25 ದಿನ ಕಳೆದರೂ ಪತ್ತೆಯಾಗದ ಬಬಿತಾ! ಟ್ರೆಕ್ಕಿಂಗ್​ನಲ್ಲಿ ಮಿಸ್ ಆದ​ ಎಂಬಿಎ ವಿದ್ಯಾರ್ಥಿನಿ ಹುಡುಕಾಟ ಇನ್ನಷ್ಟು ಚುರುಕು

ಉತ್ತರಾಖಂಡ: ಮೇ.29ರಂದು ಸ್ನೇಹಿತರ ಜೊತೆ ಟ್ರೆಕ್ಕಿಂಗ್​ಗೆ ಹೋಗಿದ್ದ ಬಬಿತಾ ಪಾಂಡೆ (23) ಎಂಬ ಯುವತಿ ನಾಪತ್ತೆಯಾಗಿದ್ದು, ಇಂದಿಗೆ 25 ದಿನಗಳು ಕಳೆದರೂ ಆಕೆಯ ಸುಳಿವು ಸಿಗದಿರುವುದು ಸದ್ಯ ಕುಟುಂಬಸ್ಥರಲ್ಲಿ ತೀರ ಆತಂಕ ಸೃಷ್ಟಿಸಿದೆ.

ಉತ್ತರಾಖಂಡದ ಉತ್ತರಕಾಶಿಯಲ್ಲಿ ಟ್ರೆಕ್ಕಿಂಗ್​ಗೆಂದು ಸ್ನೇಹಿತರೊಡೆನೆ ಬಂದಿದ್ದ ಬಬಿತಾ ಪಾಂಡೆ, ಆರಂಭದ ಹಂತದಲ್ಲಿರುವ ಬೇಸ್​ ಕ್ಯಾಂಪ್​ನಿಂದ ಕಣ್ಮರೆಯಾಗಿದ್ದಾರೆ ಎಂದು ವರದಿಯಾಗಿದೆ. 20ಕ್ಕೂ ಹೆಚ್ಚು ದಿನಗಳೇ ಕಳೆದರೂ ಆಕೆಗಾಗಿ ನಡೆಸಿದ ಹುಡುಕಾಟ ಸಂಪೂರ್ಣವಾಗಿ ವಿಫಲವಾಗಿದೆ. ಅಧಿಕಾರಿಗಳು ಈ ಪ್ರದೇಶದಾದ್ಯಂತ ವಿವಿಧ ಸಂಸ್ಥೆಗಳಿಂದ 120ಕ್ಕೂ ಹೆಚ್ಚು ಸಿಬ್ಬಂದಿಯನ್ನು ನಿಯೋಜಿಸಿ, ಹಲವಾರು ಡ್ರೋನ್​ಗಳ ಸಹಾಯದಿಂದ ಯುವತಿಯ ಪತ್ತೆಗಾಗಿ ಕಾರ್ಯನಿರ್ವಹಿಸಿದ್ದಾರೆ. ಇಷ್ಟಾದರೂ ಒಂದು ಸಣ್ಣ ಸುಳಿವು ಸಿಗದಿರುವುದು ಸದ್ಯ ಸರ್ಕಾರಕ್ಕೆ ದೊಡ್ಡ ಸವಾಲಾಗಿ ಪರಿಣಮಿಸಿದೆ.

ಪೊಲೀಸ್ ಅಧಿಕಾರಿಗಳ ಪ್ರಕಾರ, ಬಬಿತಾ ಮಿಸ್ಸಿಂಗ್​ ಕೇಸ್​ನಲ್ಲಿ ಆಕೆಯ ಕಾಲ್​ ಡಿಟೇಲ್​ಗಳು ಮತ್ತು ಇತರ ಟೆಕ್ನಿಕಲ್​ ವಿಧಾನಗಳನ್ನು ಬಳಸಿ, ಪತ್ತೆಯಾಗಿ ಶೋಧ ನಡೆಸಲಾಗುತ್ತಿದೆ. ಘಟನೆ ಹೇಗೆ ನಡೆದಿರಬಹುದು ಎಂದು ಅರ್ಥಮಾಡಿಕೊಳ್ಳುವುದು ಮತ್ತು ಯಾವುದೇ ಸಣ್ಣ ಸುಳಿವು ಕಂಡುಹಿಡಿಯುವುದು ಇದರ ಉದ್ದೇಶವಾಗಿದೆ. ತನಿಖೆಯು ಹಲವು ಹಂತಗಳಲ್ಲಿ ನಡೆಯುತ್ತಿದ್ದು, ಸದ್ಯಕ್ಕೆ ಲಭ್ಯವಿರುವ ಪ್ರತಿಯೊಂದು ಮಾಹಿತಿಯನ್ನು ಸೂಕ್ಷ್ಮವಾಗಿ ಪರಿಶೀಲಿಸಲಾಗುತ್ತಿದೆ ಎಂದು ಪೊಲೀಸ್ ಉಪ ವರಿಷ್ಠಾಧಿಕಾರಿ ಹೇಳಿದ್ದಾರೆ.

