ಯುವ ಮತದಾರರಿಗೆ ಮಾದರಿಯಾದ 99 ವರ್ಷದ ಹಿರಿಯ ಚೇತನ; ಡಾ. ಹಂಡೆ ಬದ್ಧತೆಗೆ ಮನಸೋತ ಪ್ರಧಾನಿ ನರೇಂದ್ರ ಮೋದಿ | HV Hande

ಎಐಎಡಿಎಂಕೆಯ ಮಾಜಿ ಸಚಿವರಾಗಿರುವ ಹಂಡೆ, ಈ ಇಳಿ ವಯಸ್ಸಿನಲ್ಲೂ ತಮ್ಮ ಮತದಾನದ ಹಕ್ಕನ್ನು ಚಲಾಯಿಸಿರುವುದನ್ನು ಪ್ರಧಾನಿ ನರೇಂದ್ರ ಮೋದಿ ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ.

ಈ ವಿಷಯವಾಗಿ ತಮ್ಮ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಹಂಚಿಕೊಂಡಿರುವ ಪ್ರಧಾನಿ ಮೋದಿ, 1946 ರಲ್ಲಿ ಮೊದಲ ಬಾರಿಗೆ ಮತದಾನ ಮಾಡಿದ್ದ ಹಂಡೆ ಅವರು ಈಗಲೂ ಅದೇ ಉತ್ಸಾಹದಿಂದ ಮತಗಟ್ಟೆಗೆ ಬಂದಿರುವುದನ್ನು ಉಲ್ಲೇಖಿಸಿರುವ ಪ್ರಧಾನಿ, ಇದು ಅತ್ಯಂತ ಮಹತ್ವದ ಸಂದೇಶ, ಯುವ ಮತದಾರರು ಹೆಚ್ಚಿನ ಸಂಖ್ಯೆಯಲ್ಲಿ ಬಂದು ಮತ ಚಲಾಯಿಸುವ ಮೂಲಕ ನಮ್ಮ ಪ್ರಜಾಪ್ರಭುತ್ವವನ್ನು ಬಲಪಡಿಸುತ್ತೀರಿ ಎಂದು ನಾನು ಭಾವಿಸುತ್ತೇನೆ ಎಂದು ಬರೆದುಕೊಂಡಿದ್ದಾರೆ.

ಜಿಲ್ಲಾವಾರು ಅಂಕಿಅಂಶಗಳ ಪ್ರಕಾರ ಕರೂರ್ ಜಿಲ್ಲೆಯಲ್ಲಿ ಶೇ. 92.48 ರಷ್ಟು ಗರಿಷ್ಠ ಮತದಾನವಾಗಿದ್ದರೆ, ಸೇಲಂನಲ್ಲಿ ಶೇ. 90.42, ಧರ್ಮಪುರಿಯಲ್ಲಿ ಶೇ. 90.02, ಈರೋಡ್‌ನಲ್ಲಿ ಶೇ. 89.97 ಮತ್ತು ನಾಮಕ್ಕಲ್‌ನಲ್ಲಿ ಶೇ. 89.63 ರಷ್ಟು ಮತದಾನ ದಾಖಲಾಗಿದೆ. ಚುನಾವಣಾ ಅಧಿಕಾರಿಗಳು ಪ್ರಸ್ತುತ ಅಂಕಿಅಂಶಗಳನ್ನು ಕ್ರೋಢೀಕರಿಸುತ್ತಿದ್ದು, ಅಂತಿಮ ಶೇಕಡಾವಾರು ಮತದಾನದ ಪ್ರಮಾಣ ಇನ್ನೂ ಹೆಚ್ಚಾಗುವ ಸಾಧ್ಯತೆಯಿದೆ. ಈ ಬಾರಿಯ ಮತದಾನವು ತಮಿಳುನಾಡು ಚುನಾವಣಾ ಇತಿಹಾಸದಲ್ಲಿ ಒಂದು ಮೈಲಿಗಲ್ಲಾಗಿದೆ. 2011 ರಲ್ಲಿ ದಾಖಲಾಗಿದ್ದ ಶೇ. 78.29 ರಷ್ಟು ಮತದಾನವು ಈವರೆಗೆ ರಾಜ್ಯದ ಅತ್ಯಧಿಕ ದಾಖಲೆಯಾಗಿತ್ತು, ಆದರೆ ಈಗಿನ ಶೇ. 85 ರ ಮತದಾನವು ಅದನ್ನು ಮೀರಿಸಿದೆ.

