1.5 ವರ್ಷದ ಪ್ರೀತಿ, ಬೆಸ್ಟ್​​ ಫ್ರೆಂಡ್ ಜೊತೆಗೆ ಪ್ರಿಯಕರನ ಡೇಟಿಂಗ್; ಪ್ರೇಮ ವೈಫಲ್ಯದ ಕತೆ ಬಿಚ್ಚಿಟ್ಟ ಮಳೆಯಲ್ಲಿ ನೆಂದ ಡೈರಿ

hustleradiii7001 ಎಂಬ ಇನ್​​ಸ್ಟಾಗ್ರಾಮ್​ ಖಾತೆಯಿಂದ ವಿಡಿಯೋ ಹಂಚಿಕೊಳ್ಳಲಾಗಿದೆ. ಇದರಲ್ಲಿ ಅವರು ಬರೆದುಕೊಂಡಿರುವುದು ಹೀಗೆ, ಎಂಥಾ ಪ್ರೀತಿ ಗುರು. ನಿಜವಾಗಿಯೂ ಪ್ರೀತಿ ಮಾಡುವವರು ಹೀಗೆ ಇರುತ್ತಾರೆ. ಕಷ್ಟಪಟ್ಟು ತನ್ನ ಕೌಶಲ್ಯ ಬಳಸಿ ಇಷ್ಟೆಲ್ಲ ವಿಶೇಷವಾಗಿ ಕೈಚಳಕ ತೋರಿಸಿರುವ ಯುವತಿ ಯಾರು ಎಂದು ತಿಳಿಯುವವರೆಗೂ ಈ ವಿಡಿಯೋ ಶೇರ್​ ಮಾಡಿ ಎಂದಿದ್ದಾರೆ.

ಒದ್ದೆಯಾದ ಪುಸ್ತಕವನ್ನು ನಿಧಾನವಾಗಿ ಹಾಳೆಗಳನ್ನು ತೆರೆಯುವ ಅವರು ಅದರಲ್ಲಿ ಪ್ರತಿ ಪೇಜಿನಲ್ಲೂ ಡೈರಿ ಮಿಲ್ಕ್​​ ತಿಂದ ರ್ಯಾಪರ್​​, ಅದರ ಗೋಲ್ಡನ್​ ಶೀಟ್​ ಅನ್ನು ಹಾರ್ಟ್​ ರೂಪದಲ್ಲಿ ಕತ್ತರಿಸಿ ಹಂಟಿಸಲಾಗಿದೆ. ಮೈ ಹಾರ್ಟ್​ ಇಸ್ ಆಲ್ವೇಸ್ ವಿಲ್​ ಬಿ ಯುವರ್ಸ್​​(ನನ್ನ ಹೃದಯ, ಪ್ರೀತಿ ಎಂದಿಗೂ ನಿನ್ನದಷ್ಟೇ) ಎಂದು ಬರೆದುಕೊಂಡಿದ್ದಾರೆ.