ಪ್ರಸ್ತುತ ಪ್ರಕರಣವನ್ನು ಎಲ್ಲ ಆಯಾಮಗಳಲ್ಲಿ ಚುರುಕು ತನಿಖೆ ಕೈಗೊಂಡಿರುವ ಅಧಿಕಾರಿಗಳು, ಪೊಲೀಸ್ ತಂಡಗಳು ಈ ಪ್ರದೇಶದಲ್ಲಿ ನಿರಂತರವಾಗಿ ಸಕ್ರಿಯವಾಗಿದೆ. ಮತ್ತು ಕೇಸ್​ಗೆ ಸಹಾಯ ಮಾಡುವಂತೆ ಸಾಕ್ಷ್ಯಗಳನ್ನು ಸಂಗ್ರಹಿಸುತ್ತಿವೆ. ಈ ಮಧ್ಯೆ ಘಟನೆಗೆ ಸಂಬಂಧಿಸಿದಂತೆ ಸ್ಥಳೀಯರು ಕೆಲವು ಕಪಲೋಕಲ್ಪಿತ ಕಥೆಗಳನ್ನು ಹುಟ್ಟುಹಾಕುತ್ತಿದ್ದು, ಯುವತಿಯನ್ನು ಯಕ್ಷಿಣಿ ಹೊತ್ತೊಯ್ದಿರಬಹುದು ಎಂಬ ಅನುಮಾನಗಳನ್ನು ವ್ಯಕ್ತಪಡಿಸುತ್ತಿದ್ದಾರೆ. ಇನ್ನೂ ಕೆಲವರು, ಯಾವುದೋ ಪ್ರಾಣಿಯ ಬೇಟೆಗೆ ಬಬಿತಾ ಬಲಿ ಆಗಿರಬಹುದು ಎಂದಿದ್ದಾರೆ. ಯಕ್ಷ-ಯಕ್ಷಿಣಿಯ ಕಥೆಗಳು ಕೇವಲ ಊಹಾಪೋಹಕ್ಕಷ್ಟೇ ಸೀಮಿತ. ಇದನ್ನೆಲ್ಲ ಯಾರೂ ನಂಬಬೇಡಿ ಎಂದು ಪೊಲೀಸರು ಜನರಲ್ಲಿ ಮನವಿ ಮಾಡಿದ್ದಾರೆ.

ಉತ್ತರಾಖಂಡದ ಉತ್ತರಕಾಶಿಯಲ್ಲಿ ಟ್ರೆಕ್ಕಿಂಗ್​ಗೆಂದು ಸ್ನೇಹಿತರೊಡೆನೆ ಬಂದಿದ್ದ ಬಬಿತಾ ಪಾಂಡೆ ಆರಂಭದ ಹಂತದಲ್ಲಿರುವ ಬೇಸ್​ ಕ್ಯಾಂಪ್​ನಿಂದ ಕಣ್ಮರೆಯಾಗಿದ್ದಾರೆ ಎಂದು ವರದಿಯಾಗಿದೆ. ಇಲ್ಲಿಂದ ಆಕೆಗಾಗಿ ಹುಡುಕಾಟ ತೀವ್ರಗೊಂಡಿದ್ದು, ಅಧಿಕಾರಿಗಳು ಈ ಪ್ರದೇಶದಾದ್ಯಂತ ವಿವಿಧ ಸಂಸ್ಥೆಗಳಿಂದ 120ಕ್ಕೂ ಹೆಚ್ಚು ಸಿಬ್ಬಂದಿಯನ್ನು ನಿಯೋಜಿಸಿದರು. ಹಲವಾರು ಡ್ರೋನ್​ಗಳು ಮತ್ತು ಸ್ಥಳೀಯರು ಯುವತಿಯ ಪತ್ತೆಗಾಗಿ ನಿರಂತರವಾಗಿ ಶ್ರಮಿಸುತ್ತಿದ್ದಾರೆ.

ಪೊಲೀಸರು, ಎನ್‌ಡಿಆರ್‌ಎಫ್, ಎಸ್‌ಡಿಆರ್‌ಎಫ್, ಐಟಿಬಿಪಿ, ಅರಣ್ಯ ಇಲಾಖೆ, ನೆಹರೂ ಇನ್‌ಸ್ಟಿಟ್ಯೂಟ್ ಆಫ್ ಮೌಂಟೇನಿಯರಿಂಗ್, ವಿಪತ್ತು ನಿರ್ವಹಣಾ ಕ್ಯೂಆರ್‌ಟಿ, ಶ್ವಾನ ದಳ, ಎಸ್‌ಒಜಿ, ಸ್ಥಳೀಯ ನಿವಾಸಿಗಳು ಮತ್ತು ಮಾರ್ಗದರ್ಶಕರನ್ನು ಒಳಗೊಂಡ ಜಂಟಿ ಶೋಧ ಕಾರ್ಯಾಚರಣೆ ಪ್ರಸ್ತುತ ಹುಡುಕಾಟದಲ್ಲಿ ನಿರತವಾಗಿವೆ. ಪ್ರತ್ಯೇಕ ಮಾರ್ಗಗಳಲ್ಲಿ ಶೋಧ ತಂಡಗಳನ್ನು ನಿಯೋಜಿಸಲಾಗಿದ್ದು, ಡ್ರೋನ್ ತಂಡಗಳು ಪಕ್ಷಿ ನೋಟ ನೀಡುವ ಮೂಲಕ ಕಾರ್ಯಾಚರಣೆಗೆ ಸಹಾಯ ಮಾಡುತ್ತಿವೆ. ಸತತ ಪ್ರಯತ್ನಗಳ ನಡುವೆಯೂ ಯುವತಿಯ ಸುಳಿವು ಸಿಗದಿರುವುದು ಸದ್ಯ ಸಾಕಷ್ಟು ಅನುಮಾನಗಳಿಗೆ ದಾರಿ ಮಾಡಿಕೊಟ್ಟಿದೆ,(ಏಜೆನ್ಸೀಸ್).