'ನಾನು ರೇಡ್ ಮಾಡಿ ಅಂದ ತಕ್ಷಣ ಮೋದಿ EDಗೆ ಆದೇಶ ಕೊಡ್ತಾರ?': ಸಿಪಿಎಂ ಆರೋಪಕ್ಕೆ ಕೇರಳಂನ ಸಿಎಂ VD Satheesan ಸಖತ್ ಲೇವಡಿ!

ಪಿಣಯರಾಯಿ ವಿಜಯನ್​ ಅವರ ನಿವಾಸದ ಮೇಲೆ ರೇಡ್ ಆಗುವ ಒಂದು ದಿನದ ಮೊದಲು ಕೇರಳಂನ ಸಿಎಂ ವಿಡಿ ಸತೀಶನ್​ ಅವರು ದೆಹಲಿಗೆ ತೆರಳಿ, ಪ್ರಧಾನಿ ನರೇಂದ್ರ ಮೋದಿಯವರನ್ನು ಭೇಟಿಯಾಗಿದ್ದರು. ಇದನ್ನೇ ಗುರಿಯಾಗಿಸಿಕೊಂಡ ಸಿಪಿಎಂನ ನಾಯಕರು. ಪ್ರಧಾನಿ ನರೇಂದ್ರ ಮೋದಿ ಭೇಟಿಯ ಸಮಯದಲ್ಲಿ ED ದಾಳಿಗೆ ಮುಂಚಿತವಾಗಿಯೇ ಯೋಜನೆ ರೂಪಿಸಿಕೊಂಡಿದ್ದರು ಎಂದು ಆರೋಪಿಸಿದ್ದಾರೆ. ಈ ಹೇಳಿಕೆ ಉಲ್ಲೇಖಿಸಿ ವಿಡಿ ಸತೀಶನ್ ಮಾತನಾಡಿದ್ದು ಹೀಗೆ.

'ನಾನು ಪ್ರಧಾನಿಯವರನ್ನು ವಿಜಯನ್ ಅವರ ಮನೆ ಮೇಲೆ ದಾಳಿ ನಡೆಸಿ ಎಂದು ಹೇಳಿದ ತಕ್ಷಣ, ಪ್ರಧಾನಿಯವರು ಸಂಬಂಧಪಟ್ಟ ಅಧಿಕಾರಿಗಳಿಗೆ ಕರೆ ಮಾಡಿ, ಕೇರಳದ ಹೊಸ ಮುಖ್ಯಮಂತ್ರಿಗಳು ಹೀಗೆ ಬಯಸಿದ್ದಾರೆ, ಆದ್ದರಿಂದ ದಾಳಿ ನಡೆಸಿ ಎಂದು ಹೇಳುತ್ತಾರೆ ಎಂದು ಸಿಪಿಎಂ ನಾಯಕರು ಭಾವಿಸಿದ್ದಾರೆಯೇ?' ಎಂದು ಸತೀಶನ್ ಪ್ರಶ್ನಿಸಿದ್ದಾರೆ.

ಇ.ಡಿ ದಾಳಿಯ ಸಂದರ್ಭದಲ್ಲಿ ತನಿಖಾಧಿಕಾರಿಗಳ ಮೇಲೆ ಹಲ್ಲೆ ನಡೆಸಿದವರ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಮುಖ್ಯಮಂತ್ರಿಗಳು ಇದೇ ವೇಳೆ ಸ್ಪಷ್ಟಪಡಿಸಿದ್ದಾರೆ.

ಕೊಚ್ಚಿನ್ ಮಿನರಲ್ಸ್ ಆಂಡ್ ರುಟೈಲ್ ಲಿಮಿಟೆಡ್ ಸಂಸ್ಥೆಗೆ ಸಂಬಂಧಿಸಿದ ಅಕ್ರಮ ಹಣ ವರ್ಗಾವಣೆ ಪ್ರಕರಣದಲ್ಲಿ ಪಿಣರಾಯಿ ವಿಜಯನ್ ಅವರ ಪುತ್ರಿ ವೀಣಾ ಟಿ. ಅವರ ಕಂಪನಿ ಭಾಗಿಯಾಗಿದೆ ಎಂಬ ಆರೋಪದ ಹಿನ್ನೆಲೆಯಲ್ಲಿ ಇ.ಡಿ ಅಧಿಕಾರಿಗಳು ವಿಜಯನ್ ಅವರ ತಿರುವನಂತಪುರಂ ಮತ್ತು ಕಣ್ಣೂರಿನ ನಿವಾಸಗಳ ಮೇಲೆ ದಾಳಿ ನಡೆಸಿ ಶೋಧ ಕಾರ್ಯ ನಡೆಸಿದ್ದರು,( ಏಜೆನ್ಸೀಸ್).