ಜೂನ್ 10ಕ್ಕೆ ನೆಹರೂ ದಾಖಲೆ ಬ್ರೇಕ್ ಮಾಡಲಿರೋ ನಮೋ! ಭಾರತದ ಅತ್ಯಂತ ದೀರ್ಘಾವಧಿಯ ಚುನಾಯಿತ ಪ್ರಧಾನಿ ಆಗಿ ಮೋದಿ ಇತಿಹಾಸ! Longest Serving PM

ಪ್ರಧಾನಿ ಮೋದಿ ಅವರು ಈಗಾಗಲೇ 2025ರ ಜುಲೈ 25ರಂದು ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಅವರ ಸತತ 4,077 ದಿನಗಳ ಅಧಿಕಾರದ ಅವಧಿಯ ದಾಖಲೆಯನ್ನು ಹಿಂದಿಕ್ಕಿ ದ್ವಿತೀಯ ಸ್ಥಾನಕ್ಕೇರಿದ್ದರು. ಈಗ ನೆಹರೂ ಅವರ ದಾಖಲೆಯನ್ನು ಮೀರಿಸುವ ಮೂಲಕ ಪ್ರಧಾನಿ ಮೋದಿ ಭಾರತದ ರಾಜಕೀಯ ಇತಿಹಾಸದಲ್ಲೇ ಅತ್ಯಂತ ದೀರ್ಘಾವಧಿಯ ನಿರಂತರ ಚುನಾಯಿತ ಪ್ರಧಾನಿಯಾಗಲಿದ್ದಾರೆ.

ನೆಹರೂ ಅವರ ಆಡಳಿತಾವಧಿಗೂ ಮತ್ತು ಪ್ರಧಾನಿ ಮೋದಿಯವರ ಪ್ರಸ್ತುತ ಆಡಳಿತಾವಧಿಗೂ ದೇಶದ ಸಾಮಾಜಿಕ, ಆರ್ಥಿಕ ಹಾಗೂ ಪ್ರಜಾಪ್ರಭುತ್ವದ ಸ್ವರೂಪದಲ್ಲಿ ಅಗಾಧ ಬದಲಾವಣೆಗಳಾಗಿವೆ. ಎರಡು ವಿಭಿನ್ನ ಕಾಲಘಟ್ಟಗಳ ಪ್ರಮುಖ ತುಲನೆ ಇಲ್ಲಿದೆ.

ಜನಸಂಖ್ಯೆ: ಸುಮಾರು 34 ಕೋಟಿ

ಮತದಾರರ ಸಂಖ್ಯೆ: ಅಂದಾಜು 17 ಕೋಟಿ

ಚುನಾವಣಾ ಕಣದಲ್ಲಿದ್ದ ಪಕ್ಷಗಳು: 53 ರಾಜಕೀಯ ಪಕ್ಷಗಳು (1951-52)

ರಾಜಕೀಯ ಸನ್ನಿವೇಶ: ಕಾಂಗ್ರೆಸ್ ಏಕಸ್ವಾಮ್ಯ (1952 ರಲ್ಲಿ 364 ಸೀಟುಗಳ ಗೆಲುವು)

ಮಾಧ್ಯಮ ಮತ್ತು ಆಡಳಿತ: ಖಾಸಗಿ ಟಿವಿ, ಸೋಶಿಯಲ್ ಮೀಡಿಯಾ ಇಲ್ಲದ ಶಾಂತ ಕಾಲ

ಜನಸಂಖ್ಯೆ: 146 ಕೋಟಿಗೂ ಅಧಿಕ

ಮತದಾರರ ಸಂಖ್ಯೆ: 2014 ರಲ್ಲಿ 83 ಕೋಟಿ (ಪ್ರಸ್ತುತ ಮತ್ತಷ್ಟು ಹೆಚ್ಚು)

ಚುನಾವಣಾ ಕಣದಲ್ಲಿದ್ದ ಪಕ್ಷಗಳು: 744 ರಾಜಕೀಯ ಪಕ್ಷಗಳು (2024 ಲೋಕಸಭೆ)

