ತನ್ನ ತಂದೆ-ಅಣ್ಣಂದಿರು ಸೇರಿ ಬರ್ಬರವಾಗಿ ಹತ್ಯೆಗೈದರು ಪ್ರಿಯಕರನ ಶವದೊಂದಿಗೆ ಮದುವೆಯಾದ ಯುವತಿ! Love Lives

ಮುಂಬೈ: ತಮ್ಮ ಮಗಳನ್ನು ಪ್ರೀತಿ ಮಾಡಿದ ಎಂಬ ಕಾರಣಕ್ಕೆ ಯುವಕನೊಬ್ಬನನ್ನು ಬರ್ಬರವಾಗಿ ಹತ್ಯೆ ಮಾಡಿರುವ ಆಘಾತಕಾರಿ ಘಟನೆ ಮಹಾರಾಷ್ಟ್ರದ ನಂದೇಡ್​ನಲ್ಲಿ ನಡೆದಿದೆ. ಈ ದುರಂತದ ನಡುವೆ ಮನಕಲಕುವ ಮತ್ತೊಂದು ಘಟನೆ ನಡೆದಿದ್ದು, ಯುವತಿ ತನ್ನ ಪ್ರಿಯಕರನ ಅಂತ್ಯಕ್ರಿಯೆ ಸಂದರ್ಭದಲ್ಲಿ ಹಣೆಗೆ ಕುಂಕುಮ ಇಟ್ಟುಕೊಂಡು, ಮದುವೆಯಾಗುವ ( Love Lives ) ಮೂಲಕ ತನ್ನ ಜೀವನ ಪೂರ್ತಿ ಆತನ ಮನೆಯಲ್ಲಿ ಸೊಸೆಯಾಗಿ ಬಾಳುವ ಪ್ರತಿಜ್ಞೆ ಮಾಡಿದ್ದಾಳೆ.

ಮೃತ ಯುವಕನನ್ನು ಸಕ್ಸಮ್​ ಟೇಟ್​ ಎಂದು ಗುರುತಿಸಲಾಗಿದೆ. ಯುವತಿ ಅಂಚಲ್​ಗೆ ತನ್ನ ಸಹೋದರರ ಮೂಲಕ ಸಕ್ಸಮ್​ ಪರಿಚಯವಾಯಿತು. ಆತನ ಮನೆಗೆ ಆಗಾಗ ಭೇಟಿ ನೀಡಿದ್ದರಿಂದ ಅವರಿಬ್ಬರ ನಡುವಿನ ಸ್ನೇಹ, ಪ್ರೀತಿಗೆ ತಿರುಗಿತು. ಮೂರು ವರ್ಷಗಳ ಕಾಲ ಅವರಿಬ್ಬರು ಪ್ರೇಮ ಪಕ್ಷಿಗಳಾಗಿ ಪ್ರೇಮಲೋಕದಲ್ಲಿ ಹಾರಾಡಿದರು. ಆದರೆ, ಅವರಿಬ್ಬರ ಪ್ರೀತಿಗೆ ಅಡ್ಡಿಯಾಗಿದ್ದು ಜಾತಿ. ಇತ್ತೀಚೆಗೆ ಜಾತಿ ವಿಚಾರಕ್ಕಾಗಿ ಅಂಚಲ್​ ಕುಟುಂಬದವರು ಪ್ರೀತಿಯನ್ನು ವಿರೋಧಿಸಿದರು.

ಅನೇಕ ಬಾರಿ ಬೆದರಿಕೆ ಹಾಕಿದರು ಕೂಡ ಅದ್ಯಾವುದನ್ನು ಲೆಕ್ಕಿಸದೇ ಅಂಚಲ್​, ಸಕ್ಸಮ್​ನನ್ನು ಆಗಾಗ ಭೇಟಿ ಮಾಡುತ್ತಿದ್ದಳು. ಸಕ್ಸಮ್​ನನ್ನು ಮದುವೆಯಾಗಲು ಅಂಚಲ್​ ಮುಂದಾಗಿದ್ದಾಳೆ ಎಂಬ ವಿಚಾರ ಆಕೆಯ ಸಹೋದರರು ಮತ್ತು ತಂದೆ ಗೊತ್ತಾದಾಗ, ಕಳೆದ ಗುರುವಾರ ಸಕ್ಸಮ್​ ಮೇಲೆ ಹಿಗ್ಗಾಮುಗ್ಗಾ ಹಲ್ಲೆ ಮಾಡಿದರು. ಅಷ್ಟೇ ಅಲ್ಲದೆ, ಆತನ ತಲೆಗೆ ಗುಂಡು ಹಾರಿಸಿ, ಕಲ್ಲಿನಿಂದ ಜಜ್ಜಿ ಬರ್ಬರವಾಗಿ ಕೊಲೆ ಮಾಡಿದರು.

ಭೀಕರವಾಗಿ ಕೊನೆಯುಸಿರೆಳೆದ ಸಕ್ಸಮ್​ ಅಂತ್ಯಕ್ರಿಯೆ ಇತ್ತೀಚೆಗೆ ನಡೆಯಿತು. ಈ ವೇಳೆ ಸಕ್ಸಮ್​ ಮನೆಗೆ ತೆರಳಿದ ಅಂಚಲ್​, ಆತನ ದೇಹಕ್ಕೆ ಅರಿಸಿನ ಹಚ್ಚಿ, ತನ್ನ ಹಣೆಗೆ ಕುಂಕುಮ ಇಟ್ಟುಕೊಂಡ ಪ್ರಿಯಕರ ಶವದ ಜೊತೆ ಮದುವೆ ಮಾಡಿಕೊಂಡಳು. ಅಲ್ಲದೆ, ತನ್ನ ಉಳಿದ ಜೀವನವನ್ನು ಆತನ ಹೆಂಡತಿಯಾಗಿ ಕಳೆಯಲು ನಿರ್ಧರಿಸಿದಳು.

ಸಕ್ಸಮ್​ ಮೃತಪಟ್ಟರು ನನ್ನ ಪ್ರೀತಿ ಗೆದ್ದಿದೆ ಮತ್ತು ನನ್ನ ತಂದೆ ಹಾಗೂ ಸಹೋದರು ಸೋತರು ಎಂದು ಅಂಚಲ್​ ಹೇಳಿದಳು. ಅಲ್ಲದೆ, ತನ್ನ ಪ್ರಿಯಕರನನ್ನು ಕೊಂದ ಕೊಲೆಗಡುಕರಿಗೆ ಮರಣದಂಡನೆ ವಿಧಿಸುವಂತೆ ಅಂಚಲ್​ ಆಗ್ರಹಿಸಿದರು. ಸದ್ಯ ವಿವಿಧ ಸೆಕ್ಷನ್​ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಆರು ಆರೋಪಿಗಳನ್ನು ಬಂಧಿಸಿದ್ದಾರೆ, (ಏಜೆನ್ಸೀಸ್​).