'ಝಲ್ಮುರಿ ತಿಂದಿದ್ದು ನಾನು ಉರ್ಕೊಂಡಿದ್ದು ಟಿಎಂಸಿ'; ದೀದಿ ವಿರುದ್ಧ ಪ್ರಧಾನಿ ಮೋದಿ ಲೇವಡಿ..West Bengal Assembly Election

ಗುರುವಾರ ಕೃಷ್ಣನಗರದಲ್ಲಿ ನಡೆದ ಬೃಹತ್​ ಸಮಾವೇಶವನ್ನು ಉದ್ದೇಶಿಸಿ ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿಯವರು (PM Modi), ಝಲ್ಮುರಿ ತಿಂದದ್ದನ್ನು ರಾಜಕೀಯ ವಿಚಾರವಾಗಿ ಪರಿವರ್ತಿಸಿದ ವಿಚಾರವಾಗಿ ಕಿಡಿಕಾರಿದರು. 'ಕೆಲವರಿಗೆ ನಾನು ಝಲ್ಮುರಿ ತಿಂದಿರುವುದು ನೋವುಂಟು ಮಾಡಿದೆ' ಎಂದು ಟೀಕೆ ಮಾಡಿದ್ದಾರೆ.

ಝಲ್ಮುರಿ ತಿಂದದ್ದನ್ನು ನಾನು, ಉರ್ಕೊಂಡಿದ್ದು ಟಿಎಂಸಿ ಎಂದು ಲೇವಡಿ ಮಾಡಿದ ಪ್ರಧಾನಿ ಮೋದಿಯವರು, ಮೇ 4 ರಂದು ಫಲಿತಾಂಶ ಹೊರಬಿದ್ದಾಗ ನಾವು ಕೇವಲ ಸಿಹಿಯನ್ನಷ್ಟೇ ಅಲ್ಲ, ಅದರ ಜೊತೆಗೆ ಝಲ್ ಮುರಿಯನ್ನೂ ಹಂಚಿ ಸಂಭ್ರಮಿಸುತ್ತೇವೆ" ಇದು ಬಂಗಾಳದಲ್ಲಿ ಬಿಜೆಪಿ ಅಧಿಕಾರಕ್ಕೆ ಬರುವುದು ಖಚಿತ ಎಂಬ ಅವರ ದೃಢ ವಿಶ್ವಾಸವನ್ನು ಪ್ರತಿಬಿಂಬಿಸುತ್ತದೆ. ಬಂಗಾಳದ ರಾಜಕೀಯ ಸಮರದಲ್ಲಿ ಈ ಹೇಳಿಕೆಯು ಈಗ ಭಾರಿ ಸಂಚಲನ ಮೂಡಿಸಿದೆ.

ಪಶ್ಚಿಮ ಬಂಗಾಳದಲ್ಲಿ ಮತದಾನದ ಪ್ರಕ್ರಿಯೆ ಮುಂದುವರೆದಿದೆ. ಆದರೆ, ಮುರ್ಷಿದಾಬಾದ್​ನಲ್ಲಿ ಟಿಎಂಸಿ ಮತ್ತು ಎಜೆಯುಪಿ ಕಾರ್ಯಕರ್ತರ ನಡುವೆ ಘರ್ಷಣೆ ಉಂಟಾಗಿತ್ತು. ಘಟನೆಯ ನಂತರ ಪೊಲೀಸರು ಪರಿಸ್ಥಿತಿಯನ್ನು ನಿಭಾಯಿಸಿ, ಸ್ಥಳದಲ್ಲಿ ಹೆಚ್ಚುವರಿ ಭದ್ರತಾ ತಂಡವನ್ನು ನಿಯೋಜಿಸಿದ್ದರು.

ಬಂಗಾಳದ ಮುರ್ಷಿದಾಬಾದ್​ನಲ್ಲಿ ಏಪ್ರಿಲ್​ 22ರಂದು ಕಚ್ಚಾ ಬಾಂಬ್​ ಎಸೆದ ಘಟನೆ ನಡೆದಿತ್ತು. ದಾಳಿ ನಡೆದ ಸ್ಥಳದಲ್ಲಿದ್ದ ಮಹಿಳೆಯೊಬ್ಬರು ಮಾತನಾಡಿದ್ದಾರೆ. ಕಬೀರ್​ ಪಕ್ಷದವರ ವಿರುದ್ಧ ಕಿಡಿಕಾರಿದ್ದಾರೆ. ನಮಾಜ್​ ಮಾಡಲೆಂದು ನಾನು ಹೊರಗಡೆ ತೆರಳಿದ್ದೆ. ಇಬ್ಬರು ಯುವಕರು ನನ್ನ ಪಾದದ ಬಳಿ ಕಚ್ಚಾ ಬಾಂಬ್​ ಎಸೆದರು. ಹುಮಾಯೂನ್ ಕಬೀರ್ ಅವರ ಪಕ್ಷದ ಕಾರ್ಯಕರ್ತರು ಇದನ್ನು ಮಾಡಿದ್ದಾರೆ ಎಂದು ಸಂತ್ರಸ್ತೆ ಮಾತನಾಡಿದರು, (ಏಜೆನ್ಸೀಸ್).