ಆಪರೇಷನ್​ ಸಿಂಧೂರ್​ ಇನ್ನು ಮುಗಿದಿಲ್ಲ: ನಾವು ಎಲ್ಲಾ ರೀತಿಯ ಕಾದಾಟಕ್ಕೂ ಸಿದ್ಧರಿದ್ದೆವೆ; ಸಿಡಿಎಸ್​ ಅನಿಲ್​ ಚೌಹಾಣ್​! CDS Anil Chauhan

ಡೆಹರ್ರಾಡೂನ್​: ಉತ್ತರಾಖಂಡದ ಚೀನಾ ಗಡಿ ಸಮೀಪ ನಡೆದ ವಿಶೇಷ ಸಂವಾದದಲ್ಲಿ ಮಾತನಾಡಿದ ಕಾರಣ ರಕ್ಷಣಾ ಸಿಬ್ಬಂದಿ ಮುಖ್ಯಸ್ಥ ಜನರಲ್ ಅನಿಲ್ ಚೌಹಾಣ್ (CDS Anil Chauhan), ನಾವು ಹಳೆಯ ಆಪರೇಷನ್ ಬಗ್ಗೆ ಹೆಮ್ಮೆ ಪಡುವುದಕ್ಕಿಂತ ಹೆಚ್ಚಾಗಿ, ಭವಿಷ್ಯದಲ್ಲಿ ಬರಲಿರುವ ಸವಾಲುಗಳನ್ನು ಎದುರಿಸಲು ಸಜ್ಜಾಗಬೇಕು ಎಂದು ಎಚ್ಚರಿಸಿದ್ದಾರೆ.

ಕಳೆದ ವರ್ಷ, ಅಂದರೆ ಏಪ್ರಿಲ್ 2025 ರಲ್ಲಿ ಪಹಲ್ಗಾಮ್ ಮೇಲೆ ನಡೆದ ಭೀಕರ ಭಯೋತ್ಪಾದಕ ದಾಳಿಯಲ್ಲಿ 26 ಅಮಾಯಕ ಭಾರತೀಯ ನಾಗರಿಕರು ಬಲಿಯಾಗಿದ್ದರು. ಇದಕ್ಕೆ ಪ್ರತಿಯಾಗಿ ಭಾರತೀಯ ಸೇನೆ ಮೇ 7, 2025 ರಂದು ಆಪರೇಷನ್ ಸಿಂಧೂರ್ ಎಂಬ ಬೃಹತ್ ಮಿಲಿಟರಿ ಕಾರ್ಯಾಚರಣೆ ನಡೆಸಿತ್ತು.

ಮುಂದಿನ ಯುದ್ಧಗಳು ಕೇವಲ ಭೂಮಿ, ಗಾಳಿ ಅಥವಾ ಸಮುದ್ರಕ್ಕೆ ಸೀಮಿತವಾಗಿರುವುದಿಲ್ಲ ಎಂದು ಜನರಲ್ ಚೌಹಾಣ್ ಸ್ಪಷ್ಟಪಡಿಸಿದ್ದಾರೆ. ಅವರ ಪ್ರಕಾರ, ಮುಂದಿನ ಸವಾಲುಗಳು

ಕಂಪ್ಯೂಟರ್ ನೆಟ್‌ವರ್ಕ್‌ಗಳ ಮೂಲಕ ಸೈಬರ್‌ ದಾಳಿ, ದೇಶದ ಸಂವಹನ ವ್ಯವಸ್ಥೆಯನ್ನು ಅಸ್ತವ್ಯಸ್ತಗೊಳಿಸುವುದು. ಹಾಗೆಯೇ ದೇಶದ ಜನರ ಯೋಚಿಸುವ ಶಕ್ತಿಯನ್ನೇ ಕುಂಟಿಸುವ ಪ್ರಯತ್ನ ನಡೆಸಬಗಹುದು ಎಂದು ಹೇಳಿದ್ದಾರೆ.

