ಬ್ರ್ಯಾಂಡ್ ಅಂದ್ರೆ ಬಾಳಿಕೆ ಅಂದುಕೊಂಡ್ರಾ...? 14 ಸಾವಿರದ ಈ ಶೂ ಕಥೆ ಕೇಳಿದ್ರೆ ಬೆಚ್ಚಿಬೀಳ್ತೀರಾ! Birken stock Shoes

ರಾಕೇಶ್ ಅವರಿಗೆ ಶೂ ಬಗ್ಗೆ ಆಸಕ್ತಿ ಇದ್ದ ಕಾರಣ ಅವರು ದೆಹಲಿಯ ಡಿಎಲ್‌ಎಫ್ ಪ್ರೊಮೆನೇಡ್‌ನಲ್ಲಿರುವ ಬ್ರ್ಯಾಂಡ್‌ನ ಔಟ್‌ಲೆಟ್‌ನಲ್ಲಿ ಬಿರ್ಕೆನ್‌ಸ್ಟಾಕ್ ಶೂಗಳ ಮೇಲೆ ಹೂಡಿಕೆ ಮಾಡಲು ನಿರ್ಧರಿಸಿದರು. ಈ ಶೂಗಳ ಬೆಲೆ ಸರಿಸುಮಾರು 14000 ರೂ ಆಗಿದ್ದು, ಅವುಗಳನ್ನು ರಿಯಾಯಿತಿ ದರದಲ್ಲಿ 10,000 ಕ್ಕೆ ಪಡೆದುಕೊಂಡರು. 

ಆದಾಗ್ಯೂ, ಅವರು ಆರು ತಿಂಗಳ ನಂತರ ತಮ್ಮ ಶೂಗಳು ಹೊಲಿಗೆ ಬಿಟ್ಟಿರುವುದನ್ನು ಗಮನಿಸಿದರು. ಇದರಿಂದ ಕಂಗಾಲಾದ ಅವರು ದೂರು ನೀಡಲು ಔಟ್ಲೆಟ್​ಗೆ ಹೋದರು. ಆದರೆ, ಬ್ರಾಂಡ್​ ಇದಕ್ಕೆ ಮೂರು ತಿಂಗಳ ಗ್ಯಾರಂಟಿ ಇರುವುದರಿಂದ ನಿಮಗೆ ಸಹಾಯ ಮಾಡಲು ಸಾಧ್ಯವಿಲ್ಲ ಎಂದು ಹೇಳಿದರು. 

ಯಾವುದೇ ಕ್ಷಮೆಯಾಚನೆ, ಭರವಸೆ ಮತ್ತು ಯಾವುದೇ ಪರಿಹಾರವಿಲ್ಲದೇ ವಾಪಾಸ್ಸು ಕಳುಹಿಸಿರುವುದಾಗಿ ರಾಕೇಶ್ ವಿಡಿಯೋದಲ್ಲಿ ಹಂಚಿಕೊಂಡಿದ್ದಾರೆ. 

ಅಂತಿಮವಾಗಿ ಬೇರೆ ದಾರಿ ಕಾಣದೆ, ರಾಕೇಶ್ ಆ ದುಬಾರಿ ಶೂಗಳನ್ನು ಒಬ್ಬ ಸ್ಥಳೀಯ ಚಮ್ಮಾರನ ಬಳಿಗೆ ಕೊಂಡೊಯ್ದರು. ಅವರು ಕೆಲವೇ ನಿಮಿಷಗಳಲ್ಲಿ ಅತ್ಯಂತ ಸುಲಭವಾಗಿ ದುರಸ್ತಿ ಮಾಡಿಕೊಟ್ಟರು. ಅಂದಿನಿಂದ ರಾಕೇಶ್ ಮತ್ತೆ ಆ ಶೂಗಳನ್ನು ಆರಾಮವಾಗಿ ಬಳಸಲು ಪ್ರಾರಂಭಿಸಿದರು.

ಆದರೆ, ನಾಲ್ಕು ತಿಂಗಳ ನಂತರ ಶೂಗಳ ಸುತ್ತಲೂ ಧೂಳು ಇರುವುದನ್ನು ಗಮನಿಸಿದ ರಾಕೇಶ್​ ಆ ಶೂಗಳ ಪಾದದ ಹಾಸಿಗೆಗಳು ಅಕ್ಷರಶಃ ಪುಡಿಯಾಗಿ ವಿಭಜನೆಯಾಗುತ್ತಿವೆ ಎಂಬುದನ್ನು ಅರಿತುಕೊಂಡರಿವುದಾಗಿ ಹಂಚಿಕೊಂಡಿದ್ದಾರೆ. 

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಬಿರ್ಕೆನ್‌ಸ್ಟಾಕ್ ಪ್ರತಿಕ್ರಿಯಿಸಿದ್ದು, ದಯವಿಟ್ಟು ನಿಮ್ಮ ಇನ್​ಬಾಕ್ಸ್​ ಪರಿಶೀಲಿಸಿ ಮತ್ತು ವಿನಂತಿಸಿದ ವಿವರಗಳನ್ನು ಹಂಚಿಕೊಳ್ಳಿ. ಇದರಿಂದ ನಿಮ್ಮ ಆದ್ಯತೆ ಮೇರೆಗೆ ಪರಿಶೀಲಿಸಬಹುದು ಎಂದು ಬರೆದಿದ್ದಾರೆ. ಒಬ್ಬ ಬಳಕೆದಾರರು ಭಾರತದಲ್ಲಿ ಕಡಿಮೆ ಗುಣಮಟ್ಟದ ವಸ್ತುಗಳನ್ನು ಮಾರಾಟ ಮಾಡುತ್ತಾರೆ ಎಂದು ಕಾಮೆಂಟ್​ ಮಾಡಿದ್ದಾರೆ (ಏಜೆನ್ಸೀಸ್​).