ವಾಹನ ಸವಾರರಿಗೆ ಮತ್ತೆ ದರ ಏರಿಕೆ ಶಾಕ್​! 5 ದಿನಗಳಲ್ಲಿ 2ನೇ ಬಾರಿ ಪೆಟ್ರೋಲ್​-ಡಿಸೇಲ್​ ಬೆಲೆ ಹೆಚ್ಚಿಸಿದ ಕೇಂದ್ರ

ಇತ್ತೀಚೆಗಷ್ಟೇ, ದೇಶಾದ್ಯಂತ ಪೆಟ್ರೋಲ್​-ಡಿಸೇಲ್​ ಬೆಲೆಯನ್ನು 3 ರೂ.ಗೆ ಹೆಚ್ಚಿಸಿದ್ದ ಸರ್ಕಾರ, ಇದೀಗ ಎರಡನೇ ಬಾರಿಗೆ ಏರಿಕೆ ಮಾಡುವ ಮೂಲಕ ವಾಹನ ಸವಾರರಿಗೆ ಬಿಗ್ ಶಾಕ್​ ನೀಡಿದೆ. ಪ್ರತಿ ಲೀಟರ್​ಗೆ 90 ಪೈಸೆ ಏರಿಸಿ ಗ್ರಾಹಕರಿಗೆ ಜೇಬಿಗೆ ಕತ್ತರಿ ಹಾಕಿದೆ.

ಇಂಧನವನ್ನು ಮಿತವಾಗಿ ಬಳಕೆ ಮಾಡುವಂತೆ ಪ್ರಧಾನಿ ನರೇಂದ್ರ ಮೋದಿ ಅವರ ಹೇಳಿಕೆಯ ಕೆಲವೇ ದಿನಗಳಲ್ಲಿ ಕೇಂದ್ರ ಸರ್ಕಾರ ಇಂಧನ ಬೆಲೆಯನ್ನು ಲೀಟರ್​ಗೆ 3 ರೂ. ಏರಿಕೆ ಮಾಡಿತ್ತು. ಅಲ್ಲಿಗೆ ಪೆಟ್ರೋಲ್​ ಲೀಟರ್​ಗೆ 103ರಿಂದ 106 ರೂ.ಗೆ ತಲುಪಿತ್ತು. ಆದರೀಗ, ಐದು ದಿನಗಳ ಅಂತರದಲ್ಲಿ ಎರಡನೇ ಬಾರಿಗೆ 0.90 ಪೈಸೆ ಹೆಚ್ಚಳ ಮಾಡುವ ಮೂಲಕ ದೇಶದ ಜನತೆಗೆ ಬೆಲೆ ಏರಿಕೆಯ ಬಿಸಿ ಮುಟ್ಟಿಸಿದೆ.