ಹಿಂದಿನ ಯುದ್ಧದ ಮಾದರಿಯಲ್ಲೇ ಮುಂದಿನ ಸವಾಲು ಇರುತ್ತದೆ ಎಂದು ಭಾವಿಸುವುದು ತಪ್ಪು. ನಾವು ಆಧುನಿಕ ತಂತ್ರಜ್ಞಾನವನ್ನು ನಮ್ಮ ಹಳೆಯ ಯುದ್ಧ ಪದ್ಧತಿಯೊಂದಿಗೆ ಬೆರೆಸಬೇಕಿದೆ, ಎಂದು ಅವರು ತಿಳಿಸಿದ್ದಾರೆ.

ಭಾರತೀಯ ಸೇನೆಯಲ್ಲಿ ದೀರ್ಘಕಾಲದಿಂದ ಚರ್ಚೆಯಲ್ಲಿದ್ದ ಥಿಯೇಟರ್ ಕಮಾಂಡ್ ಈಗ ಜಾರಿಗೆ ಬರುವ ಕಾಲ ಹತ್ತಿರ ಬಂದಿದೆ. ಸೇನೆ, ನೌಕಾಪಡೆ ಮತ್ತು ವಾಯುಪಡೆ ಮೂರೂ ಒಂದೇ ಕಮಾಂಡ್ ಅಡಿಯಲ್ಲಿ ಕೆಲಸ ಮಾಡಲಿವೆ.

ಸಮುದ್ರ ಮಾರ್ಗದಿಂದ ಬರುವ ಬೆದರಿಕೆಗಳನ್ನು ಎದುರಿಸಲು ತಿರುವನಂತಪುರಂನಲ್ಲಿ, ಪಾಕಿಸ್ತಾನದ ಮೇಲೆ ಕಣ್ಣಿಡಲು ಜೈಪುರದಲ್ಲಿ ಹಾಗೂ ಚೀನಾವನ್ನು ಎದುರಿಸಲು ಲಖನೌನಲ್ಲಿ ಥಿಯೇಟರ್ ಕಮಾಂಡ್​ಗಳನ್ನು ಸ್ಥಾಪಿಸಲಾಗಿದೆ.

ಇದರಿಂದ ಯುದ್ಧದ ಸಮಯದಲ್ಲಿ ಮೂರೂ ಸೇವೆಗಳ ನಡುವೆ ಗೊಂದಲವಿಲ್ಲದೆ, ಮಿಂಚಿನ ವೇಗದಲ್ಲಿ ದಾಳಿ ನಡೆಸಲು ಸಾಧ್ಯವಾಗುತ್ತದೆ ಎಂದು ಸೇನಾ ಮುಖ್ಯಸ್ಥರು ಹೇಳಿದ್ದಾರೆ.

ರಾಷ್ಟ್ರೀಯ ಭದ್ರತೆಯಲ್ಲಿ ಈಗ ಅಸಮಾನ್ಯ ಸ್ಥಿತಿ ಇದೆ. ಅಂದರೆ, ನಾವು ವರ್ಷದ 365 ದಿನವೂ, ದಿನದ 24 ಗಂಟೆಯೂ ಶತ್ರುಗಳ ಮೇಲೆ ಬಲಪ್ರಯೋಗ ಮಾಡಲು ಸಿದ್ಧರಿರಬೇಕು ಎಂದು ಸಿಡಿಎಸ್ ಗುಡುಗಿದ್ದಾರೆ. ಕೇವಲ ಮಿಲಿಟರಿ ತಯಾರಿ ಮಾತ್ರವಲ್ಲದೆ, ಗಡಿ ಗ್ರಾಮಗಳಾದ ಹರ್ಸಿಲ್ ಮತ್ತು ಮಾನಾದಲ್ಲಿ ಪ್ರವಾಸೋದ್ಯಮ ಮತ್ತು ಮ್ಯೂಸಿಯಂಗಳನ್ನು ಅಭಿವೃದ್ಧಿಪಡಿಸುವ ಮೂಲಕ ನಾಗರಿಕರನ್ನು ಸೇನೆ ಜೊತೆ ಬೆಸೆಯುವ ಕೆಲಸವೂ ನಡೆಯುತ್ತಿದೆ ಎಂದಿದ್ದಾರೆ, (ಏಜನ್ಸೀಸ್​).