B.Tech ಓದಿದ್ರೂ ಇಷ್ಟು ಸಂಬಳ ಸಿಗ್ತಿಲ್ವಲ್ಲ ಗುರು... ಆಟೋ ಚಾಲಕನ 1 ತಿಂಗಳ ಗಳಿಕೆ ಕೇಳಿ ದಂಗಾದ ಟೆಕ್ಕಿ! Auto Driver Earnings

Auto Driver Earnings: `ಮುಂಬೈನಲ್ಲಿ ಆಟೋ ಓಡಿಸೋದು...ಎಸಿ ರೂಂನಲ್ಲಿ ಕಂಪ್ಯೂಟರ್​ ಮುಂದೆ ಕೂತು ಕುಟ್ಟೋದಕ್ಕಿಂತ ಒಳ್ಳೆಯದು. ದಿನ ಪೂರ್ತಿ ಬೇರೆ ಬೇರೆ ಜನರನ್ನು ಭೇಟಿ ಮಾಡಿ, ಅವರ ಜೊತೆ ಮಾತನಾಡುತ್ತೇವೆ. ಗೊತ್ತೇ ಇರದ ವಿಚಾರಗಳ ಬಗ್ಗೆ ಮಾಹಿತಿ ಪಡೆದುಕೊಳ್ತೇವೆ. ದಿನಕ್ಕೆ 2,500 ರೂಪಾಯಿ ಗಳಿಸುತ್ತೇವೆ'. ಹೀಗೆ...ಯಾವುದೇ ಫಿಲ್ಟರ್​ ಇಲ್ಲದೆ ಮಾತನಾಡಿದ್ದು ಭಾರತದ ಮೊದಲ ಆರ್ಥಿಕ ಕೇಂದ್ರವಾಗಿರುವ ಮುಂಬೈನ ಆಟೋ ಚಾಲಕ.

uvichar ಎಂಬಾತನ ಇನ್​ಸ್ಟಾಗ್ರಾಂ​ನಿಂದ ಆಟೋ ಚಾಲಕನೊಬ್ಬನ ಚಿಟ್​ಚಾಟ್​ನ್ನು ಶೇರ್​ ಮಾಡಿದ್ದಾರೆ. ಇದಕ್ಕೆ ಐವತ್ತು ಸಾವಿರ ಲೈಕ್ಸ್​ ದಕ್ಕಿದ್ದು, ಸಾಕಷ್ಟು ಕಾಮೆಂಟ್ಸ್​ಗಳು ಬಂದಿವೆ. ಕೆಲವರು ತಮಾಷೆಯಾಗಿ ಕಾಮೆಂಟ್ ಮಾಡಿದ್ದಾರೆ.

`ಮೊದಲಿಗೆ ಆಟೋ ಹತ್ತಿದ ಟೆಕ್ಕಿ, ಚಾಲಕನ ಬಳಿ ಮಾತನಾಡಿಸುತ್ತ ಹೋಗುತ್ತಾರೆ. ನೀವು ದಿನಕ್ಕೆ ಮುಂಬೈನಲ್ಲಿ ಆಟೋ ಓಡಿಸೋದ್ರಿಂದ ಎಷ್ಟು ಹಣ ಗಳಿಸುತ್ತೀರಿ ಎಂದು ಕೇಳುತ್ತಾರೆ. ಇದಕ್ಕೆ ಉತ್ತರಿಸಿದ ಚಾಲಕ ನನ್ನ ಆಟೋ ಖರ್ಚು, ನನ್ನ ಖರ್ಚು ಎಲ್ಲ ಕಳೆದು, 2,500 ರೂಪಾಯಿ ಗಳಿಸುತ್ತೇನೆ. ಆದರೆ, ಕೆಲವೊಮ್ಮೆ ಏರುಪೇರಾಗುತ್ತದೆ' ಎಂದು ಹೇಳುತ್ತಾನೆ.

