ಪೆಲೆಟ್​ ಗನ್​ ಬಳಸಲು ಪೊಲೀಸರಿಗೆ ಅಧಿಕಾರವಿದೆ, ಆದರೆ...ಜಂತರ್​-ಮಂತರ್​​ ಪ್ರತಿಭಟನೆ ಪ್ರಕರಣ; ಸುಪ್ರೀಂ ಕೋರ್ಟ್​ ನೀಡಿದ ಸ್ಪಷ್ಟನೆ ಏನು? Supreme Court on Pellet Gun

ನವದೆಹಲಿ: ನೀಟ್​ ಅಕ್ರಮ ವಿರೋಧಿಸಿ ದೆಹಲಿಯಲ್ಲಿ ನಡೆದ ಪ್ರತಿಭಟನೆ ವೇಳೆ ರ‍್ಯಾಪಿಡ್ ಅ್ಯಕ್ಷನ್​ ಪೋರ್ಸ್​ನವರು ಪ್ರತಿಭಟನಾಕಾರರ ಮೇಲೆ ಪೆಲೆಟ್​ ಗನ್​ನಿಂದ ದಾಳಿ ನಡೆಸಿದ್ದನ್ನು ವಿರೋಧಿಸಿ ಸುಪ್ರೀಂ ಕೋರ್ಟ್​ (Supreme Court on Pellet Gun) ನಲ್ಲಿ ಪ್ರಕರಣದ ವಿಚಾರಣೆ ನಡೆಯುತ್ತಿದೆ.

ಗುರುವಾರ (ಜು.30) ಪ್ರಕರಣದ ಅರ್ಜಿ ವಿಚಾರಣೆ ನಡೆಸಿದ ಸಿಜೆಐ ಸೂರ್ಯಕಾಂತ್​, ಜ. ಜ್ಯೋಮಾಲಾ ಬಾಗ್ಚಿ ಹಾಗೂ ಜ. ವಿ. ಮೋಹನ್​ ಅವರ ನ್ಯಾಯಪೀಠ, ಅತ್ಯಂತ ತುರ್ತು ಪರಿಸ್ಥಿತಿಯಲ್ಲಿ ಪೆಲೆಟ್​ಗಳನ್ನು ಪೊಲೀಸರು ಬಳಸಬಹುದು ಎಂದು ನ್ಯಾಯಪೀಠ ಅಭಿಪ್ರಾಯಪಟ್ಟಿದೆ.

ಜು.20 ರಂದು ಜಂತರ್​-ಮಂತರ್​ನಲ್ಲಿ ನಡೆದಿದ್ದ ಪ್ರತಿಭಟನೆ ತೀವ್ರ ಸ್ವರೂಪವನ್ನು ಪಡೆದುಕೊಂಡ ಹಿನ್ನಲೆ ರ‍್ಯಾಪಿಡ್ ಅ್ಯಕ್ಷನ್​ ಪೋರ್ಸ್​ ಅಧಿಕಾರಿಗಳು ಪ್ರತಿಭಟನಾಕಾರರ ಮೇಲೆ ಪೆಲೆಟ್​​ಗಳನ್ನು ಪ್ರಯೋಗಿಸುವಂತೆ ಆದೇಶ ನೀಡಿದ್ದರು.

ಈ ಕುರಿತು ಸುಧೀರ್ಫವಾಗಿ ಮಾತನಾಡಿದ ನ್ಯಾಯಪೀಠ, ಯಾವುದೇ ಪ್ರತಿಭಟನೆಯಿರಲಿ ಅದನ್ನು ಮೊದಲು ಮಾತುಕತೆ ಮೂಲಕ ಸುಧಾರಿಸಿಕೊಳ್ಳಬೇಕು. ನಂತರ ಪ್ರತಿಭಟನೆ ಕೈ ಮೀರಲಿದೆ ಎಂದಾಗ ಲಾಠಿ ಚಾರ್ಜ್​ ಮಾಡಬೇಕು. ಆ ನಂತರ ಅಶ್ರುವಾಯುವನ್ನು ಬಳಸಬೇಕು. ಏನೂ ಮಾಡಿದರೂ ಉದ್ವಿಗ್ನತೆ ಕಡಿಮೆಯಾಗುತ್ತಿಲ್ಲ ಎಂಬ ಪಕ್ಷದಲ್ಲಿ ಮಾತ್ರ ಪೆಲೆಟ್​ ಗನ್​ಗಳನ್ನು ಬಳಸಬಹುದು ಎಂದು ಸರ್ವೋಚ್ಛ ನ್ಯಾಯಾಲಯ ಹೇಳಿದೆ.

ಭಾರತದಲ್ಲಿ ಪ್ರತಿಭಟನೆ ನಿರತರ ಮೇಲೆ ಪೆಲೆಟ್​ ಗನ್​​ಗಳನ್ನು ಪ್ರಯೋಗಿಸಬಾರದೆಂದು ನಿವೃತ್ತ ಐಪಿಎಸ್​ ಅಧಿಕಾರಿ ಯಶೋವರ್ಧನ್​ ಆಜಾದ್​​, ಅರ್ಜಿ ಸಲ್ಲಿಸಿದ್ದು, ನ್ಯಾಯಪೀಠ ಏಕೆ ಪೆಲೆಟ್​ ಗನ್​ಗಳನ್ನು ಬಳಸಬಾರದೆಂದು ಅರ್ಜಿದಾರರಿಗೆ ಪ್ರಶ್ನಿಸಿದೆ.

ಹಾಗೆಯೇ ಜು. 20 ರಂದು ಪೆಲಟ್​​ ಗನ್ನಿನ ಗುಂಡಿನಿಂದ ಗಾಯಗೊಂಡಿರುವವರಿಗೆ ಸೂಕ್ತ ಚಿಕಿತ್ಸೆ ನೀಡಬೇಕೆಂದು ಕೋರ್ಟ್​ ಆದೇಶಿಸಿದೆ. ಇದೇ ಸಂದರ್ಭದಲ್ಲಿ ಸಿಆರ್​ಪಿಎಫ್​ ಸಿಬ್ಬಂದಿಗಳು ಜು.20 ರಂದು ಜಂತರ್​-ಮಂತರ್​ನಲ್ಲಿ ನಡೆದ ಪ್ರತಿಭಟನೆಯಲ್ಲಿ ಎಲ್ಲಾ ರೀತಿಯ ಕಾನೂನನ್ನು ಪಾಲಿಸಲಾಗಿದ್ದು, ಪ್ರತಿಭಟನೆ ಇನ್ನೇನು ಕೈಮೀರಿ ಹೋಗಲಿದೆ ಎನ್ನುವಾಗ ಪೆಲೆಟ್​​ ಗನ್​​ನನ್ನು ಬಳಸಲಾಗಿದೆ ಎಂದು ನ್ಯಾಯಪೀಠಕ್ಕೆ ತಿಳಿಸಿದೆ, (ಏಜನ್ಸೀಸ್​).