ಎಸಿ ರೈಲಿನಲ್ಲಿ ಪ್ರಯಾಣಿಕರು ಬಳಸುವ ಬೆಡ್​ಶೀಟ್​ ತೊಳೆಯಲು ರೈಲ್ವೆ ಇಲಾಖೆ ಕೊಡುವ ಹಣವೆಷ್ಟು ಗೊತ್ತಾ?.. Indian Railways

ಸಾರಿಗೆ ವ್ಯವಸ್ಥೆಯಲ್ಲಿ ಅತ್ಯಂತ ಅಗ್ಗದ ದರದಲ್ಲಿ ಪ್ರಯಾಣಿಸಲು ಅನುವು ಮಾಡಿಕೊಡುವುದು ಎಂದರೆ, ಅದು  ರೈಲ್ವೆ ಪ್ರಯಾಣ.  ಹೀಗಾಗಿಯೇ ರೈಲಿನಲ್ಲಿ ಕಿಕ್ಕಿರಿದು ಜನರು ಸೇರಿರುತ್ತಾರೆ. ಮುಂಬೈ ಸೇರಿದಂತೆ ಹಲವು ಮೆಟ್ರೋ ನಗರಿಯಲ್ಲಿ ರೈಲಿನ ಸಂಖ್ಯೆ ಹೆಚ್ಚಿಸಬೇಕು ಎಂದು ಹಲವರ ಬೇಡಿಕೆ ಇದೆ. ರೈಲಿನಲ್ಲಿ  ಪ್ರಯಾಣಿಸಲು ಹತ್ತಕ್ಕೂ ಹೆಚ್ಚು ವರ್ಗಗಳಿವೆ. ಅದರಲ್ಲಿ ಎಸಿ ವರ್ಗದಲ್ಲಿ ಪ್ರಯಾಣಿಸುವವರು ದೂರದ ಊರಿಗೆ ಹೋಗುವವರಾಗಿರುತ್ತಾರೆ. ಅಥವಾ ಪ್ರವಾಸಿಗರಾಗುತ್ತಾರೆ. ಇವರಿಗೆ ನೀಡುವ ಬೆಡ್​ಶೀಟ್​ ಬಳಕೆಯಾದ ನಂತರ ಅದನ್ನು ಒಗೆಯಲು  ಭಾರತೀಯ ರೈಲ್ವೆ ಇಲಾಖೆ ಲಾಂಡ್ರಿಗೆ ನೀಡೋದು  ಕೇವಲ 3.16 ರೂಪಾಯಿ  ಎಂದು ಖಾಸಗಿ ಮಾಧ್ಯಮ ವರದಿ ಮಾಡಿದೆ. 

ಹೌದು ವಿಶ್ವದ ಅತಿದೊಡ್ಡ ರೈಲಿನ ಸಂಪರ್ಕ ಹೊಂದಿರುವ  ಭಾರತದ ರೈಲ್ವೆ ಇಲಾಖೆಯು, ಎಸಿ ರೈಲಿನಲ್ಲಿ ಪ್ರಯಾಣಿಸುವ ಪ್ರಯಾಣಿಕರಿಗೆ ದಿಂಬು, ಬೆಡ್​ಶೀಟ್​ , ಟವೆಲ್​ ಕಂಬಳಿ ನೀಡುತ್ತದೆ. ಇದನ್ನೆಲ್ಲವು ಟಿಕೆಟ್​ ಬುಕ್ಕಿಂಗ್​ ವೇಳೆಯೇ ಕಟ್ಟಿಸಿಕೊಳ್ಳಲಾಗುತ್ತದೆಯಾದರೂ,  ಕೊಟ್ಟದನ್ನು ವಾಪಸ್​ ಪಡೆದು ಲಾಂಡ್ರಿಗೆ ಹಾಕಲು ಪ್ರಯಾಣಿಕರಿಂದ ಪಡೆದುಕೊಳ್ಳೋದು ಕೇವಲ ಮೂರು ರೂಪಾಯಿ ಎಂದು  ಭಾರತೀಯ ರೈಲ್ವೆ ಇಲಾಖೆಯ  ಲಾಂಡ್ರಿ ಟೆಂಡರ್ ದಾಖಲೆಯ ಪ್ರಕಾರ ತಿಳಿದುಬಂದಿದೆ.