ಸಾವಿನ ಸವಾರಿ ಮಾಡಿದ ಟ್ರಕ್: ಅಮಾಯಕ ಮಹಿಳೆಯ ಪ್ರಾಣ ಹೀರಿದ ಚಾಲಕನಿಗಾಗಿ ಬಲೆ ಬೀಸಿದ ಪೊಲೀಸ್​ ! Hit And Run

ರಸೂಲ್‌ಪುರ ನಿವಾಸಿ ಸರಿತಾ ದೇವಿ (39) ಎಂಬ ಮಹಿಳೆಯೊಬ್ಬಳು ರಸ್ತೆ ದಾಟುತ್ತಿದ್ದಾಗ ಬೀವರ್ ಕಡೆಯಿಂದ ವೇಗವಾಗಿ ಬಂದ ಟ್ರಕ್​ ಮಹಿಳೆಗೆ ಡಿಕ್ಕಿ ಹೊಡೆದ ಹಿನ್ನಲೆ ಅಪಘಾತ ಸಂಭವಿಸಿದೆ. ಈ ವೇಳೆ ಸ್ಥಳೀಯರು ತಕ್ಷಣವೇ ಸಹಾಯಕ್ಕೆ ಧಾವಿಸಿದ್ದು, ತೀವ್ರ ರಕ್ತಸ್ರಾವದಿಂದಾಗಿ ಮಹಿಳೆ ಸ್ಥಳದಲ್ಲೇ ಕೊನೆಯುಸಿರೆಳೆದಿದ್ದಾರೆ ಎನ್ನಲಾಗಿದೆ.

ಅಪಘಾತದ ಸುದ್ದಿ ತಿಳಿಯುತ್ತಿದ್ದಂತೆ ನರೇಲಿ ಬೈಪಾಸ್ ಸುತ್ತಮುತ್ತಲಿನ ನೂರಾರು ನಿವಾಸಿಗಳು ಮತ್ತು ಪ್ರಯಾಣಿಕರು ಅಪಘಾತದ ಸ್ಥಳಕ್ಕೆ ಆಗಮಿಸಿ, ಸತತವಾಗಿ ನಡೆಯುತ್ತಿರುವ ಅಪಘಾತಗಳು ಮತ್ತು ವೇಗದ ವಾಹನಗಳ ನಿಯಂತ್ರಣಕ್ಕೆ ಕ್ರಮ ಕೈಗೊಳ್ಳಬೇಕೆಂದು ಹೆದ್ದಾರಿ ತಡೆದು ಪ್ರತಿಭಟನೆ ನಡೆಸಿದರು.

ಈ ವೇಳೆ ಮೃತ ಮಹಿಳೆಯ ಕುಟುಂಬಕ್ಕೆ ನ್ಯಾಯ ಸಿಗಬೇಕು ಜೊತೆಗೆ ಪರಾರಿಯಾಗಿರುವ ಚಾಲಕನನ್ನು ಕೂಡಲೇ ಬಂಧಿಸಬೇಕು ಎಂದು ಘೋಷಣೆಯನ್ನು ಕೂಗಿದರು.

ಘಟನಾ ಸ್ಥಳಕ್ಕೆ ಅಲ್ವಾರ್ ಗೇಟ್ ಠಾಣೆ ಪೊಲೀಸರು ಭೇಟಿ ನೀಡಿದ್ದು, ಪರಿಸ್ಥಿತಿಯನ್ನು ಸುಧಾರಿಸಲು ಪ್ರಯತ್ನಿಸಿದರು. ಆದಾಗ್ಯೂ, ಪ್ರತಿಭಟನಾ ನಿರತ ಗ್ರಾಮಸ್ಥರನ್ನು ಬಂದ್​​ ಮಾಡಿದ ಹೆದ್ದಾರಿಯನ್ನು ತೆರವುಗೊಳಿಸುವುದರ ಜೊತೆಗೆ ರಸ್ತೆ ಸುರಕ್ಷತೆಯ ವಿಷಯದ ಬಗ್ಗೆ ಆಡಳಿತ ಅಧಿಕಾರಿಗಳೊಂದಿಗೆ ಮಾತನಾಡುವುದಾಗಿ ಎಸ್‌ಎಚ್‌ಒ ನರೇಂದ್ರ ಝಾಕರ್ ಭರವಸೆ ನೀಡಿದರು (ಏಜೆನ್ಸೀಸ್​).