ಆನ್​ಲೈನ್ ಗೇಮ್ ಗೀಳು; ಪೋಷಕರು ಬೈದಿದ್ದಕ್ಕೆ 9ನೇ ಮಹಡಿಯಿಂದ ಬಿದ್ದು ಮೂವರು ಸಹೋದರಿಯರು ಆತ್ಮಹತ್ಯೆ | Three sisters suicide

ಲಖನೌ: ಆನ್​ಲೈನ್​ ಗೇಮ್​ ಗೀಳಿನ ಸಲುವಾಗಿ ಪೋಷಕರು ಬೈದಿದ್ದಕ್ಕೆ ಮೂವರು ಅಪ್ರಾಪ್ತ 12, 14, 16 ವರ್ಷದ ಮೂವರು ಸಹೋದರಿಯರು ಅಪಾರ್ಟ್​​​ಮೆಂಟ್​ನ 9ನೇ ಮಹಡಿಯಿಂದ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಿರುವ ಆಘಾತಕಾರಿ ಘಟನೆ ಉತ್ತರ ಪ್ರದೇಶದ ಗಾಜಿಯಾಬಾದ್​ನಲ್ಲಿ ಇಂದು(ಫೆ. 04) ಮಧ್ಯರಾತ್ರಿ ನಡೆದಿದ್ದು ಸ್ಥಳೀಯರನ್ನು ಬೆಚ್ಚಿಬೀಳಿಸಿದೆ.

ಬುಧವಾರ ಬೆಳಗಿನ ಜಾವ 2 ಗಂಟೆ ಸುಮಾರಿಗೆ ಗಾಜಿಯಾಬಾದ್‌ನ ಭಾರತ್ ಸಿಟಿಯಲ್ಲಿ ಈ ಘಟನೆ ನಡೆದಿದೆ. ಮೃತ ಬಾಲಕಿಯರನ್ನು ಪಖಿ(12), ಪ್ರಾಚಿ(14) ಹಾಗೂ ವಿಶಿಕಾ(16) ಎಂದು ಗುರುತಿಸಲಾಗಿದೆ. ಮೂವರು ಒಟ್ಟಿಗೆ ಸ್ನಾನ, ಊಟ, ಶಾಲೆಗೆ ಹೋಗುವುದು ಹಾಗೂ ಮಲಗುವುದು ಸೇರಿದಂತೆ ದೈನಂದಿನ ಚಟುವಟಿಕೆಗಳನ್ನು ಒಟ್ಟಿಗೆ ಮಾಡ್ತಿದ್ದರು ಎನ್ನಲಾಗಿದೆ. 

ಕೋವಿಡ್-19 ಸಮಯದಿಂದ ಮೂವರು ಆನ್​ಲೈನ್​ ಗೇಮ್​ಗಳಿಗೆ ವ್ಯಸನಿಯಾಗಿದ್ದರು ಎನ್ನಲಾಗದೆ. ಮತ್ತು ಮೂವರು ಆನ್​ಲೈನ್ ಟಾಸ್ಕ್​ ಆಧಾರಿತ ಕೋರಿಯನ್ ಲವ್ ಗೇಮ್ ಆಡುತ್ತಿದ್ದರು, ಅದರ ಗೀಳಿನಿಂದ ಸರಿಯಾಗಿ ಶಾಲೆಗೆ ಹೋಗುತ್ತಿರಲಿಲ್ಲ ಎಂದು ವರದಿಗಳು ಉಲ್ಲೇಖಿಸಿವೆ. ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದ್ದು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ (ಏಜೆನ್ಸೀಸ್).