Olectra ಇ-ಬಸ್‌ಗಳಿಗೆ ಈಗ 3D ಸ್ಪರ್ಶ: ಡಸಾಲ್ಟ್ ಸಿಸ್ಟಮ್ಸ್‌ನೊಂದಿಗೆ ಓಲೆಕ್ಟ್ರಾ ಗ್ರೀನ್ ಟೆಕ್ ಮಹತ್ವದ ಒಪ್ಪಂದ

ಈ ಸಹಭಾಗಿತ್ವವು ವಿದ್ಯುತ್ ವಾಹನ(ಬಸ್​) ಕ್ಷೇತ್ರದಲ್ಲಿ ಜಾಗತಿಕ ಮಟ್ಟದ ಡಿಜಿಟಲ್ ಸಮಗ್ರ ಉತ್ಪನ್ನ ಅಭಿವೃದ್ಧಿ ವ್ಯವಸ್ಥೆ ನಿರ್ಮಾಣದತ್ತ ಮಹತ್ವದ ಹೆಜ್ಜೆಯಾಗಿದೆ. ವಿದ್ಯುತ್ ಸಂಚಾರ ಕ್ಷೇತ್ರದಲ್ಲಿ ಓಲೆಕ್ಟ್ರಾ ಹೊಂದಿರುವ ನಾಯಕತ್ವ ಹಾಗೂ ವರ್ಚುವಲ್ ಜೋಡಿ (Virtual Twin) ತಂತ್ರಜ್ಞಾನ ಮತ್ತು ವೇದಿಕೆ ಆಧಾರಿತ ವಿನ್ಯಾಸ ಅಭಿಯಾಂತ್ರಿಕೆಯಲ್ಲಿ ಡಸಾಲ್ಟ್ ಸಿಸ್ಟಮ್ಸ್ ಹೊಂದಿರುವ ಪರಿಣತಿಯನ್ನು ಒಟ್ಟುಗೂಡಿಸುವ ಮೂಲಕ, ವಿದ್ಯುತ್ ವಾಹನಗಳ ವಿನ್ಯಾಸ, ಅಭಿವೃದ್ಧಿ ಮತ್ತು ವ್ಯಾಪಕ ಉತ್ಪಾದನೆಯ ವಿಧಾನವನ್ನು ಮರುಪರಿಭಾಷಿಸುವ ಗುರಿ ಹೊಂದಲಾಗಿದೆ.

3ಡಿ ಅನುಭವ ವೇದಿಕೆಯು ಮಾನವ ಸಂಪನ್ಮೂಲ, ದತ್ತಾಂಶ, ವಿನ್ಯಾಸ, ಅನುಕರಣೆ ಹಾಗೂ ಉತ್ಪಾದನಾ ವ್ಯವಸ್ಥೆಗಳನ್ನು ಏಕೀಕೃತ ಸಹಯೋಗಿ ವಾತಾವರಣದಲ್ಲಿ ಜೋಡಿಸುತ್ತದೆ. ಇದರಿಂದ ಸಂಪೂರ್ಣ ಉತ್ಪನ್ನದ ನೈಜ ಸಮಯದ ಸಮಗ್ರ ನೋಟ ಲಭ್ಯವಾಗುತ್ತದೆ. ಈ ವೇದಿಕೆಯನ್ನು ಅಳವಡಿಸಿಕೊಳ್ಳುವ ಮೂಲಕ ಓಲೆಕ್ಟ್ರಾ ಸಂಸ್ಥೆಯು ಜಾಗತಿಕ ತಯಾರಿಕಾ ಸಂಸ್ಥೆಗಳ ಮಾನದಂಡಗಳಿಗೆ ಹೊಂದುವ ಮಾದರಿ ಆಧಾರಿತ ಉತ್ಪನ್ನ ಅಭಿವೃದ್ಧಿ ವಿಧಾನಕ್ಕೆ ಉನ್ನತೀಕರಣಗೊಳ್ಳಲಿದೆ.

