ಪತ್ನಿ ಕೊಂದು ತಂಗಿಗೂ ಗುಂಡಿಕ್ಕಿದೆ: ಲಕ್ನೋ ಹತ್ಯಾಕಾಂಡದ ಬೆನ್ನಲ್ಲೇ ವೈರಲ್ ಆಯ್ತು ಆರೋಪಿಯ ಸ್ಟೇಟಸ್! Lucknow Crime

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಉದ್ಯೋಗಿಯಾಗಿದ್ದ ಮಾನಸ್ ಬಾಜಪೇಯಿ ಎಂಬಾತ, ಐಸಿಐಸಿಐ (ICICI) ಬ್ಯಾಂಕ್‌ನಲ್ಲಿ ಸಹಾಯಕ ವ್ಯವಸ್ಥಾಪಕಿಯಾಗಿದ್ದ ತನ್ನ ಪತ್ನಿ ದಿವ್ಯಾ ಮಿಶ್ರಾ ಅವರನ್ನು ಮಾತನಾಡಿಸುವ ನೆಪದಲ್ಲಿ ಬ್ಯಾಂಕ್​ನಿಂದ ಹೊರಗಡೆ ಕರೆಸಿದ್ದಾನೆ. ನಂತರ ಆಕೆಯ ಮೇಲೆ ಗನ್​ ತೆಗೆದುಕೊಂಡು ಗುಂಡು ಹಾರಿಸಿದ್ದಾನೆ.  

ದೊಡ್ಡ ಮಟ್ಟದ ವಿವಾದಕ್ಕೆ ಕಾರಣವಾಗಿರುವ ಈ ಕೃತ್ಯ ಎಸಗಿದ ನಂತರ ಮಾನಸ್​ ವಾಟ್ಸಾಪ್​ ಸ್ಟೇಟಸ್​ನಲ್ಲಿ ನನ್ನ ಪತ್ನಿ ನನಗೆ ಮೋಸ ಮಾಡಿದ್ದಾಳೆ, ಹಾಗಾಗಿ ಆಕೆಯನ್ನು ಕೊಂದಿದ್ದೇನೆ. ಈಗ ನಾನು ನನ್ನ ತಂಗಿಯನ್ನು ಕೊಂದು ನಾನೂ ಆತ್ಮಹತ್ಯೆ ಮಾಡಿಕೊಳ್ಳುತ್ತಿದ್ದೇನೆ. ದಿವ್ಯಾಳ ಸಹೋದರಿ, ಮಾಧ್ಯಮದ ಪ್ರಗ್ಯಾ ಮಿಶ್ರಾ ಹಾಗೂ ಭರತ್‌ಗೆ ಇದೆಲ್ಲವೂ ತಿಳಿದಿದೆ ಎಂದು ಬರೆದುಕೊಂಡಿದ್ದರು. 

ಪತ್ನಿಯ ಮೇಲೆ ದಾಳಿ ನಡೆಸಿದ ನಂತರ ಹುಸರಿಯಾ ಪ್ರದೇಶಕ್ಕೆ ತೆರಳಿದ ಮಾನಸ್, ಅಲ್ಲಿ ಅವನ ಸಹೋದರಿ ಶೀಬಾ ಬಾಜಪೇಯಿ ಮೇಲೆ ಗುಂಡು ಹಾರಿಸಿದ್ದಾನೆ. ನಂತರ ಅದೇ ಆಯುಧದಿಂದ ತನಗೂ ಗುಂಡಿಕ್ಕಿಕೊಂಡು ಸ್ಥಳದಲ್ಲೇ ಪ್ರಾಣ ಬಿಟ್ಟಿದ್ದಾನೆ.

ಈ ಘಟನೆ ಸಂಭವಿಸುತ್ತಿದ್ದಂತೆಯೇ ಸ್ಥಳಕ್ಕೆ ಆಗಮಿಸಿದ ವಿಧಿವಿಜ್ಞಾನ ಪ್ರಯೋಗಾಲಯ (FSC) ತಂಡ ಹಾಗೂ ಉನ್ನತ ಪೊಲೀಸ್ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ದಂಪತಿಗಳ ನಡುವೆ ಕೆಲವು ವರ್ಷಗಳಿಂದ ವೈವಾಹಿಕ ಜೀವನದಲ್ಲಿ ಭಿನ್ನಾಭಿಪ್ರಾಯವಿತ್ತು. ಆ ಸಮಯದಲ್ಲಿ ದಿವ್ಯಾ ಅವರು ವಿಚ್ಛೇದನ ಕೋರಿ ನ್ಯಾಯಾಲಯದ ಮೆಟ್ಟಿಲೇರಿದ್ದರು ಎಂದು ತಿಳಿದುಬಂದಿದೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಿಸಿಟಿವಿ ದೃಶ್ಯಾವಳಿ, ಕರೆ ದಾಖಲೆಗಳು ಹಾಗೂ ಸಾಮಾಜಿಕ ಜಾಲತಾಣಗಳ ಡಿಜಿಟಲ್ ಸಾಕ್ಷ್ಯಗಳನ್ನು ಪೊಲೀಸರು ವಶಕ್ಕೆ ಪಡೆದು ತನಿಖೆ ನಡೆಸುತ್ತಿದ್ದಾರೆ (ಏಜೆನ್ಸೀಸ್​).