ತೆಲಂಗಾಣ: ಸಾಲ ಕೇಳಿ ಸ್ನೇಹ ಕಳೆದುಕೊಳ್ಳಬೇಡಿ ಎಂದು ಅನೇಕ ವ್ಯಾಪಾರಿಗಳು ತಮ್ಮ ಅಂಗಡಿಗಳಲ್ಲಿ ಗ್ರಾಹಕರ ಕಣ್ಣಿಗೆ ಬೀಳುವಂತೆ ದೊಡ್ಡದಾಗಿ ಹಾಕಿಸಿರುತ್ತಾರೆ. ಹಿಂಗಾದರೂ ಸಾಲ ಕೇಳದೆ ದುಡ್ಡ ಕೊಟ್ಟು ಹೋಗಲಿ ಎಂದು ಮನಸ್ಸಲೇ ದೇವರಲ್ಲಿ ಬೇಡಿಕೊಳ್ಳುತ್ತಾರೆ. ಇನ್ನು ಸ್ನೇಹಿತರ ಬಳಿ ಹಣ ಕೇಳಿದರೆ, ಕೊಟ್ಟರೆ ವಾಪಾಸ್ ಬರುವುದೇ ಎಂದು ಚಿಂತಿಸುವ ಅದೆಷ್ಟೋ ಮಂದಿ, ಇದ್ದರೂ ಇಲ್ಲ ಎನ್ನುತ್ತಾರೆ. ಆದರೆ, ಕೆಲವರಂತು ದುಡ್ಡು ಪಡೆದ ಎರಡು ದಿನಕ್ಕೆ ಸ್ನೇಹ, ಸಂಬಂಧವನ್ನು ಕೇವಲ ಹಣಕ್ಕಾಗಿ ಕಡಿದು, ಕಣ್ಣಿಗೆ ಕಾಣದಂತೆ ತಲೆಮರಿಸಿಕೊಂಡು ಹೋಗುತ್ತಾರೆ. ಆದ್ರೆ, ಇಲ್ಲೊಬ್ಬ ವ್ಯಕ್ತಿ ಸುಮಾರು 35 ವರ್ಷಗಳೇ ಕಳೆದರೂ ತನ್ನ ಕಷ್ಟಕಾಲದಲ್ಲಿ ಸಹಾಯ ಮಾಡಿದ ಸ್ನೇಹಿತನಿಗೆ ಹುಡುಕಿಕೊಂಡು ಬಂದು ಬಡ್ಡಿ ಸಮೇತ ಸಾಲ ತೀರಿಸಿದ ಘಟನೆ ನಿಜಕ್ಕೂ ಆಶ್ಚರ್ಯಕ್ಕೆ ಕಾರಣವಾಗಿದೆ.
