ಓಡಿಶಾದ ಮಾವೋವಾದಿ ನಾಯಕ ಗಣೇಶ್ ಉಯಿಕೆ ಭದ್ರತಾ ಪಡೆಗಳ ಗುಂಡಿಗೆ ಬಲಿ | Naxal

ಓಡಿಶಾ: ಗುರುವಾರ (ಡಿ.25) ಒಡಿಶಾದಲ್ಲಿ ಭದ್ರತಾ ಪಡೆಗಳೊಂದಿಗಿನ ಎನ್‌ಕೌಂಟರ್‌ನಲ್ಲಿ ಪ್ರಮುಖ ಮಾವೋವಾದಿ (Naxal) ನಾಯಕ ಗಣೇಶ್ ಉಯಿಕೆ ಸಾವನ್ನಪ್ಪಿದ್ದಾನೆ ಎಂದು ಕೇಂದ್ರ ಗೃಹ ಸಚಿವ ಅಮಿತ್ ಶಾ ತಿಳಿಸಿದ್ದಾರೆ.

ಗಣೇಶ್ ಉಯಿಕೆ ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ-ಮಾವೋವಾದಿಯ ಕೇಂದ್ರ ಸಮಿತಿಯ ಉಳಿದ ಆರು ಸದಸ್ಯರಲ್ಲಿ ಒಬ್ಬರಾಗಿದ್ದರು ಮತ್ತು ಅವರ ತಲೆಗೆ ₹1.1 ಕೋಟಿ ಬಹುಮಾನವಿತ್ತು. 69 ವರ್ಷದ ಉಯಿಕೆ ಒಡಿಶಾದಲ್ಲಿ ಸಕ್ರಿಯವಾಗಿರುವ ಅತ್ಯಂತ ಹಿರಿಯ ಮಾವೋವಾದಿ ಕಾರ್ಯಕರ್ತರಾಗಿದ್ದರು ಮತ್ತು ಅವರ ನಿರ್ಮೂಲನೆ ಈ ಪ್ರದೇಶದ ನಕ್ಸಲ್ ಕಮಾಂಡ್ ರಚನೆಗೆ ಗಮನಾರ್ಹ ಹೊಡೆತವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಗಣೇಶ್ ಮಾವೋವಾದಿ ಕೇಂದ್ರ ಸಮಿತಿಯ ಸದಸ್ಯರಾಗಿದ್ದರು ಮತ್ತು ಸಶಸ್ತ್ರ ಚಟುವಟಿಕೆಗಳನ್ನು ಯೋಜಿಸುವಲ್ಲಿ ಮತ್ತು ಸಂಯೋಜಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಕೇಂದ್ರ ಸಮಿತಿ ಸದಸ್ಯರಾಗಿದ್ದ ಅವರನ್ನು ರೂಪಾ, ರಾಜೇಶ್ ತಿವಾರಿ, ಚಮ್ರು ಮತ್ತು ಪಕ್ಕಾ ಹನುಮಂತು ಎಂಬ ಅಡ್ಡ ಹೆಸರಿನಿಂದಲೂ ಕರೆಯಲಾಗುತ್ತಿತ್ತು ಎಂದು ಒಡಿಶಾದ ಹೆಚ್ಚುವರಿ ಪೊಲೀಸ್ ಜನರಲ್ ಸಂಜೀಬ್ ಪಾಂಡಾ ಹೇಳಿದರು. ಒಡಿಶಾದಲ್ಲಿ ನಿಷೇಧಿತ ಸಂಘಟನೆಯನ್ನು ಮುನ್ನಡೆಸುತ್ತಿದ್ದ ಉಯಿಕೆ ತೆಲಂಗಾಣದ ನಲ್ಗೊಂಡ ಜಿಲ್ಲೆಯ ಚೆಂಡೂರ್ ಮಂಡಲ್‌ನವನೆಂದು ಪಾಂಡಾ ಹೇಳಿದರು.

