ಗಂಡನಿಗೆ ಪುರುಷರ ಮೇಲೆ ಮೋಹ... ಅಮ್ಮ-ಮಗಳ ಸಾವು ಪ್ರಕರಣದಲ್ಲಿ ಸ್ಫೋಟಕ ಸಂಗತಿ ಬಯಲು! Mother and Daughter Death Case

ತಿರುವನಂತಪುರಂ: ಕೇರಳದ ಕಮಲೇಶ್ವರಂನಲ್ಲಿ ಡೆತ್​ನೋಟ್​ ಬರೆದಿಟ್ಟು ತಾಯಿ ಮತ್ತು ಮಗಳ ಆತ್ಮಹತ್ಯೆ ( Mother and Daughter Death Case ) ಮಾಡಿಕೊಂಡ ಪ್ರಕರಣದಲ್ಲಿ ಆರೋಪಿ ಉನ್ನಿಕೃಷ್ಣನ್ ವಿರುದ್ಧ ನಿರ್ಣಾಯಕ ಸಾಕ್ಷ್ಯಗಳು ಇದೀಗ ಲಭ್ಯವಾಗಿದೆ.

ಉನ್ನಿಕೃಷ್ಣನ್​ಗೆ ತನ್ನ ಪುರುಷ ಸ್ನೇಹಿತರ ಮೇಲೆ ಲೈಂಗಿಕ ಆಸಕ್ತಿ ಹೊಂದಿದ್ದರು ಎಂದು ತಿಳಿದುಬಂದಿದೆ. ಅಲ್ಲದೆ, ಅನೇಕ ಅಂತಾರಾಷ್ಟ್ರೀಯ ಸಲಿಂಗಕಾಮಿ ಗುಂಪುಗಳ ಸದಸ್ಯರು ಸಹ ಆಗಿದ್ದರು. ಉನ್ನಿಕೃಷ್ಣನ್ ಅವರ ಫೋನ್ ಪರಿಶೀಲಿಸಿದಾಗ ಈ ನಿರ್ಣಾಯಕ ಮಾಹಿತಿ ಸಿಕ್ಕಿದೆ.

ಅಂದಹಾಗೆ, ಗ್ರೀಮಾ ಮತ್ತು ಅವರ ತಾಯಿ ಸುನಿತಾ ಬುಧವಾರ ಕಮಲೇಶ್ವಂನ ಮನೆಯಲ್ಲಿ ಶವವಾಗಿ ಪತ್ತೆಯಾದರು. ಇಬ್ಬರೂ ಸಹಿ ಮಾಡಿದ ಡೆತ್​ನೋಟ್ ಅನ್ನು​ ತಮ್ಮ ಸಂಬಂಧಿಕರಿಗೆ ಕಳುಹಿಸಿ ಸಾವಿಗೆ ಶರಣಾಗಿದ್ದಾರೆ.

ಡೆತ್​ನೋಟ್​ನಲ್ಲಿ ತಮ್ಮ ಸಾವಿಗೆ ಉನ್ನಿಕೃಷ್ಣನ್ ಕಾರಣ ಎಂದು ಉಲ್ಲೇಖಿಸಲಾಗಿದೆ. ಇದರ ಆಧಾರದ ಮೇಲೆ, ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದರು. ಎರಡು ದಿನಗಳ ಹಿಂದಷ್ಟೇ ಮುಂಬೈ ವಿಮಾನ ನಿಲ್ದಾಣದಲ್ಲಿ ಉನ್ನಿಕೃಷ್ಣನ್​ನನ್ನು ಬಂಧಿಸಲಾಯಿತು.

ಅಂದಹಾಗೆ, ಗ್ರೀಮಾ ಮತ್ತು ಉನ್ನಿಕೃಷ್ಣನ್ ಆರು ವರ್ಷಗಳ ಹಿಂದೆ ವಿವಾಹವಾದರು. ಮದುವೆಯಾದ ಬಳಿಕ ಕೇವಲ 54 ದಿನಗಳ ಕಾಲ ಮಾತ್ರ ಒಟ್ಟಿಗೆ ವಾಸಿಸುತ್ತಿದ್ದರು. ಈ ಸಮಯದಲ್ಲಿ, ಉನ್ನಿಕೃಷ್ಣನ್ ಗ್ರೀಮಾ ಅವರ ಮನೆಯಲ್ಲಿ ಕೇವಲ ಒಂದು ದಿನ ಮಾತ್ರ ಇದ್ದರು, (ಏಜೆನ್ಸೀಸ್​).