ನೆಲ್ಲೂರಿನಲ್ಲಿ ಲಾರಿ ಪಲ್ಟಿ: ರಕ್ಷಣೆಗೆ ಬರುವ ಬದಲು; ಸಾಫ್ಟ್ ಡ್ರಿಂಕ್ಸ್ ಕದ್ದ ಜನ; ವಿಡಿಯೋ ವೈರಲ್​! Nellore Lorry Accident Bottle Loot

ನೆಲ್ಲೂರು: ಭಾರತ ಇನ್ನೇನು ಕಲವೇ ವರ್ಷಗಳಲ್ಲಿ ಮೂರನೇ ಅತೀ ದೊಡ್ಡ ಆರ್ಥಿಕತೆಯಾಗಿ ಹೊರಹೊಮ್ಮಲಿದೆ ಎಂದು ನಮ್ಮ ಪ್ರಧಾನಿಗಳು ಹೇಳುತ್ತಾರೆ. ಆದರೆ ನಮ್ಮ ಜನರ ನಾಗರಿಕ ಪ್ರಜ್ಞೆ ಮಾತ್ರ ಇನ್ನೂ ಮೂರನೇ ದರ್ಜೆಯಲ್ಲಿದೆ ಎಂದರೆ ತಪ್ಪಾಗಲಾರದು.

ಗುರುವಾರ (ಮಾರ್ಚ್​ 19) ರಂದು ಆಂಧ್ರಪ್ರದೇಶದ ನೆಲ್ಲೂರಿಲ್ಲಿ ಮುಂಜಾನೆ ಸಾಪ್ಟ್​ ಡ್ರಿಂಕ್ಸ್​ಗಳನ್ನು ಕೊಡೊಂಯ್ಯುತ್ತಿದ್ದ ಲಾರಿಯೊಂದು ಅಫಘಾತಕ್ಕಿಡಾಗಿದೆ (Nellore Lorry Accident Bottle Loot). ಆದರೆ ಸ್ಥಳದಲ್ಲಿದ್ದ ಜನರು ಲಾರಿ ಚಾಲಕ ಹಾಗೂ ಸಹಾಯಕನ ರಕ್ಷಣೆಗೆ ಬರುವ ಬದಲು ರಸ್ತೆಯಲ್ಲಿ ಬಿದ್ದಿದ್ದ ಸಾಪ್ಟ್​ ಡ್ರಿಂಕ್ಸ್​ ಬಾಟಲ್​ಗಳನ್ನು ಹೊತ್ತೊಯ್ಯುವುದರಲ್ಲಿ ನಿರತರಾಗಿದ್ದಾರೆ.

ಈ ರೀತಿಯ ಘಟನೆ ನಡೆಯುತ್ತಿದೆ ಎಂದು ಪೊಲೀಸರಿಗೆ ಮಾಹಿತಿ ದೊರೆತ ಕೂಡಲೇ ಪೊಲೀಸರು ಕೂಡಲೇ ಸ್ಥಳಕ್ಕೆ ಆಗಮಿಸಿದ್ದಾರೆ. ಪೊಲೀಸರ ಜೀಪ್​ ಸ್ಥಳಕ್ಕೆ ಬರುತ್ತಿದ್ದಂತೆ ಬಾಟಲಿಗಳನ್ನು ಬಾಚುತ್ತಿದ್ದ ಜನ ಓಡಿ ಹೋಗಿದ್ದಾರೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆದ ನಂತರ, ವಿವಿಧ ರೀತಿಯ ಕಮೆಂಟ್​ಗಳು ಬಂದಿವೆ. ಪಾಪ ಆ ಲಾರಿ ಚಾಲಕನಿಗೆ ಸಹಾಯ ಮಾಡುವ ಬದಲು ಜನ ಈ ರೀತಿ ಬಾಟಲಿಗಳನ್ನು ಕದ್ದಿರುವುದು ನಾಚಿಕೆಯ ಸಂಗತಿಯಾಗಿದೆ ಎಂದು ಒಬ್ಬ ಬಳಕೆದಾರ ಬರೆದರೆ, ನಮ್ಮ ಜನರಿಗೆ ಏನೇ ಸೌಲಭ್ಯ ನೀಡಿ ಆದರೆ ಅವರ ಈ ನೀಚ ಬುದ್ಧಿ ಯಾವತ್ತಿಗೂ ಹೋಗುವುದಿಲ್ಲ ಎಂದು ಮತ್ತೊಬ್ಬ ಬಳಕೆದಾರ ಬರೆದಿದ್ದಾರೆ,(ಏಜನ್ಸೀಸ್​).