ಕಳೆದ 2021 ರ ಚುನಾವಣೆಯಲ್ಲಿ ಶೇ. 73.63 ರಷ್ಟು ಮತದಾನವಾಗಿದ್ದು, 4.59 ಕೋಟಿ ಮತದಾರರು ಭಾಗವಹಿಸಿದ್ದರು. ಆದರೆ 2026 ರ ಈ ಚುನಾವಣೆಯಲ್ಲಿ ಸರಿಸುಮಾರು 4.82 ಕೋಟಿ ಮತಗಳು ಚಲಾವಣೆಯಾಗಿದ್ದು, ಇದು ಕಳೆದ ಬಾರಿಗಿಂತ ಸುಮಾರು 23 ಲಕ್ಷದಷ್ಟು ಹೆಚ್ಚಿನ ಮತಗಳಾಗಿವೆ. 2001 ರಿಂದ ನಡೆದ ಪ್ರತಿ ಚುನಾವಣೆಯಲ್ಲೂ ಸರಾಸರಿ 30 ಲಕ್ಷ ಮತಗಳು ಹೆಚ್ಚುತ್ತಾ ಬಂದಿರುವ ಪ್ರವೃತ್ತಿ ಈ ಬಾರಿಯೂ ಮುಂದುವರಿದಿದೆ. ಆಡಳಿತಾರೂಢ ಡಿಎಂಕೆ ಮೂಲಗಳು ಈ ಮತದಾನದ ಪ್ರಮಾಣವು ಶೇ. 88 ರಿಂದ 90 ಕ್ಕೆ ತಲುಪಬಹುದು ಎಂದು ಅಂದಾಜಿಸಿದ್ದು, ಇದನ್ನು ಅಭೂತಪೂರ್ವ ಮತ್ತು ಐತಿಹಾಸಿಕ ಜನಾದೇಶ ಎಂದು ಬಣ್ಣಿಸಿವೆ.

ಎರಡು ರಾಜ್ಯದ ಮತದಾರರಿಗೆ ಸೆಲ್ಯುಟ್​ ಎಂದ ಆಯುಕ್ತ ಜ್ಞಾನೇಶ್ ಕುಮಾರ್

ಈ ಐತಿಹಾಸಿಕ ಮತದಾನದ ಕುರಿತು ಪ್ರತಿಕ್ರಿಯಿಸಿರುವ ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್, ಪ್ರಜಾಪ್ರಭುತ್ವದ ಈ ಮಹೋತ್ಸವದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡ ಎರಡೂ ರಾಜ್ಯಗಳ ಪ್ರತಿಯೊಬ್ಬ ಮತದಾರರಿಗೂ ಧನ್ಯವಾದ ಅರ್ಪಿಸಿದ್ದಾರೆ. ಸ್ವಾತಂತ್ರ್ಯದ ಬಳಿಕ ಪಶ್ಚಿಮ ಬಂಗಾಳ ಮತ್ತು ತಮಿಳುನಾಡಿನಲ್ಲಿ ಇದುವರೆಗಿನ ಅತ್ಯಧಿಕ ಶೇಕಡಾವಾರು ಮತದಾನ ಇದಾಗಿದ್ದು, ಆಯೋಗವು ಮತದಾರರ ಈ ಬದ್ಧತೆಯನ್ನು ಶ್ಲಾಘಿಸಿದೆ. 2021 ರ ಚುನಾವಣೆಯಲ್ಲಿ ಬಂಗಾಳದಲ್ಲಿ ಶೇ. 85.2 ಮತ್ತು ತಮಿಳುನಾಡಿನಲ್ಲಿ ಶೇ. 76.6 ರಷ್ಟು ಮತದಾನವಾಗಿತ್ತು, ಆದರೆ ಈ ಬಾರಿ ಆ ಎಲ್ಲಾ ದಾಖಲೆಗಳು ಅಳಿಸಿಹೋಗಿವೆ(ಏಜೆನ್ಸೀಸ್​).