ಮುಂಬೈಗೆ ಶತಕದ ತಿಲಕ: ಗುಜರಾತ್​ಗೆ 200 ರನ್‌ಗಳ ಬೃಹತ್ ಗುರಿ ನೀಡಿದ ಹಾರ್ದಿಕ್ ಪಡೆ | MIvsGT

ಮುಂಬೈ ಇಂಡಿಯನ್ಸ್ ಆರಂಭದಲ್ಲಿ ಕ್ವಿಂಟನ್ ಡಿ ಕಾಕ್ ಮತ್ತು ಡ್ಯಾನಿಶ್ ಮಾಲೆವಾರ್ ಅವರ ವಿಕೆಟ್ ಅನ್ನು ಬೇಗನೆ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಈ ಹಂತದಲ್ಲಿ ಕ್ರೀಸ್‌ಗೆ ಬಂದ ತಿಲಕ್ ವರ್ಮಾ, ಆರಂಭದಲ್ಲಿ ಎಚ್ಚರಿಕೆಯ ಆಟವಾಡಿದರೂ, ಒಮ್ಮೆ ಕಣ್ಣು ಸೆಟ್ ಆದ ಮೇಲೆ ಗುಜರಾತ್ ಬೌಲರ್‌ಗಳನ್ನು ಅಕ್ಷರಶಃ ದಂಡಿಸಿದರು. ಅವರ ಈ ಸ್ಫೋಟಕ ಇನಿಂಗ್ಸ್‌ನಲ್ಲಿ 101 ರನ್ ಮೂಡಿಬಂದಿದ್ದು, ಇದು ಮುಂಬೈ ತಂಡ ಬೃಹತ್ ಮೊತ್ತ ತಲುಪಲು ಪ್ರಮುಖ ಕಾರಣವಾಯಿತು.

ಏಕಾಂಗಿ ಹೋರಾಟ: ಒಂದು ಕಡೆ ವಿಕೆಟ್‌ಗಳು ಉರುಳುತ್ತಿದ್ದರೂ ದೃತಿಗೆಡದ ತಿಲಕ್, ಮೈದಾನದ ನಗದರ ದಿಕ್ಕಿಗೂ ಚೆಂಡನ್ನು ಅಟ್ಟಿದರು.

ಫಿನಿಶಿಂಗ್ ಟಚ್: ಕೊನೆಯ ಓವರ್‌ಗಳಲ್ಲಿ ಹಾರ್ದಿಕ್ ಪಾಂಡ್ಯ ಅವರೊಂದಿಗೆ ಜೊತೆಯಾದ ತಿಲಕ್, ಮುಂಬೈ ಮೊತ್ತವನ್ನು 199ಕ್ಕೆ ತಲುಪಿಸುವಲ್ಲಿ ಯಶಸ್ವಿಯಾದರು.

ಶತಕದ ಸಂಭ್ರಮ: ತಿಲಕ್ ವರ್ಮಾ ತಮ್ಮ ಶತಕ ಪೂರೈಸುತ್ತಿದ್ದಂತೆಯೇ ಇಡೀ ಮುಂಬೈ ಪಾಳೆಯ ಎದ್ದು ನಿಂತು ಈ ಯುವ ಪ್ರತಿಭೆಗೆ ಗೌರವ ಸಲ್ಲಿಸಿತು.

ಶುಭಮನ್ ಗಿಲ್ ನೇತೃತ್ವದ ಗುಜರಾತ್ ಟೈಟನ್ಸ್ ಆರಂಭದಲ್ಲಿ ಹತೋಟಿ ಹೊಂದಿದ್ದರೂ, ಮಧ್ಯಂತರ ಓವರ್‌ಗಳಲ್ಲಿ ತಿಲಕ್ ವರ್ಮಾ ಅವರ ಅಬ್ಬರವನ್ನು ತಡೆಯಲು ವಿಫಲವಾಯಿತು. ರಬಾಡ 3 ವಿಕೆಟ್ ಪಡೆದರೂ, ರನ್ ವೇಗಕ್ಕೆ ಬ್ರೇಕ್ ಹಾಕಲು ಸಾಧ್ಯವಾಗಲಿಲ್ಲ. ಮುಂಬೈ ಬ್ಯಾಟರ್‌ಗಳು ನೀಡಿದ ಈ 199 ರನ್‌ಗಳ ಮೊತ್ತವು ಗುಜರಾತ್ ಪಾಲಿಗೆ ಕಠಿಣ ಸವಾಲಾಗಲಿದೆ.

ಅಹಮದಾಬಾದ್ ಪಿಚ್ ಬ್ಯಾಟಿಂಗ್‌ಗೆ ಪೂರಕವಾಗಿದೆ ನಿಜ, ಆದರೆ 200 ರನ್‌ಗಳ ಗುರಿ ಬೆನ್ನಟ್ಟುವುದು ಯಾವುದೇ ತಂಡಕ್ಕಾದರೂ ಒತ್ತಡದ ವಿಷಯವೇ. ಮುಂಬೈ ಇಂಡಿಯನ್ಸ್ ತಂಡದಲ್ಲಿ ಜಸ್ಪ್ರೀತ್ ಬುಮ್ರಾ ಅವರಂತಹ ಬಲಿಷ್ಠ ಬೌಲರ್‌ಗಳಿರುವುದರಿಂದ, ಗುಜರಾತ್ ಟೈಟನ್ಸ್ ಆರಂಭಿಕ ಓವರ್‌ಗಳಿಂದಲೇ ಆಕ್ರಮಣಕಾರಿ ಆಟವಾಡಬೇಕಿದೆ. ಶುಭಮನ್ ಗಿಲ್ ಮತ್ತು ಸಾಯಿ ಸುದರ್ಶನ್ ಮೇಲೆ ಈಗ ಇಡೀ ಅಹಮದಾಬಾದ್ ಅಭಿಮಾನಿಗಳ ನಿರೀಕ್ಷೆ ನೆಟ್ಟಿದೆ,(ಏಜೆನ್ಸೀಸ್).