ಮೊಹಬತ್​​ ನು ಹೋ ತೇರಾ ನಾಲ್​ ಜೋ ಕರ್ದೆ ಆನ್​ (ನಿನಗೆ ನನ್ನ ಮೇಲಿರುವ ಪ್ರೀತಿಯನ್ನು ಒಪ್ಪಿಕೊಳ್ಳುತ್ತಿದ್ದೇನೆ). ಆಪ್​ ಮಾನೋ ಯಾ ಮತ್ ಮಾನೋ ಲೇಕಿನ್ ಆಪ್ಕ ದಿಲ್​ ನಹಿ ಲಗ್ತಾ ಯಾರ್​ (ನೀವು ನಂಬುತ್ತೀರೋ ಇಲ್ಲವೋ ನಿಮ್ಮ ಮನಸ್ಸು ನೆಮ್ಮದಿಯಾಗಿಲ್ಲ ಗೆಳೆಯಾ ) ಎಂದು ಹಾಳೆಯಲ್ಲಿ ಬರೆಯಲಾಗಿದೆ. ಇದಷ್ಟೇ ಅಲ್ಲದೆ, ಕಿಟ್​ಕ್ಯಾಟ್, ಹರ್ಷೀಸ್​ ಸೇರಿದಂತೆ ನಾನಾ ರೀತಿಯ ಚಾಕೋಲೇಟ್ ಪೇಪರ್​​ ಅಂಟಿಸಿದ್ದಾರೆ. ಅದರಲ್ಲಿ ಪ್ರಣಯಗೀತೆ, ಕವನ, ಪದ್ಯ ಬರೆಯಲಾಗಿದೆ. ಇದು ಒಬ್ಬ ಯುವತಿ ತನ್ನ ಗೆಳೆಯನಿಗಾಗಿ ಬರೆದಿದ್ದಾರೆ. ಸಾಕಷ್ಟು ಶ್ರಮ ವಹಿಸಿದ್ದಾಳೆ ಎಂದು ಇನ್​​ಸ್ಟಾಗ್ರಾಮ್​ ಬಳಕೆದಾರ ಆದಿತ್ಯ ಹೇಳಿದ್ದಾರೆ.

8 ದಿನಗಳ ಹಿಂದೆಯಷ್ಟೇ ಇದನ್ನು ಎಸೆದಿದ್ದೆ. ಕೊನೆಗೂ ನಮ್ಮ 1.5 ವರ್ಷಗಳ ಸಂಬಂಧ ಮುರಿದು ಬಿತ್ತು. ಅವನು ನನ್ನ ಬೆಸ್ಟ್ ಫ್ರೆಂಡ್ ಜೊತೆ ಡೇಟಿಂಗ್ ಮಾಡುತ್ತಿದ್ದ. ಅಷ್ಟೇ ಅಲ್ಲ, ಅವನು ನನಗೆ ಯಾವಾಗ ಚಾಕೊಲೇಟ್ ತಂದುಕೊಟ್ಟರೂ, ಅವಳಿಗೂ ಒಂದನ್ನು ತರುತ್ತಿದ್ದ. ನಾನು ಈ ಡೈರಿಯನ್ನು ಎಸೆಯಲು ಇದೊಂದೇ ಕಾರಣ, ಇದರಿಂದಲಾದರೂ ನಾನು ಆ ನೆನಪುಗಳಿಂದ ಹೊರಬರಬಹುದು ಎಂದುಕೊಂಡೆ.

ಸರಿಯಾಗಿ ಹುಡುಕಿ ನೋಡಿ, ಅದರೊಳಗೆ ನಿಮಗೊಂದು ಹಳದಿ ಕಲ್ಲಿನ ಆಂಟಿ-ಟಾರ್ನಿಶ್ಡ್ (ಬಣ್ಣಗೆಡದ) ಉಂಗುರ ಮತ್ತು ಚೌಕಾಕಾರದ ನೀಲಿ ಕಲ್ಲಿನ ಪೆಂಡೆಂಟ್ ಸಿಗುತ್ತದೆ. ಮತ್ತು ದಯವಿಟ್ಟು ಈ ರೀಲ್ ಅನ್ನು ಡಿಲೀಟ್ ಮಾಡಿ, ಈ ರೀತಿ ಯಾರದ್ದೋ ವೈಯಕ್ತಿಕ ವಿಚಾರವನ್ನು ಎಲ್ಲರ ಮುಂದೆ ತರುವುದು ಸರಿಯಲ್ಲ. ಎದು ಪುಸ್ತಕ ಎಸೆದಿದ್ದ ಹುಡುಗಿ ಎನ್ನುವಂತೆ ಕಾಮೆಂಟ್ ಮಾಡಿದ ಮಿಸ್ ಪ್ರಿಯಾಂಕ ತ್ರಿಪಾಠಿ ಹೇಳಿಕೊಂಡಿದ್ದಾಳೆ, (ಏಜೆನ್ಸೀಸ್).