೆಗೆ ಉಪವಾಸ ಸತ್ಯಾಗ್ರಹ ನಡೆಸುವುದಾಗಿ ಹವಾಮಾನ ಸಂರಕ್ಷಣಾ ಕಾರ್ಯಕರ್ತ ಸೋನಮ್​ ವಾಗ್ಚುಕ್​ ನಿರತರಾಗಿದ್ದಾರೆ. ಆದರೆ ಇಂದು (ಗುರುವಾರ, ಜು.9) ಚಿಜೆಪಿ ಪಕ್ಷದ ಸ್ಥಾಪಕ ಅಭಿಜಿತ್​ ದೀಪ್ಕೆ (Abhijit Diptke in Protest) ದೆಹಲಿ ಪೊಲೀಸರ ಕಾಲಿಗೆ ಬಿದ್ದಿರುವ ವಿಡಿಯೋವೊಂದು ಸಖತ್​ ವೈರಲ್​ ಆಗುತ್ತಿದೆ.

ಕಾಕ್ರೋಜ್​ ಜನತಾ ಪಾರ್ಟಿ ಸ್ಥಾಪಕ ಅಭಿಜಿತ್​ ದೀಪ್ಕೆ ಟ್ವಿಟರ್​ನಲ್ಲಿ ಹಂಚಿಕೊಂಡಿರುವ ವಿಡಿಯೋನಲ್ಲಿ, ಉಪವಾಸ ಸತ್ಯಗ್ರಹದಲ್ಲಿ ನಿರತರಾಗಿರುವ ವಿದ್ಯಾರ್ಥಿಗಳು ಮಳೆಯಿಂದ ರಕ್ಷಣೆ ಪಡೆಯಲು ಟೆಂಟ್​ಗಳನ್ನು ಹಾಕಿಕೊಂಡಿದ್ದಾರೆ. ಅದನ್ನು ದಯಮಾಡಿ ತೆಗೆಯಲು ಹೇಳಬೇಡಿ ಎಂದು ದೆಹಲಿ ಪೊಲೀಸರಲ್ಲಿ ಮನವಿ ಮಾಡಿದ್ದೆನೆಂದು ಬರೆದುಕೊಂಡಿದ್ದಾರೆ.

ನಾವು ಟೆಂಟ್​ ಹಾಕಿಕೊಳ್ಳಲು ಪೊಲೀಸರಲ್ಲಿ ಕಳೆದ ಮೂರು ದಿನಗಳಿಂದ ಮನವಿ ಸಲ್ಲಿಸುತ್ತಿದ್ದೆವೆ. ಆದರೆ ಅವರಿಂದ ಇಲ್ಲಿವರೆಗೆ ಏನು ಪ್ರತಿಕ್ರಿಯೆ ಬಂದಿಲ್ಲ. ಹೋರಾಟಕ್ಕೆ ಬಂದಿರುವ ವಿದ್ಯಾರ್ಥಿಗಳ ವಸ್ತುಗಳು ಮಳೆ ಕಾರಣದಿಂದ ಒದ್ದೆಯಾಗುತ್ತಿದೆ. ಇದಕ್ಕಾಗಿ ನಾನು ಟೆಂಟ್​ ಹಾಕಿಕೊಳ್ಳಲು ಮನವಿ ಮಾಡಿದ್ದೇವೆ. ಪೊಲೀಸರು ಇಷ್ಟೊಂದು ಕ್ರೂರಿಗಳಾಗಬಾರದೆಂದು ಅವರು ಹೇಳಿದ್ದಾರೆ, (ಏಜನ್ಸೀಸ್).