ಸ್ಮೃತಿ ಮಂಧಾನ ಹೊಸ ಇನ್ನಿಂಗ್ಸ್​ಗೆ ಪ್ರಧಾನಿ ಮೋದಿ ಶುಭಾಶಯ | Smriti Mandhana wedding

ಇದು ಇಬ್ಬರು ಸಾಧನೆಗೈದ ವ್ಯಕ್ತಿಗಳ ಸಂತೋಷದಾಯಕ ಸಂಗಮ ಎಂದು ಕರೆದಿರುವ ಪ್ರಧಾನಿ ಮೋದಿ, ಎರಡೂ ಕುಟುಂಬಗಳನ್ನು ಅಭಿನಂದಿಸಿದ್ದು, ಹೊಸ ಜೀವನಕ್ಕೆ ಕಾಲಿಡಲಿರುವ ನೂತನ ದಂಪತಿಗಳು, ಸುತ್ತಲಿನವರಿಗೆ ತಮ್ಮ ಪ್ರಯಾಣದಲ್ಲಿ ಸ್ಫೂರ್ತಿ ನೀಡುವುದನ್ನು ಮುಂದುವರಿಸುತ್ತಾರೆ ಎಂದು ಆಶಿಸಿದ್ದಾರೆ.

ಹೊಸ ದಂಪತಿಗಳು ಸಂತೋಷದ ಜೀವನ ನಡೆಸಲಿ, ನಿಮ್ಮಿಬ್ಬರ ಮಧ್ಯೆ ಪ್ರೀತಿ, ವಿಶ್ವಾಸ ಮತ್ತು ಒಗ್ಗಟ್ಟು ನೆಲೆಸಲಿ, ಸ್ಮೃತಿ ಮತ್ತು ಪಲಾಶ್ ನಂಬಿಕೆಯಲ್ಲಿ ಬೇರೂರಿರುವ ಹಂಚಿಕೆಯ ಜೀವನವನ್ನು ನಿರ್ಮಿಸಲಿ, ಯಾವಾಗಲೂ ಪರಸ್ಪರ ಬೆಂಬಲವಾಗಿ ನಿಲ್ಲಲಿ, ಜವಾಬ್ದಾರಿಗಳನ್ನು ಪ್ರೀತಿಯಿಂದ ಸ್ವೀಕರಿಸಲಿ ಮತ್ತು ಪರಸ್ಪರರ ಸಾಮರ್ಥ್ಯ ಮತ್ತು ಅಪೂರ್ಣತೆಗಳ ಮೂಲಕ ಒಟ್ಟಿಗೆ ಬೆಳೆಯಲಿ ಎಂದು ಪ್ರಧಾನಿ ಮೋದಿ ಬರೆದಿದ್ದಾರೆ. ಮಂಧಾನಾ ಅವರ ನಿಶ್ಚಿತಾರ್ಥದ್ದು ಎನ್ನಲಾದ ವಿಡಿಯೋ ವೈರಲ್​ ಆದ ಬಳಿಕ, ಪ್ರಧಾನಿಗಳ ಕಡೆಯಿಂದ ಶುಭಾಶಯಗಳು ಬಂದವು.

ಸ್ಮೃತಿ ಮತ್ತು ಪಲಾಶ್ ವಿವಾಹ ಸಮಾರಂಭ ನವೆಂಬರ್ 23 ರಂದು ವಿವಾಹ ನಡೆಯಲಿದೆ ಎಂದು ವರದಿಯಾಗಿದ್ದು, ಆದರೆ ಇನ್ನೂ ಕುಟುಂಬದ ಕಡೆಯಿಂದ ಯಾವುದೇ ಅಧಿಕೃತ ಹೇಳಿಕೆಗಳು ಬಂದಿಲ್ಲ(ಏಜೆನ್ಸೀಸ್​​).