ರಾಜಕೀಯ ಸನ್ನಿವೇಶ: ತೀವ್ರ ಪೈಪೋಟಿ, ಪ್ರಾದೇಶಿಕ ಪಕ್ಷಗಳ ಬಲ ಹಾಗೂ ಸಮ್ಮಿಶ್ರ ರಾಜಕಾರಣದ ಸವಾಲು

ಮಾಧ್ಯಮ ಮತ್ತು ಆಡಳಿತ: 24x7 ಸುದ್ದಿ ವಾಹಿನಿಗಳು ಹಾಗೂ ಸಾಮಾಜಿಕ ಜಾಲತಾಣಗಳ ತೀವ್ರ ನಿಗಾ

ಕಳೆದ 12 ವರ್ಷಗಳ ಮೋದಿ ಅವರ ಆಡಳಿತಾವಧಿಯಲ್ಲಿ ಭಾರತವು ಕೇವಲ ರಾಜಕೀಯವಾಗಿ ಮಾತ್ರವಲ್ಲದೆ ಮೂಲಸೌಕರ್ಯ, ಉನ್ನತ ಶಿಕ್ಷಣ ಹಾಗೂ ಆರೋಗ್ಯ ಕ್ಷೇತ್ರದಲ್ಲಿ ಭಾರೀ ಪ್ರಗತಿ ಸಾಧಿಸಿದೆ. 2014 ರಿಂದ 2026 ರ ನಡುವೆ ದೇಶದ ಪ್ರಮುಖ ಉನ್ನತ ಸಂಸ್ಥೆಗಳ ಸಂಖ್ಯೆಯಲ್ಲಿ ಕಂಡುಬಂದ ಬೆಳವಣಿಗೆ ಹೀಗಿದೆ:

ಮೋದಿಯವರ ಹೆಸರಿಗೆ ಮಗದೊಂದು ಅನನ್ಯ ದಾಖಲೆ

ಕಾಂಗ್ರೆಸ್ಸೇತರ ಪ್ರಧಾನಿಯೊಬ್ಬರು ಸತತ ಎರಡು ಬಾರಿ ಪೂರ್ಣ ಬಹುಮತದ ಸರ್ಕಾರ ನಡೆಸಿ, ನೆಹರೂ ನಂತರ ಸತತ ಮೂರನೇ ಬಾರಿಗೆ ಅಧಿಕಾರದ ಚುಕ್ಕಾಣಿ ಹಿಡಿದ ಮೊದಲ ನಾಯಕ ಎಂಬ ಕೀರ್ತಿ ಈಗಾಗಲೇ ಮೋದಿಯವರದ್ದಾಗಿದೆ. ಇದಲ್ಲದೆ, ಗುಜರಾತ್ ಮುಖ್ಯಮಂತ್ರಿಯಾಗಿ ಹಾಗೂ ದೇಶದ ಪ್ರಧಾನಿಯಾಗಿ ಒಟ್ಟು ಸಾರ್ವಜನಿಕ ಅಧಿಕಾರಾವಧಿಯಲ್ಲಿ 8,930 ದಿನಗಳನ್ನು ದಾಟುವ ಮೂಲಕ ಅವರು ಭಾರತದ ಇತಿಹಾಸದಲ್ಲೇ ಅತ್ಯಂತ ಸುದೀರ್ಘ ಅವಧಿಗೆ ಜನರಿಂದ ಚುನಾಯಿತರಾದ ಸರ್ಕಾರದ ಮುಖ್ಯಸ್ಥ ಎಂಬ ಜಾಗತಿಕ ದಾಖಲೆಯನ್ನೂ ಬರೆದಿದ್ದಾರೆ.

ಜೂನ್ 10ರ ಈ ಮಹತ್ತರ ಮೈಲಿಗಲ್ಲು ಪ್ರಧಾನಿ ನರೇಂದ್ರ ಮೋದಿಯವರ ರಾಜಕೀಯ ಬದ್ಧತೆ ಹಾಗೂ ಭಾರತೀಯ ಮತದಾರರು ಅವರ ಮೇಲಿಟ್ಟಿರುವ ನಿರಂತರ ವಿಶ್ವಾಸಕ್ಕೆ ಹಿಡಿದ ಕೈಗನ್ನಡಿಯಾಗಿದೆ,(ಏಜೆನ್ಸೀಸ್​).