ಫಿಫಾ ಫೈನಲ್ ಕ್ರೇಜ್: ಕೇರಳದ ಶಾಲಾ-ಕಾಲೇಜುಗಳಿಗೆ ರಜೆ ಘೋಷಿಸಿದ ವಿ.ಡಿ ಸತೀಶನ್​ ಸರ್ಕಾರ! Kerala School Holiday for FIFA Final

ತಿರುವನಂತಪುರ: ಕೇರಳದವರಿಗೆ ಫುಟ್ಬಾಲ್​ ಎಂದರೆ ಅದು ಕೇವಲ ಕ್ರೀಡೆಯಲ್ಲ, ಅದೊಂದು ಅಲ್ಲಯ ಜನರ ಅವಿಭಾಜ್ಯ ಅಂಗ ಎಂದರೂ ತಪ್ಪಾಗದು. ಸ್ಥಳೀಯ ಮಟ್ಟದಲ್ಲಿ ನಡೆಯುವ ಕ್ಲಬ್​ ಪಂದ್ಯಗಳಿಂದ ಹಿಡಿದು, ಅಂತಾರಾಷ್ಟ್ರೀಯ ಮಟ್ಟದ ಪಂದ್ಯಗಳನ್ನು ತಪ್ಪದೇ ನೋಡುನ ಜನ ಎಂದರೆ ಅದು ಮಳಿಯಾಳಿಗಳಾಗಿದ್ದಾರೆ.

ಹೀಗಾಗಿ ಇಂದು ರಾತ್ರಿ (ಭಾನುವಾರ, ಜು.19) ನಡೆಯಲಿರುವ ವಿಶ್ವ ಪ್ರಸಿದ್ಧ ಫಿಫಾ ವಿಶ್ವಕಪ್ ಫೈನಲ್​​​ ಪಂದ್ಯಾವಳಿ ಮುಗಿಯಲು ಮಧ್ಯರಾತ್ರಿಯಾಗುವ ಕಾರಣ ಸೋಮವಾರ (ಜು.20) ಕೇರಳದಾದ್ಯಂತ ಶಾಲಾ-ಕಾಲೇಜುಗಳಿಗೆ ರಾಜ್ಯ ಸರ್ಕಾರ ರಜೆ (Kerala School Holiday for FIFA Final) ಘೋಷಿಸಿದೆ.

ಫೈನಲ್​ ಪಂದ್ಯ ಮುಗಿಯಲು ಹೆಚ್ಚು ಕಡಿಮೆ ಬೆಳಗ್ಗಿನ ಜಾವ 3-4 ಆಗುವ ಕಾರಣ, ಮಕ್ಕಳು ನಿದ್ದೆಗೆಟ್ಟು ಪಂದ್ಯ ನೋಡಿದರೆ, ಮರುದಿನ ಶಾಲೆಗೆ ಬರುವುದು ಕಷ್ಟವಾಗುತ್ತದೆ ಎಂಬ ಕಾರಣಕ್ಕಾಗಿ ವಿ.ಡಿ. ಸತೀಶನ್​ ಸರ್ಕಾರ ರಜೆಯನ್ನು ನೀಡಿದೆ.

ಜು. 19 ರ ಮಧ್ಯರಾತ್ರಿ ಪಂದ್ಯ ಆರಂಭವಾಗುವ ಕಾರಣ ಮಾರನೇ ದಿನ ಶಾಲೆಗೆ ಬರಲು ಕಷ್ಟವಾಗುತ್ತದೆ, ಮುಖ್ಯಮಂತ್ರಿಗಳೇ ದಯವಿಟ್ಟು ರಜೆ ನೀಡಿ ಎಂದು ಕೇರಳದ ಮಕ್ಕಳು ಸೋಷಿಯಲ್ ಮೀಡಿಯಾನಲ್ಲಿ ಮನವಿ ಮಾಡಿದ್ದರು.

ಈ ಭಾರಿಯ ಫಿಫಾ ವಿಶ್ವಕಪ್​ ಅನ್ನು ಅಮೆರಿಕ, ಮೆಕ್ಸಿಕೊ ಹಾಗೂ ಕೆನಡ ದೇಶಗಳು ಜಂಟಿಯಾಗಿ ಆಯೋಜನೆ ಮಾಡಿದ್ದು, ಇಂದು ಮಧ್ಯರಾತ್ರಿ ನಡೆಯಲಿರುವ ಫೈನಲ್​ ಹಣಾಹಣಿಯಲ್ಲಿ ಸ್ಪೇನ್ ಹಾಗೂ ಅರ್ಜೆಂಟೀನಾ ಮುಖಾಮುಖಿ ಆಗಲಿದ್ದು, ಕ್ರೀಡಾಭಿಮಾನಿಗಳು ತಮ್ಮ ನೆಚ್ಚಿನ ತಂಡವನ್ನು ಹುರಿದುಂಬಿಸುತ್ತಿದ್ದಾರೆ.