ದೇಶ

ಆಭರಣ ಪ್ರಿಯರಿಗೆ ಜಾಕ್‌ಪಾಟ್..; ಚಿನ್ನ, ಬೆಳ್ಳಿ ಬೆಲೆಯಲ್ಲಿ ಭಾರಿ ಇಳಿಕೆ | Gold-Silver Price Drop

ಆಭರಣ ಪ್ರಿಯರಿಗೆ ಜಾಕ್‌ಪಾಟ್..; ಚಿನ್ನ, ಬೆಳ್ಳಿ ಬೆಲೆಯಲ್ಲಿ ಭಾರಿ ಇಳಿಕೆ
ಆಭರಣ ಪ್ರಿಯರಿಗೆ ಜಾಕ್‌ಪಾಟ್..; ಚಿನ್ನ, ಬೆಳ್ಳಿ ಬೆಲೆಯಲ್ಲಿ ಭಾರಿ ಇಳಿಕೆ
Published on: 

ಪ್ರಮುಖ ಮುಖ್ಯಾಂಶಗಳು

  • ಡಾಲರ್ ಹೊಡೆತಕ್ಕೆ ಸುಸ್ತಾದ ಹಳದಿ ಲೋಹ: ರೆಕಾರ್ಡ್ ಮಟ್ಟದಿಂದ ಕೆಳಕ್ಕೆ ಜಾರಿದ ಚಿನ್ನ
  • ಚಿನ್ನದ ಮಾರುಕಟ್ಟೆಯಲ್ಲಿ ಮಹಾ ಕುಸಿತ: ಒಂದೇ ಸಮನೆ ನೆಲಕಚ್ಚಿದ ಬಂಗಾರ, ಆಭರಣ ಪ್ರಿಯರಿಗೆ ಜಾಕ್‌ಪಾಟ್
  • ಚಿನ್ನದ ಜಿಗಿತಕ್ಕೆ ಬ್ರೇಕ್ ಹಾಕಿದ ಜಾಗತಿಕ ಮಾರುಕಟ್ಟೆ; ಅಗ್ಗವಾಯಿತು ಅಪರಂಜಿ
ನವದೆಹಲಿ: ಜಾಗತಿಕ ಮಾರುಕಟ್ಟೆಯ ಏರಿಳಿತ ಹಾಗೂ ಡಾಲರ್ ಮೌಲ್ಯದ ಬಲವರ್ಧನೆಯಿಂದಾಗಿ ಭಾರತೀಯ ಮಾರುಕಟ್ಟೆಯಲ್ಲಿ ಮಂಗಳವಾರ (ಫೆ.10) ಚಿನ್ನ ಮತ್ತು ಬೆಳ್ಳಿ ಬೆಲೆಯಲ್ಲಿ(Gold-Silver Price Drop) ಭಾರಿ ಕುಸಿತ ಕಂಡುಬಂದಿದೆ. ಕಳೆದ ಎರಡು ದಿನಗಳಿಂದ ಏರಿಕೆ ಹಾದಿಯಲ್ಲಿದ್ದ ಬೆಲೆಗಳು ಇಂದು ಏಕಾಏಕಿ ನೆಲಕಚ್ಚಿದ್ದು, ಆಭರಣ ಪ್ರಿಯರಿಗೆ ಸಿಹಿ ಸುದ್ದಿ ನೀಡಿದರೆ, ಹೂಡಿಕೆದಾರರಲ್ಲಿ ಆತಂಕ ಮೂಡಿಸಿವೆ.

