ಪ್ರಿಂಟಿಂಗ್ ಪ್ರೆಸ್ ನೌಕರರಿಗೆ ಫ್ಲಾಟ್​ ​ ಕೊಡಿಸುವ ಆಮಿಷವೊಡ್ಡಿ ಮಹಾರಾಷ್ಟ್ರ TET ಪೇಪರ್ ಲೀಕ್ ಆರೋಪ​​: ಬಿಹಾರದಲ್ಲಿ ಪ್ರಮುಖ ಆರೋಪಿ ಬಂಧನ

ಬಿಜೇಂದ್ರ ಗುಪ್ತಾ ಪತ್ನಿ ಸುಮನ್ ಗುಪ್ತಳನ್ನು ವಿಶೇಷ ತನಿಖಾ ತಂಡ ಬಂಧಿಸಿತ್ತು. ಈ ಜಾಲದ ಹಣಕಾಸು ವ್ಯವಹಾರಗಳನ್ನು ನಿರ್ವಹಿಸಲು ಮತ್ತು ಪತಿ ತಲೆಮರೆಸಿಕೊಳ್ಳಲು ಅವಳು ಸಹಾಯ ಮಾಡಿದ್ದಾಳೆ ಎಂದು ಪೊಲೀಸರು ಆರೋಪಿಸಿದ್ದರು. ಗುಪ್ತಾ ವಿರುದ್ಧ ಪೊಲೀಸರು ಲುಕ್-ಔಟ್ ಹೊರಡಿಸಿದ್ದರು. ಅಲ್ಲದೆ, ಉತ್ತರ ಪ್ರದೇಶ, ಬಿಹಾರ ಮತ್ತು ಒಡಿಶಾದಲ್ಲೂ ಪರೀಕ್ಷಾ ಪ್ರಶ್ನೆ ಪತ್ರಿಕೆ ಸೋರಿಕೆ ಪ್ರಕರಣಗಳಲ್ಲಿ ಆತ ಆರೋಪಿಯಾಗಿದ್ದು, ಒಡಿಶಾ ಪ್ರಕರಣದಲ್ಲಿ ಜಾಮೀನಿನ ಮೇಲೆ ಹೊರಗಿದ್ದನು.

ಮಹಾರಾಷ್ಟ್ರ TET 2026 ಪೇಪರ್ ಸೋರಿಕೆ ಪ್ರಕರಣವನ್ನು ತನಿಖೆ ಮಾಡುತ್ತಿರುವ ವಿಶೇಷ ತನಿಖಾ ಪ್ರಮುಖ ಆರೋಪಿ ಗುಪ್ತನು ಆ Agra ಮೂಲದ ಮುದ್ರಣಾಲಯದ ಇಬ್ಬರು ನೌಕರರಿಗೆ ತಲಾ ಒಂದು ಪ್ಲಾಟ್ ನೀಡುವುದಾಗಿ ಆಮಿಷ ಒಡ್ಡಿ ಪತ್ರಗಳನ್ನು ಸೋರಿಕೆ ಮಾಡಲು ಪ್ರೇರೇಪಿಸಿದ್ದಾನೆ ಎಂದು ಈ ವಾರ ಬಹಿರಂಗಪಡಿಸಿದೆ.ಮದ್ಯದ ಪಾರ್ಟಿ"ಗಾಗಿ ತಲಾ 8,000 ರೂಪಾಯಿಗಳನ್ನು ನೀಡಿದ್ದಾನೆ ಎನ್ನಲಾಗಿದೆ.

ಪೊಲೀಸರ ಪ್ರಕಾರ,ಬಾಬುಲಾಲ್ ಕುಶ್ವಾಹ ಮತ್ತು ನರೇಶ್ ಕುಮಾರ್ ಅವರು ಮುದ್ರಣಾಲಯದ ಭದ್ರತಾ ಲೋಪಗಳನ್ನು ದುರುಪಯೋಗಪಡಿಸಿಕೊಂಡು, ಮಹಾರಾಷ್ಟ್ರಕ್ಕೆ ಕಳುಹಿಸುವ ಮುನ್ನವೇ ಎಲ್ಲಾ ನಾಲ್ಕು ಸೆಟ್ TET ಪ್ರಶ್ನೆ ಪತ್ರಿಕೆಗಳನ್ನು ಕಳವು ಮಾಡಿದ್ದರು. ನಂತರ ಆ ಪತ್ರಿಕೆಗಳನ್ನು ಗುಪ್ತಾನ ನೆಟ್‌ವರ್ಕ್ ಮೂಲಕ ಆತನಿಗೆ ತಲುಪಿಸಲಾಗಿತ್ತು.

ಅರೆಸ್ಟ್ ಆಗಿರುವ ಕಪಿಲ್ ದಹಿಯಾ ಎಂಬಾತನ ಮೂಲಕ, ಸೋರಿಕೆಯಾದ ಪತ್ರಿಕೆಗಳನ್ನು ಪುಣೆಯ ವ್ಯಕ್ತಿಯೊಬ್ಬನಿಗೆ ಮಾರಾಟ ಮಾಡಲು ಗುಪ್ತಾ ಒಪ್ಪಂದ ಮಾಡಿಕೊಂಡಿದ್ದಾಗಿ ತನಿಖೆಯಿಂದ ತಿಳಿದುಬಂದಿದೆ. ಜೂನ್ 28ರ ಪರೀಕ್ಷೆಗೂ ಮುನ್ನ ಸೋರಿಕೆಯಾದ ಪ್ರಶ್ನೆ ಪತ್ರಿಕೆಗಳನ್ನು ಖರೀದಿಸಲು ಸಿದ್ಧರಿದ್ದ ಸುಮಾರು 50 ಆಕಾಂಕ್ಷಿಗಳೊಂದಿಗೆ ಶಂಕಿತ ವ್ಯಕ್ತಿಯು ಸಂಪರ್ಕದಲ್ಲಿದ್ದನೆಂದು ಪೊಲೀಸರು ತಿಳಿಸಿದ್ದಾರೆ, (ಏಜೆನ್ಸೀಸ್).