ವಿಶೇಷ ಗುಪ್ತಚರ ವಿಭಾಗ ನೀಡಿದ ಸುಳಿವು ಮೇರೆಗೆ, ರಾಜ್ಯ ಪೊಲೀಸರ 20 ವಿಶೇಷ ಕಾರ್ಯಾಚರಣೆ ಗುಂಪು ಘಟಕಗಳು, ಎರಡು ಕೇಂದ್ರ ಮೀಸಲು ಪೊಲೀಸ್ ಪಡೆ (CRPF) ತಂಡಗಳು ಮತ್ತು ಒಂದು ಗಡಿ ಭದ್ರತಾ ಪಡೆ (BSF) ತಂಡವು ಕಂಧಮಾಲ್‌ನ ಚಕಪಾಡ್ ಪೊಲೀಸ್ ಠಾಣೆ ಪ್ರದೇಶ ಮತ್ತು ಗಂಜಾಂ ಜಿಲ್ಲೆಯ ಗಡಿ ಪ್ರದೇಶಗಳ ರಂಭಾ ಅರಣ್ಯ ವ್ಯಾಪ್ತಿಯಲ್ಲಿ ಜಂಟಿ ಕಾರ್ಯಾಚರಣೆಯನ್ನು ಪ್ರಾರಂಭಿಸಿತು.

ಗುರುವಾರ ಗುಂಡಿನ ಚಕಮಕಿ ಕೊನೆಗೊಂಡಾಗ, ಆ ಪ್ರದೇಶದಲ್ಲಿ ವ್ಯಾಪಕ ಹುಡುಕಾಟದಲ್ಲಿ ನಾಲ್ಕು ಮಾವೋವಾದಿಗಳು ಇಬ್ಬರು ಪುರುಷರು ಮತ್ತು ಇಬ್ಬರು ಮಹಿಳೆಯರು ಪತ್ತೆಯಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈ ವರ್ಷ, ಛತ್ತೀಸ್‌ಗಢದಲ್ಲಿ ನಾಲ್ವರು, ಜಾರ್ಖಂಡ್ ಮತ್ತು ಆಂಧ್ರಪ್ರದೇಶದಲ್ಲಿ ತಲಾ ಇಬ್ಬರು ಮತ್ತು ಒಡಿಶಾದಲ್ಲಿ ಒಬ್ಬರು ಸೇರಿದಂತೆ ಕೇಂದ್ರ ಸಮಿತಿಯ ಒಂಬತ್ತು ಸದಸ್ಯರು ಭದ್ರತಾ ಪಡೆಗಳ ಎನ್‌ಕೌಂಟರ್‌ನಲ್ಲಿ ಹತರಾಗಿದ್ದಾರೆ.

ಹತ್ಯೆಗೀಡಾದ ಕೇಂದ್ರ ಸಮಿತಿಯ ಸದಸ್ಯರಾದ ರಾಮಚಂದ್ರರೆಡ್ಡಿ ಅಲಿಯಾಸ್ ಜೈರಾಮ್ ಅಲಿಯಾಸ್ ಚಲಪತಿ, ಗೌತಮ್ ಅಲಿಯಾಸ್ ಸುಧಾಕರ್, ಮೋಡೆಮ್ ಬಾಲಕೃಷ್ಣ, ರಾಜು ದಾದಾ ಅಲಿಯಾಸ್ ಕಟ್ಟಾ ರಾಮಚಂದ್ರರೆಡ್ಡಿ, ಕೋಸಾ ದಾದಾ ಅಲಿಯಾಸ್ ಕದರಿ, ಸತ್ಯನಾರಾಯಣ ರೆಡ್ಡಿ, ಸಹದೇವ್ ಸೊರೆನ್ ಅಲಿಯಾಸ್ ಪ್ರವೇಶ್, ವಿವೇಕ್ ಅಲಿಯಾಸ್ ಪ್ರಯಾಗ್ ಮಂಜಿ, ಮದ್ವಿ ಹಿಡ್ಮಾ ರಾವ್, ಮದ್ವಿ ಹಿಡ್ಮಾ ರಾವ್ ಎಂದು ಗುರುತಿಸಲಾಗಿದೆ,(ಏಜನ್ಸೀಸ್).