ಬಂಗಾರ ಕೊಳ್ಳೋರಿಗೆ ಲಕ್..! ಬೆಳ್ಳಿ ಪ್ರೀಯರಿಗೆ ಶಾಕ್, ಚಿನ್ನ ಖರೀದಿಸಲು ಇದುವೇ ಗೋಲ್ಡನ್ ಟೈಮ್..? Gold-Silver Price

ಮೂರು ದಿನಗಳ ಇಳಿಕೆಗೆ ಬ್ರೇಕ್ ಹಾಕಿರುವ ಬೆಳ್ಳಿಯು ಈಗ ಪ್ರತಿ ಕೆಜಿಗೆ 2.46 ಲಕ್ಷ ರೂಪಾಯಿಗೆ ತಲುಪಿದೆ. ಜಾಗತಿಕ ಮಾರುಕಟ್ಟೆಯಲ್ಲಿ ಬೇಡಿಕೆ ಹೆಚ್ಚಾಗಿರುವುದು ಮತ್ತು ಕಡಿಮೆ ಬೆಲೆಯಲ್ಲಿ ಹೂಡಿಕೆದಾರರು ಹೆಚ್ಚಿನ ಆಸಕ್ತಿ ತೋರಿರುವುದು ಈ ಬೆಲೆ ಏರಿಕೆಗೆ ಪ್ರಮುಖ ಕಾರಣ ಎಂದು ಮಾರುಕಟ್ಟೆ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.

ಲೆಮನ್ ಮಾರ್ಕೆಟ್ಸ್ ಡೆಸ್ಕ್‌ನ ಸಂಶೋಧನಾ ವಿಶ್ಲೇಷಕ ಗೌರವ್ ಗರ್ಗ್ ಮಾತನಾಡಿ, ಕಳೆದ ಕೆಲವು ದಿನಗಳ ಭಾರಿ ಕುಸಿತದ ನಂತರ ಬೆಳ್ಳಿ ಬೆಲೆ ಬುಧವಾರ ಸ್ಥಿರತೆಯನ್ನು ಕಂಡುಕೊಂಡಿದೆ. ಕಡಿಮೆ ಮಟ್ಟದಲ್ಲಿ ಹೂಡಿಕೆದಾರರು ಖರೀದಿಗೆ ಮುಂದಾಗಿರುವುದು ಮಾರುಕಟ್ಟೆಗೆ ಚೈತನ್ಯ ನೀಡಿದೆ ಎಂದು ತಿಳಿಸಿದ್ದಾರೆ.

ಬೆಳ್ಳಿ ಬೆಲೆ ಏರಿಕೆಯಾಗಿದ್ದರೆ, ಇತ್ತ ಚಿನ್ನದ ಬೆಲೆಯಲ್ಲಿ ಇಂದೂ ಕೂಡ ಕುಸಿತ ಮುಂದುವರಿದಿದೆ. ಇದು ಗ್ರಾಹಕರಿಗೆ ದೊಡ್ಡ ಸಮಾಧಾನ ತಂದಿದೆ.

ದರ ಇಳಿಕೆ: 99.9 ಪ್ರತಿಶತ ಶುದ್ಧತೆಯ ಚಿನ್ನದ ಬೆಲೆ ಪ್ರತಿ 10 ಗ್ರಾಂಗೆ 300 ರೂಪಾಯಿ ಕುಸಿದಿದೆ.

ಇಂದಿನ ಬೆಲೆ: ಎಲ್ಲಾ ತೆರಿಗೆಗಳು ಸೇರಿದಂತೆ 10 ಗ್ರಾಂ ಅಪರಂಜಿ ಚಿನ್ನದ ಬೆಲೆ ಈಗ 1,56,700 ರೂಪಾಯಿಗೆ ತಲುಪಿದೆ.

ಫೆಬ್ರವರಿ 1ರ ಬಜೆಟ್ ನಂತರ ಚಿನ್ನ ಮತ್ತು ಬೆಳ್ಳಿ ಬೆಲೆಗಳಲ್ಲಿ ಭಾರಿ ಏರಿಳಿತಗಳು ಕಂಡುಬರುತ್ತಿವೆ. ಬೆಳ್ಳಿಯು ಕೈಗಾರಿಕಾ ಬೇಡಿಕೆಯ ಮೇಲೆ ಏರಿಕೆಯ ಹಾದಿ ಹಿಡಿದಿದ್ದರೆ, ಚಿನ್ನವು ಜಾಗತಿಕ ಹಣದುಬ್ಬರ ಮತ್ತು ಹೂಡಿಕೆದಾರರ ಒಲವಿನ ಮೇಲೆ ಸ್ವಲ್ಪ ಮಟ್ಟಿಗೆ ಇಳಿಕೆ ಕಾಣುತ್ತಿದೆ. ಮದುವೆ ಸೀಸನ್ ಆರಂಭವಾಗುತ್ತಿರುವುದರಿಂದ ಮುಂದಿನ ದಿನಗಳಲ್ಲಿ ಈ ಲೋಹಗಳ ಬೇಡಿಕೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ,(ಏಜೆನ್ಸೀಸ್).