Right to Disconnect Bill | ಆಫೀಸ್​ ಟೈಮ್​ ಮುಗಿದ್ಮೇಲೆ ಕಾಲ್​, ಇಮೇಲ್​ ಮಾಡಂಗಿಲ್ಲ...ಉದ್ಯೋಗಿ ಸ್ನೇಹಿ ಮಸೂದೆ ಮಂಡಿಸಿದ ಸಂಸದೆ ಸುಪ್ರಿಯಾ ಸುಳೆ

ಕಚೇರಿ ಸಮಯ ಮತ್ತು ರಜಾದಿನಗಳಲ್ಲಿ ಕೆಲಸಕ್ಕೆ ಸಂಬಂಧಿಸಿದ ದೂರವಾಣಿ ಕರೆಗಳು ಮತ್ತು ಇಮೇಲ್‌ಗಳ ಮೂಲಕ ಸಂಪರ್ಕಿಸದಂತೆ ನೋಡಿಕೊಳ್ಳುವ ಈ ಹಕ್ಕನ್ನು ಪ್ರತಿಯೊಬ್ಬ ಉದ್ಯೋಗಿಗೆ ನೀಡಲು ನೌಕರರ ಕಲ್ಯಾಣ ಪ್ರಾಧಿಕಾರವನ್ನು ಸ್ಥಾಪಿಸಲು ಇದು ಪ್ರಸ್ತಾಪಿಸುತ್ತದೆ.

ಎನ್‌ಸಿಪಿ ಸಂಸದೆ ಲೋಕಸಭೆಯಲ್ಲಿ ಇನ್ನೂ ಎರಡು ಮಸೂದೆಗಳನ್ನು ಮಂಡಿಸಿದ್ದು, ಪಿತೃತ್ವ ಮತ್ತು ಪಿತೃತ್ವ ಪ್ರಯೋಜನಗಳ ಮಸೂದೆ 2025 ಮತ್ತು ಸಾಮಾಜಿಕ ಭದ್ರತಾ ಮಸೂದೆ 2025. ಪಿತೃತ್ವ ಪ್ರಯೋಜನಗಳ ಮಸೂದೆಯು ತಂದೆ ತಮ್ಮ ಮಗುವಿನ ಆರಂಭಿಕ ಬೆಳವಣಿಗೆಯ ಹಂತದಲ್ಲಿ ಪಾಲ್ಗೊಳ್ಳಲು ಕಾನೂನುಬದ್ಧ ಹಕ್ಕನ್ನು ನೀಡುತ್ತದೆ. ಇದರಿಂದಾಗಿ ಬಾಣಂತಿ ಹೆಂಡತಿ ಯೋಗಕ್ಷೇಮವನ್ನು ನೋಡಿಕೊಳ್ಳಲು ಸಹ ನೆರವಾಗುತ್ತದೆ.

ಸಾಮಾಜಿಕ ಭದ್ರತಾ ಸಂಹಿತೆ (ತಿದ್ದುಪಡಿ) ಮಸೂದೆ, ಗಿಗ್ ಕೆಲಸಗಾರರನ್ನು ಒಂದು ವಿಶಿಷ್ಟ ವರ್ಗವೆಂದು ಗುರುತಿಸುತ್ತದೆ, ಕನಿಷ್ಠ ವೇತನ, ನಿಯಂತ್ರಿತ ಸಮಯ, ಸಾಮಾಜಿಕ ಭದ್ರತೆ, ನ್ಯಾಯಯುತ ಪರಿಸ್ಥಿತಿಗಳು ಮತ್ತು ಹೆಚ್ಚು ಸುಸ್ಥಿರ ಪರಿಸರ ಮತ್ತು ಆರ್ಥಿಕತೆಯನ್ನು ಖಚಿತಪಡಿಸಿಕೊಳ್ಳಲು ಸಮಾನ ಒಪ್ಪಂದಗಳನ್ನು ಖಾತ್ರಿಪಡಿಸುತ್ತದೆ ಎಂದು ಸುಪ್ರಿಯಾ ಸುಳೆ ಮಾಹಿತಿ ನೀಡಿದ್ದಾರೆ.

ರೈಟ್ ಟು ಡಿಸ್ಕನೆಕ್ಟ್ ಬಿಲ್‌ ಬಗ್ಗೆ ಹೇಳುವುದಾದರೆ, ಒಬ್ಬ ಉದ್ಯೋಗಿ ದಿನದ 24 ಗಂಟೆಗಳ ಕಾಲ ಲಭ್ಯವಿರಬೇಕೆಂದು ನಿರೀಕ್ಷಿಸಿದರೆ, ನಿದ್ರಾಹೀನತೆ, ಒತ್ತಡ, ದಣಿಯುತ್ತಾರೆ. ದಿನವಿಡೀ ಇಮೇಲ್‌ಗಳನ್ನು ನಿರಂತರವಾಗಿ ಪರಿಶೀಲಿಸುವುದು ಮತ್ತು ರಜಾದಿನಗಳಲ್ಲಿಯೂ ಇದು ವಿಸ್ತರಿಸಿದರೆ ಉದ್ಯೋಗಿಗಳ ಜೀವನದ ಸಮತೋಲನವನ್ನು ನಾಶಪಡಿಸುತ್ತದೆ ಎನ್ನುವುದು ಮಸೂದೆಯ ಉದ್ದೇಶ.

ಒಂದು ಅಧ್ಯಯನದ ಪ್ರಕಾರ, ಕೆಲಸಕ್ಕೆ ಸಂಬಂಧಿಸಿದ ಸಂದೇಶಗಳು ಮತ್ತು ಇಮೇಲ್‌ಗಳ ನಿರಂತರ ಮೇಲ್ವಿಚಾರಣೆಯು ಉದ್ಯೋಗಿಗಳ ಮೇಲೆ ಮಾನಸಿಕವಾಗಿ ಒತ್ತಡ ಹೇರುತ್ತದೆ, ಇದರಿಂದಾಗಿ ಭವಿಷ್ಯದಲ್ಲಿ ಆರೋಗ್ಯ ಸಮಸ್ಯೆಗಳು ಎದುರಾಗಬಹುದು(ಏಜೆನ್ಸೀಸ್​).