2 ಗಂಟೆ ಹುಡುಕಿದರೂ ಸಿಗದ ಗಾಂಜಾ; ಸೀಟಿ ಹೊಡೆದು ಪೊಲೀಸರಿಗೆ ಸಾಕ್ಷಿ ಹುಡುಕಿಕೊಟ್ಟ ಕುಕ್ಕರ್​!.. Kerala cannabis in Pressure cooker

ಆಡುಪ್ಪುಟ್ಟಿ ಗ್ರಾಮದ 40 ವರ್ಷದ ಬಿನೀಶ್​​​​​​ ಎಂಬುವವರ ಮನೆಯಲ್ಲಿ ಗಾಂಜಾ ಇದೆ ಎಂದು ಗೌಪ್ಯ ಮಾಹಿತಿ ಬಂದ ಹಿನ್ನೆಲೆ ಮಾದಕ ದ್ರವ್ಯ ಕಾರ್ಯಾಚರಣೆ ತಂಡವು ಆರೋಪಿ ಮನೆಗೆ ನುಗ್ಗಿ ಕಾರ್ಯಾಚರಣೆ ಆರಂಭಿಸಿತ್ತು. ಆದರೆ, ಎರಡು ಗಂಟೆ ಹುಡುಕಿದರು ಏನೂ ಸಿಕ್ಕಿರಲಿಲ್ಲ ಎಂದು ಕುನ್ನಂಕುಲಂ ಸಬ್ ಇನ್ಸ್‌ಪೆಕ್ಟರ್ ರಾಕೇಶ್ ಹೇಳಿದರು.

ನಾವು ಬರುವುದನ್ನು ಕಂಡ ಆರೋಪಿ ಕುಕ್ಕರ್​​ನಲ್ಲಿ 401 ಗ್ರಾಂ ಗಾಂಜಾ ಇಟ್ಟು ನಮ್ಮ ಮುಂದೆ ನಿಂತಿದ್ದ ನಾವು ಎರಡು ಗಂಟೆ ಹುಡುಕಾಡಿದೆವು ಸಿಗಲಿಲ್ಲ. ತಪ್ಪಾದ ಜಾಗಕ್ಕೆ ಬಂದೆವು ಎನ್ನುಕೊಳ್ಳುತ್ತಾ ಹೊರಗೆ ಹೊರಟಾಗ ಕುಕ್ಕರ್​​ನ ಸೀಟಿ ಹೊಡೆದುಕೊಂಡಿತು. ಆಗ ಅದರಿಂದ ಹೊರಬಂದಿದ್ದು ಅನ್ನ ಬೆಂದ ವಾಸನೆಯಲ್ಲ ಬದಲಾಗಿ ಗಾಂಜಾದ ವಾಸನೆ ಎಂದು ರಾಕೇಶ್ ಹೇಳಿದರು.

ತಕ್ಷಣ ಕಾರ್ಯ ಪ್ರವೃತ್ತರಾಗಿ ಕುಕ್ಕರ್​ ತೆರೆದು ನೋಡಿದಾಗ ಅದರಲ್ಲಿ 401 ಗ್ರಾಂ ಗಾಂಜಾವನ್ನು ನೀರಿನಲ್ಲಿ ಪ್ಯಾಕ್​ ಮಾಡಿ ಕುಕ್ಕರ್​ನಲ್ಲಿ ಮುಚ್ಚಿಟ್ಟಿದ್ದ. ಸದ್ಯ ಆತನನ್ನು ಬಂಧಿಸಲಾಗಿದೆ. ಕಾನೂನು ಕ್ರಮಗಳನ್ನು ಕೈಗೊಳ್ಳಲಾಗುತ್ತದೆ ಎಂದು ಹೇಳಿದ್ದಾರೆ. ಜೊತೆಗೆ ಈ ಹಿಂದೆ ಭಾಗಿಯಾಗಿದ್ದ ಎರಡು ಪ್ರಕರಣಗಳ ಸಂಬಂಧ ಆತನನ್ನು ಬಂಧಿಸಲಾಗಿದೆ. ಅಬಕಾರಿ ಇನ್ಸ್‌ಪೆಕ್ಟರ್ ಮತ್ತು ತಂಡಕ್ಕೆ ಚಾಕು ತೋರಿಸಿ ಬೆದರಿಕೆ ಹಾಕಿದ ಪ್ರತ್ಯೇಕ ಘಟನೆಯಲ್ಲೂ ಆತನನ್ನು ಆರೋಪಿಯನ್ನಾಗಿ ಹೆಸರಿಸಲಾಗಿದೆ ಎಂದರು, (ಏಜೆನ್ಸೀಸ್).