ಕಾಂಗ್ರೆಸ್​​ ಕಚೇರಿಯಲ್ಲಿ 72 ದುಬಾರಿ ನಲ್ಲಿಗಳ ಕಳ್ಳತನ; ಧೂಳಿನ ಮೇಲೆ I LOVE YOU ಎಂದು ಬರೆದು ಖತರ್ನಾಕ್​ ಖದೀಮ ಪರಾರಿ

ಸುರ್ಗುಜಾ ಜಿಲ್ಲೆಯ ಅಂಬಿಕಾಪುರದ ರಾಜೀವ್​ ಭವನದಲ್ಲಿದ್ದ 73 ನಲ್ಲಿಗಳನ್ನು ಕಳ್ಳರು ಕದ್ದಿದ್ದಾರೆ ಎಂದು ಕಾಂಗ್ರೆಸ್​​ನ ಹಿರಿಯ ನಾಯಕ ಬಾಲಕೃಷ್ಣ ಪಾಠಕ್ ಘಟನಾ ಸ್ಥಳಕ್ಕೆ ಭೇಟಿ ಕೊಟ್ಟ ನಂತರ, ಅಲ್ಲಿನ ಸ್ಥಿತಿ ಬಗ್ಗೆ ಮಾಧ್ಯಮಗಳ ಮುಂದೆ ಮಾಹಿತಿ ಹಂಚಿಕೊಂಡಿದ್ದಾರೆ.

ಪಕ್ಷದ ಕಚೇರಿ ಹಲವಾರು ದಿನದಿಂದ ತೆರೆಯದ ಕಾರಣಕ್ಕೋ ಅಥವಾ ಸ್ವಚ್ಛ ಮಾಡದ ಕಾರಣಕ್ಕೋ ನೆಲದ ಮೇಲೆ ಧೂಳು ತುಂಬಿತ್ತು ಈ ವೇಳೆ ಕಳ್ಳತನಕ್ಕೆ ಬಂದವನು, ಕಚೇರಿಯ ವಾಶ್​ ರೂಂ ಬೇಸಿನ್​ಗಳು, ಫ್ಲಶ್​ ಟ್ಯಾಂಕ್​​ಗಳಿಗೆ ಅಳವಡಿಸಿದ್ದ ನಲ್ಲಿ ಕಳ್ಳತನ ಮಾಡಿ ಪೈಪ್​​ಗಳನ್ನು ಅಲ್ಲಲ್ಲೇ ಬಿಸಾಡಿ ಹೋಗಿದ್ದ ಎನ್ನಲಾಗಿದೆ.

ಕಳ್ಳತನದ ಹಿಂದೆ ಮಾದಕ ವ್ಯಸನಿಗಳು ಅಥವಾ ನಮ್ಮ ವಿರೋಧ ಪಕ್ಷಗಳದ್ದೇ ಕೈವಾಡವಿರಬೇಕು ಎಂದು ಜಿಲ್ಲಾ ಕಾಂಗ್ರೆಸ್​ ಮುಖ್ಯಸ್ಥ ಬಾಲಕೃಷ್ಣ ಪಾಠಕ್ ಶಂಕಿಸಿದ್ದಾರೆ. ರಾಜೀವ್​ ಭವನದಲ್ಲಿ ಇದು ಮೂರನೇ ಬಾರಿಗೆ ನಡೆಯುತ್ತಿರುವ ಕಳ್ಳತನವಾಗಿದೆ. 73 ನಳಗಳನ್ನು ಕಳ್ಳತನ ಮಾಡಿರುವುದು ಕಂಡರೆ ಮದ್ಯಪಾನಿಗಳು ದುಡ್ಡಿಗಾಗಿ ಹೀಗೆ ಮಾಡಿದ್ದಾರೆ ಎನಿಸುತ್ತಿದೆ.