ಬೆಂಗಳೂರು ಹಾಗೂ ದೆಹಲಿಯಲ್ಲಿ ಇಂದಿನ ದರ

ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ 24 ಕ್ಯಾರೆಟ್ ಬಂಗಾರದ ಬೆಲೆ ಹತ್ತು ಗ್ರಾಂಗೆ ಸುಮಾರು ₹1,58,070 ರಷ್ಟಿದ್ದರೆ, ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಹತ್ತು ಗ್ರಾಂ ಅಪರಂಜಿ ಚಿನ್ನದ ಬೆಲೆ ₹1,57,920 ಕ್ಕೆ ಇಳಿಕೆಯಾಗಿದೆ. ಬೆಂಗಳೂರಿನಲ್ಲಿ 22 ಕ್ಯಾರೆಟ್ ಆಭರಣ ಚಿನ್ನದ ದರ ಪ್ರತಿ 10 ಗ್ರಾಂಗೆ ₹1,44,760 ರಷ್ಟಿದೆ.

ಬೆಳ್ಳಿ ಬೆಲೆಯಲ್ಲಿ ಭಾರಿ ಕ್ರ್ಯಾಶ್

ಇಂದಿನ ಮಾರುಕಟ್ಟೆಯ ಅತಿದೊಡ್ಡ ಆಘಾತವೆಂದರೆ ಬೆಳ್ಳಿ ದರದಲ್ಲಿ ಉಂಟಾದ ಕುಸಿತ. ಬೆಳ್ಳಿ ಬೆಲೆಯು ಕೆಜಿಗೆ ಬರೋಬ್ಬರಿ ₹10,000 ಕ್ಕೂ ಹೆಚ್ಚು ಇಳಿಕೆ ಕಂಡಿದೆ. ಬೆಂಗಳೂರಿನಲ್ಲಿ ಇಂದು ಒಂದು ಕೆಜಿ ಬೆಳ್ಳಿ ಬೆಲೆ ₹2,90,000 ಕ್ಕೆ ತಲುಪಿದೆ. ಸೋಮವಾರವಷ್ಟೇ ಇದು ₹3 ಲಕ್ಷದ ಗಡಿ ದಾಟಿತ್ತು ಎಂಬುದು ಗಮನಾರ್ಹ ವಿಷಯವಾಗಿದೆ.

ಬೆಲೆ ಇಳಿಕೆಗೆ ಕಾರಣಗಳೇನು..?

ಜಾಗತಿಕ ಮಟ್ಟದಲ್ಲಿ ಕೆಲವು ಪ್ರಮುಖ ಬೆಳವಣಿಗೆಗಳು ಈ ಬೆಲೆ ಕುಸಿತಕ್ಕೆ ಪ್ರೇರಣೆ ನೀಡಿವೆ.
ಡಾಲರ್ ಬಲವರ್ಧನೆ: ಅಮೆರಿಕದ ಡಾಲರ್ ಇಂಡೆಕ್ಸ್ ಚೇತರಿಸಿಕೊಂಡಿರುವುದು ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನದ ಬೇಡಿಕೆಯನ್ನು ತಗ್ಗಿಸಿದೆ.
ಪ್ರಾಫಿಟ್ ಬುಕ್ಕಿಂಗ್: ಕಳೆದ ತಿಂಗಳು ದಾಖಲೆಯ ಏರಿಕೆ ಕಂಡಿದ್ದರಿಂದ, ಹೂಡಿಕೆದಾರರು ಈಗ ಲಾಭಾಂಶವನ್ನು ನಗದು ಮಾಡಿಕೊಳ್ಳಲು ಮುಂದಾಗಿದ್ದಾರೆ.
ಜಾಗತಿಕ ರಾಜಕೀಯ ಸ್ಥಿರತೆ: ಮಧ್ಯಪ್ರಾಚ್ಯದಲ್ಲಿ ಯುದ್ಧದ ಭೀತಿ ಕೊಂಚ ಕಡಿಮೆಯಾಗಿರುವುದು ಸುರಕ್ಷಿತ ಹೂಡಿಕೆಯಾಗಿ ಚಿನ್ನದ ಮೇಲಿನ ಅವಲಂಬನೆಯನ್ನು ತಗ್ಗಿಸಿದೆ,(ಏಜೆನ್ಸೀಸ್).
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net