ಮಹಿಳೆಯರು ಸ್ವಯಾರ್ಜಿತ ಆಸ್ತಿ ಹೊಂದಿರಲಾರರು ಎಂದು ಈ ಕಾನೂನನ್ನು ರೂಪಿಸುವ ವೇಳೆ ಸಂಸತ್ತು ಭಾವಿಸಿದ್ದಿರಬಹುದು. ಆದರೆ, ಇತ್ತೀಚಿನ ದಶಕಗಳಲ್ಲಿ ಮಹಿಳೆಯರ ಪ್ರಗತಿಯನ್ನು ಅಲಕ್ಷಿಸಲಾಗದು ಎಂದು ಉತ್ತರಾಧಿಕಾರ ಕಾನೂನನ್ನು ಪ್ರಸ್ತಾಪಿಸಿದ ನ್ಯಾಯ ಮೂರ್ತಿಗಳು ಹೇಳಿದರು. ಹಿಂದೂ ಮಹಿಳೆಯರ ಸಹಿತ ದೇಶದಲ್ಲಿ ಸ್ತ್ರೀಯರ ಶಿಕ್ಷಣ, ಉದ್ಯೋಗ, ಉದ್ಯಮಶೀಲತೆಯಿಂದಾಗಿ ಅವರೂ ಸ್ವಂತ ಆಸ್ತಿ ಗಳಿಸುತ್ತಿದ್ದಾರೆಂದು ಪೀಠ ಟಿಪ್ಪಣಿ ಮಾಡಿತು. ಪುತ್ರ, ಪುತ್ರಿ ಅಥವಾ ಪತಿ ಇಲ್ಲದ ಹಿಂದೂ ಮಹಿಳೆಯೊಬ್ಬಳು ಮೃತಪಟ್ಟ ಸಂದರ್ಭದಲ್ಲಿ ಅವರ ಉತ್ತರಾಧಿಕಾರಿಗಳು ಮಾತ್ರವೇ ಇಂಥ ಸ್ವಯಾರ್ಜಿತ ಸಂಪತ್ತಿನ ಉತ್ತರಾಧಿಕಾರಿ ಆಗಬೇಕಾದರೆ ಅದು ತಾಯಿ ಕುಟುಂಬಕ್ಕೆ ನೋವುಂಟು ಮಾಡಬಹುದು ಎಂದು ಕೋರ್ಟ್ ಹೇಳಿತು.