ಓಲೆಕ್ಟ್ರಾ ಗ್ರೀನ್ ಟೆಕ್ ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕ ಮಹೇಶ್ ಬಾಬು ಮಾತನಾಡಿ, "ಭವಿಷ್ಯದ ಸಾರಿಗೆ ಕ್ಷೇತ್ರವು ವಿದ್ಯುಧೀಕರಣ ಮತ್ತು ಡಿಜಿಟಲ್ ಉತ್ಪನ್ನಗಳ ಅಳವಡಿಕೆಯಿಂದ ಮುನ್ನಡೆಯಲಿದೆ ಎಂಬ ನಂಬಿಕೆ ನಮ್ಮದು. ಎಲ್ಲರಿಗೂ ಲಭ್ಯವಾಗುವ ನವೀನತೆ ಮತ್ತು ಪ್ರಾಯೋಗಿಕ ಭವಿಷ್ಯದ ದೃಷ್ಟಿಕೋನದೊಂದಿಗೆ ಸಂಚಾರ ವ್ಯವಸ್ಥೆಯನ್ನು ಪರಿವರ್ತಿಸಲು ನಾವು ಬದ್ಧರಾಗಿದ್ದೇವೆ. ಡಸಾಲ್ಟ್ ಸಂಸ್ಥೆಯ ಜೊತೆಗಿನ ನಮ್ಮ ಸಹಭಾಗಿತ್ವವು ನಮಗೆ ವೇಗವಾಗಿ ಕಾರ್ಯನಿರ್ವಹಿಸಲು, ಸಮರ್ಥ ವಿನ್ಯಾಸ ರೂಪಿಸಲು ಹಾಗೂ ವಿಶ್ವಮಟ್ಟದ ನಿಖರತೆಯೊಂದಿಗೆ ಉತ್ಪನ್ನಗಳನ್ನು ಒದಗಿಸಲು ನೆರವಾಗಲಿದೆ," ಎಂದರು.

ಡಸಾಲ್ಟ್ ಸಿಸ್ಟಮ್ಸ್‌ನ ಭಾರತ ವಿಭಾಗದ ವ್ಯವಸ್ಥಾಪಕ ನಿರ್ದೇಶಕ ದೀಪಕ್ ಎನ್.ಜಿ. ಮಾತನಾಡಿ, "ಸಂಚಾರದ ಮುಂದಿನ ಯುಗ ಮೊದಲು ವರ್ಚುವಲ್ ಜಗತ್ತಿನಲ್ಲಿ ರೂಪುಗೊಂಡು ಬಳಿಕ ರಸ್ತೆಗಿಳಿಯಲಿದೆ. ಓಲೆಕ್ಟ್ರಾ ಜೊತೆಗಿನ ನಮ್ಮ ಸಹಭಾಗಿತ್ವವು ವೇಗವಾದ, ಬುದ್ಧಿವಂತ ಹಾಗೂ ಹೆಚ್ಚು ಸ್ಥಿರವಾದ ವಿದ್ಯುತ್ ವಾಹನ ಅಭಿವೃದ್ಧಿಗೆ ನೆರವಾಗಲಿದೆ. ವರ್ಚುವಲ್ ಜೋಡಿ ಅನುಭವಗಳ ಮೂಲಕ ಭಾರತದ ಸಂಚಾರ ಪರಿಸರ ವ್ಯವಸ್ಥೆಯ ಪರಿವರ್ತನೆಯನ್ನು ಬಲಪಡಿಸುವ ಗುರಿ ನಮ್ಮದು," ಎಂದು ತಿಳಿಸಿದರು.

ಸಂಪೂರ್ಣ ಡಿಜಿಟಲ್ ಹಾಗೂ ಮಾದರಿ ಆಧಾರಿತ ಉತ್ಪನ್ನ ಅಭಿವೃದ್ಧಿ ವಿಧಾನ.

ವಿನ್ಯಾಸ, ಉತ್ಪಾದನೆ ಮತ್ತು ಸಹಭಾಗಿ ಸಂಸ್ಥೆಗಳ ನಡುವೆ ನಿರ್ವಿಘ್ನ ಸಹಯೋಗ.

ಭೌತಿಕ ಮಾದರಿ ತಯಾರಿಕೆಗೆ ಮುನ್ನವೇ ವರ್ಚುವಲ್ ಅನುಕರಣೆ ಮತ್ತು ಪರಿಶೀಲನೆ.

ವೇಗವಾದ ನವೀನತಾ ಸಮಯ ಹಾಗೂ ಕಡಿತಗೊಂಡ ಮಾರುಕಟ್ಟೆ ಪ್ರವೇಶ ಅವಧಿ.

ಭವಿಷ್ಯದ ಸಂಚಾರ ವೇದಿಕೆಗಳಿಗೆ ಹೆಚ್ಚಿದ ವಿಸ್ತರಣಾ ಸಾಮರ್ಥ್ಯ.

ಈ ಸಹಭಾಗಿತ್ವವು ಭಾರತದಲ್ಲಿ ವಿದ್ಯುತ್ ಸಾರಿಗೆ ಕ್ಷೇತ್ರದ ಪರಿವರ್ತನೆಯಲ್ಲಿ ಓಲೆಕ್ಟ್ರಾ ಮತ್ತು ಡಸಾಲ್ಟ್ ಸಿಸ್ಟಮ್ಸ್ ಸಂಸ್ಥೆಗಳನ್ನು ಮುಂಚೂಣಿಯಲ್ಲಿರಿಸಿ, ನವೀನತೆ ಹಾಗೂ ಸ್ಥಿರ ಬೆಳವಣಿಗೆಗೆ ದೊಡ್ಡ ಮಟ್ಟದ ಉತ್ತೇಜನ ನೀಡಲಿದೆ.