ಮುಂದುವರೆದು, ಟೆಕ್ಕಿ 2,500 ರೂ. ಅನ್ನು 12 ತಿಂಗಳಿಗೆ ಎಣಿಕೆ ಮಾಡುತ್ತಾನೆ. ಆಗ ಚಾಲಕ ತಿಂಗಳಿಗೆ 75 ಸಾವಿರ ರೂಪಾಯಿ ಗಳಿಸುತ್ತಾನೆ ಎಂದು ತಿಳಿದುಬರುತ್ತದೆ. ಟೆಕ್ಕಿ ಆಶ್ಚರ್ಯ ವ್ಯಕ್ತಪಡಿಸುತ್ತಾರೆ. ಮುಂಬೈನಲ್ಲಿ ಜೀವನ ಸಾಗಿಸೋದು ಕಷ್ಟದ ಕೆಲಸ. ಇಲ್ಲಿ ಬದುಕೋಕೆ ಖಂಡಿತವಾಗಿ ಮೂವತ್ತು ಸಾವಿರ ತಿಂಗಳಿಗೆ ಬೇಕಾಗುತ್ತದೆ. ಅದರಲ್ಲಿ ಭವಿಷ್ಯಕ್ಕಾಗಿ ಹಣ ಉಳಿಸೋಕೆ ಆಗೋದೆ ಇಲ್ಲ. ಬೇಧ-ಭಾವವಿಲ್ಲದೇ ನಮ್ಮಿಷ್ಟದ ಕೆಲಸವನ್ನು ಮಾಡಿದಾಗ ಮಾತ್ರ ಆಟ ಚಾಲಕನಂತೆ ಲಾಭ ಗಳಿಸೋಕೆ ಸಾಧ್ಯ ಎಂದು ಅವರನ್ನು ಕೊಂಡಾಡಿದ್ದಾನೆ.

ಭಾರತದಲ್ಲಿ 9 ಗಂಟೆ ಕಚೇರಿಯಲ್ಲಿ ಕುಳಿತು ತಿಂಗಳಿಗೆ 30 ಸಾವಿರ ರೂಪಾಯಿ ಸಂಬಳ ಪಡೆದುಕೊಳ್ಳುವ ಉದ್ಯೋಗಕ್ಕೆ ಗೌರವ ಕೊಡಲಾಗುತ್ತದೆ. ಅಂತಹ ವ್ಯಕ್ತಿಗಳನ್ನು ಮಾತ್ರ ಉದ್ಯೋಗಿಗಳು ಎಂದು ಗುರುತಿಸಲಾಗುತ್ತದೆ. ಅವರು​ ಹೈಕ್​​ಗಾಗಿ ಒಂದು ವರ್ಷ ಕಾಯಬೇಕು. ಇವರಿಗೆ ಆ ನಿಯಮಗಳೇ ಇಲ್ಲ. ನಾನು ನಿಜಕ್ಕೂ ಬಿ.ಟೆಕ್​ ಮಾಡಿಕೊಂಡ ನಂತರ ಇಷ್ಟು ಸಂಬಳ ಸಿಗುವ ಕೆಲಸಕ್ಕೆ ಸಿಗಲೇ ಇಲ್ಲ. ನಮ್ಮ ಭಾರತದಲ್ಲಿ ಪೋಷಕರು ಹೇಗೆ ಎಂದರೆ ಓದು, ನ್ಯಾಯಯುತ ಕೆಲಸಕ್ಕಾಗಿ ಒದ್ದಾಡುತ್ತಾರೆ. ನೆಮ್ಮದಿ ಇಲ್ಲದೆ ಬದುಕುತ್ತಾರೆ. ಆಟೋ ಓಡಿಸೋದು, ಸ್ವಂತ ಅಂಗಡಿ, ಬಿಜಿನೆಸ್​ ಅನ್ನುವ ವಿಚಾರ ತೆಗೆದರೆ ಅಯ್ಯೋ ಅಂತಹ ಕೆಲಸಾನ ಎನ್ನುತ್ತೇವೆ. ಇದೇ ನಿರುದ್ಯೋಗಕ್ಕೆ ಕಾರಣವೂ ಆಗಿರಬಹುದು ಎಂದು ವಿಷಾದ ವ್ಯಕ್ತಪಡಿಸಿದರು, (ಏಜನ್ಸೀಸ್).